Amôs 8:2 - Sră Goh 2018

² Kơnràñ lùp lah: “Ơ Amôs, ñchi mê gŏ taih?” Añ ho lah: “Dô nơm bài ơn plai chi kơnhai prang duh dê.” Gen Yàng Jehôwa đơs tai mơ añ lah: “Bơta lồi dut neh tus hơđang làng bol Israel Añ jê; Añ rơp ò lòi rlau bol khai in tai.

Amôs 8:2 ပူးပေါင်းရင်းမြစ်များ

Sơnròp Gơlik Gơs 6:13

Gen Yàng Tom Trồ đơs mơ Nôe lah: “Bơta lồi dut jơh poac să dê neh tus di đap Añ, tài bơh kòn mơnus lơh ù tiah bềng lìu bơta jàñ bơsak, behơ̆ Añ rơp tơnroh bol khai bal mơ ù sơl.

Esai 28:4

Dơwàng bơkào mhar ro jrùh la bơta hàng mơnĕ gơklŏ gơ dê, ơm hơđang bồ ală cau lơmă bơh phan sa bơkah, rơp gơlik kung be dô nai plai ƀal dum lài mơ tŭ tus kơnhai duh; cau lơi gŏ gơ gen ai tê pic mơ sa mo.

Jeremi 40:10

Đah mơ añ do, añ rơp ơm tòm Mispa, nàng ala mat bol mê tìp mơ ală cau Kalde rơp tus tềng do. Mơya ală bol mê tơrgòm tĕ tơrnòm ño, plai đo kơnhai prang mơ mơñà; ơn tĕ tòm gri bol mê dê, mơ ơm tòm ală ƀòn he neh tòmpìt geh.”

Jeremi 5:31

Ală cau gơnoar hwơr đơs hwơr blac, Ală cau gơnoar ơn phan duh khoai jat jơnau gơnoar sồr cau gơnoar hwơr! Làng bol Añ kòñ gơs bơta behơ̆ sơl. Mơya ñchi bol mê rơp lơh tòm tŭ lồi dut tus taih?”

Ñìm Rac 4:18

Bol khai sền rmê di cơnđòa bol hi dê, tian gơs bol hi ò rgơi lòt jơng tòm ală gùng bol hi dê. Bơta lồi dut bol hi dê neh tus! Ngai bol hi neh tơl! Bơta lồi dut bol hi neh tus!

Ejekiel 12:23

Đơs tĕ mơ bol khai lah: ‘Yàng Jehôwa đơs be do: Añ rơp pơndut jơnau đơs pơnđik hơ̆, mơ bol khai ò đơs tai tòm Israel.’ Đơs tĕ mơ bol khai lah: ‘Ală ngai neh tus rềp tòm tŭ kòp bơta gơtơnggŏ rơp gơlik gơs di ngan.’

Ejekiel 29:8

Gen tàng Jehôwa Yàng Tom Trồ đơs be do: ‘Añ rơp cèng đào tus hơđang mê, mơ tơnroh bơh tòm mê kòn mơnus mơ phan poan jơng.

Ejekiel 3:10

Kơnràñ đơs mơ añ lah: “Ơ kòn mơnus, iat tĕ nền nền mơ prap tĕ tòm nùs jơh ală jơnau Añ đơs mơ mê.

Ejekiel 3:7

Mơya hìu Israel rơp ò bài iat mê tài bơh bol khai ò bài iat Añ, bơh jơh dô nơm hìu Israel neh kră nùs mơ kơldang bồ.

Ejekiel 7:6

Dô bơta lồi dut neh tus, bơta lồi dut neh tus! Gơ neh guh tòmdră mơ mê. Gơ neh tus ne!

Ejekiel 8:12

Gen Kơnràñ đơs mơ añ lah: “Ơ kòn mơnus, mê gŏ sơl bơta ală cau kwang kra hìu Israel dê ơm lơh tòm bơta klam jơngo, kòp nă duh khoai di đap rùp ràk is he dê? Bơh bol khai đơs lah: ‘Yàng Jehôwa ò gŏ bol he ò; Yàng Jehôwa neh sang lòi lơgar do rau!’”

Ejekiel 8:17

Gen Kơnràñ đơs mơ añ lah: “Ơ kòn mơnus, mê neh gŏ bơta hơ̆ sơl? Hơ̆ di sơl la dô bơta ò tơl ƀơ̆ iơh mơ hìu Juda ơm lơh ală bơta cù kìr behơ̆ tềng do ơ? Bol khai pal lơh ală bơta iơh bơsak bềng lìu tòm lơgar nàng kư̆ bơrcek Añ gơjrañ ơ? Sền tĕ bol khai ai ntê chi ơn rềp di muh bol khai dê!

Ejekiel 8:6

Mơ Kơnràñ đơs mơ añ lah: “Ơ kòn mơnus, mê gŏ sơl bơta bol khai lơh, hơ̆ la ală bơta cù kìr rlau jơh mơ hìu Israel ơm lơh tềng do, la ală bơta lơh Añ in ơm ngài mơ tiah sàng goh Añ jê? Mơya mê rơp gŏ ală bơta cù kìr rlau tai sơl.”

Sră Ôse 9:7

Ală ngai lơh glài neh tus rau! Ală ngai sal tê neh tus rau! Israel ñìm nggà. Cau gơnoar hwơr gơlik bơrngơl gơla, cau gơs hwềng Yàng gơlik sơnrang sơnrồng, tài bơh tồi glài bol mê dê la kơnjơ̆ ngan, mơ bơta sòdră bol mê dê la dờng.

Amôs 7:8

Mơ Yàng Jehôwa đơs mơ añ lah: “Ơ Amôs, ñchi mê gŏ taih?” Añ ho lah: “Añ gŏ dô dang che rnoas mơ trà. Gen Yàng đơs lah: Sền do, Añ dang dô nơm che rnoas mơ trà digùl làng bol Israel Añ jê; Añ rơp ò lòi rlau bol khai in tai.

Amôs 8:1

Do la bơta mơ Jehôwa Yàng Tom Trồ neh sơnio añ in sền gŏ: dô nơm bài ơn plai chi kơnhai prang duh.

Mice 7:1

Bòl glar añ in! Bơh añ be dô nă cau dòñ plai tơnơ̆ mơ kơnhai prang, tơnơ̆ mơ tŭ cau neh pic plai ño neh dòñ plai ño; ò gơs dô dơrkum lơi nàng sa, plai ƀal bồ sơnam mơ hwềng nùs añ kơp kòñ kung ò geh.

Sacari 5:2

Mơ khai lùp añ lah: “Ñchi mê gŏ taih?” Añ ho wơl lah: “Añ gŏ dô pang sră pồt gơ par, jòng bàr jơt tal, ơnàng jơt tal.”