Amôs 8:14 - Sră Goh 2018

¹⁴ Bol khai la ală cau srat să bơh Asima cau Samari dê, mơ đơs lah: ‘Ơ Dan, di ngan be yàng bol mê dê kis,’ mơ: ‘Di ngan kung be gùng dà Beerseba dê kis’ jơh ală bol khai rơp gơpừ, ò gơs tŭ lơi guh tai.”

Amôs 8:14 ပူးပေါင်းရင်းမြစ်များ

I Ală Bơtau 12:32

Khai kung bơtào dô bơta pơjum sa tòm ngai jơt pram kơnhai phàm, be ngai wèr cau òs pơjum tòm lơgar Juda, mơ khai ơn ală phan ơn pơdơng hơđang cơnòng duh khoai. Khai kung lơh behơ̆ tòm Betel, ơn phan ơn duh khoai bàr nơm kơnrồ kòn mơ khai neh lơh gơs; khai kung lòi tòm Betel ală cau ơn phan duh khoai ală tiah jơnhoa mơ khai neh bơt.

I Ală Bơtau 14:16

Kơnràñ rơp lơh glài Israel tài bơh glài Jerôbôam dê, hơ̆ la glài khai neh tìs mơ glài khai neh lơh Israel in tìs glài.”

I Ală Bơtau 16:24

Khai neh blơi mơnơm tòm Samari bơh Semer bàr talơng priă. Khai bơt bơtào kơ̆ cê mơnơm hơ̆, mơ khai sơnđan ƀòn dờng khai neh bơt la Samari, jat be sơnđan Semer, la cau tòm mơnơm hơ̆ dê.

II Ală Bơtau 10:29

Mơya khai ò sang lòi tồi glài Jerôbôam, kòn klau Nebat dê, hơ̆ la glài neh lơh cau Israel gơtup tìs: hơ̆ la khai gam lòi wơl ală rùp ràk kơnrồ màh tòm Betel mơ Dan.

II Yal Yau 36:16

Mơya bol khai ñŏ tơnhial di ală cau kong sồr Kơnràñ dê, sền òsơp di ală jơnau Kơnràñ dê, mơ bơtat bơtròh ală cau gơnoar hwơr Kơnràñ dê, tian gơs bơta gơjrañ dờng Yàng Jehôwa dê gơhào khuh dờng ngan tòmdră mơ làng bol Kơnràñ dê mơ ò gơs gùng lơi rgơi dong.

Đơs Crih 140:10

Lòi ồs rnga tuh hơđang bol khai! Lòi bol khai kong sơrbì tòm ală trồm jrô, ò gơs tŭ lơi geh lik tai!

Đơs Crih 36:12

Ne, ală cau iơh bơsak neh gơplơ̆ gơdùh, Bol khai kòl pừ tơlup, ò rgơi guh tai.

Jơnau Pơnđik 24:16

Bơh cau song ring bulah gơplơ̆ poh dơ̆, bol khai kung rơp guh wơl; ai cau iơh bơsak kong bơta rung rài tơnroh.

Jơnau Pơnđik 29:1

Cau lơi kong lah pơrhơng sùm, gam kơldang bồ, rơp kong roh gơcoh nisơna, ò rgơi geh sơmbòi.

Esai 24:20

Plai ù gơpơrlac kung be cau bơñul ñô; gơtơyài kung be dô nơm rnŭ lơh mơ ja, tồi glài gơ tơnàñ kơnjơ̆ hơđang gơ, mơ gơ rơp tơrlơm mơ rơp ò geh guh tai!

Esai 43:17

Bơtau cèng ală rơndeh lòs tòmlơh mơ ală ơseh, mpồl ling tòmlơh mơ mpồl ling khin cha tòmlơh, lơh bol khai gơpừ jơh tềng hơ̆, ò tŭ lơi guh tai, kong tơnroh mơ đơp chơt kung be ồs di brài đèng:

Jeremi 25:27

“Mê pal đơs mơ bol khai lah: Yàng Jehôwa Gơnap Gơnoar, Yàng Tom Trồ Israel dê, đơs be do: ‘Ñô tĕ, bơñul tĕ, tuh hă tĕ, gơpừ tĕ, bañ guh tai, tài bơh pềs tà mơ Añ rơp sồr tus digùl bol mê!’

Jeremi 51:64

mơ đơs tĕ lah: ‘Babilôn rơp gơkram behơ̆! Gơ rơp ò bơtào guh wơl, tài bơh bơta rung rài mơ Añ rơp tơndùh hơđang gơ.’” Jơnau Jeremi tus tềng do la jơh.

Sră Ôse 10:5

Làng bol ơm tòm Samari rngòt rơm să bơh rùp kơnrồ kòn tòm Bet Aben. Làng bol gơ dê rơp ñìm rac bơh gơ, mơ ală cau gơnoar ơn phan duh khoai rùp ràk rơp ñìm rac bơh gơ, bơta gơklŏ gơ dê neh sang lòi gơ.

Sră Ôse 13:16

Samari rơp àñ glài bol khai dê, tài bơh khai neh bơtào tòmdră mơ Yàng Tom Trồ bol khai dê. Bol khai rơp gơpừ bơh đào; ală kòn dềt bol khai dê rơp kong jă tơnlề tòm tiah, mơ ală cau ùr gơs bun bol khai dê rơp kong reh kơndul.

Sră Ôse 13:2

Tŭ do bol khai kư̆ tìs glài sơlo ngai sơlo gơbơtơl tai; mơ lơh gơs dô nơm rùp bol khai in, ală rùp ràk mơ priă jat be bơta git wă bol khai dê, jơh ală bol gơ la broă lơh bơh tê cau chài lơh dê. Bol khai đơs lah: “Ơn tĕ phan ơn duh khoai bol gơ in.” Làng bol cum rùp ràk kơnrồ kòn.

Sră Ôse 4:15

Ơ Israel, bulah mê lơh dri tơlàr kung bañ lòi Juda gơlik tìs glài. Bañ lòt hơ Gilgal; bañ guh hơ Bet Aben. Bañ srat să mơ lah: “Ngan be Yàng Jehôwa kis gam sùm sùm.”

Amôs 5:1

Ơ hìu Israel, iat tĕ jơnau do, la jơnau añ ñìm rac tài bơh bol mê:

Amôs 5:2

“Kòn ơruh Israel dê neh gơpừ, ò gơs tŭ lơi guh tai, gơkòl sang lòi tòm lơgar tòm khai dê, rơp ò gơs cau lơi yò khai guh.”

Amôs 5:5

bañ jòi jat Betel, mơ bañ lòt mut tòm Gilgal; hala bañ lòt gan tòm Beerseba. Bơh Gilgal ngan rơp kong kup cèng pơrdô, Betel rơp gơlik gơs tiah srau gòi.”

Mice 1:5

Jơh ală bơta hơ̆ tài bơh bơta tìs glài Jakôp dê, mơ tài bơh ală bơta tồi glài hìu Israel dê. Bơta tìs glài Jakôp dê la ñchi taih? Hơ̆ ò di la Samari ò ơ? Tiah jơnhoa hơđang Juda dê la ñchi taih? Hơ̆ ò di la Jerusalem ò ơ?

Sôphôni 1:5

Mơ ală cau kun bồ hơđang rkàng hìu mơ duh khoai ală mpồl ling hơđang trồ, ală cau kun bồ ai sơnđan Yàng Jehôwa mơ srat să mơ kung ai sơnđan Milkom mơ srat să;

Broă 18:25

Khai neh geh bơtê jơnau Yàng dê, mơ ai nùs duh hul bơto yal mơ bơto tòm toh ngan ală bơta bơh Yàng Jesu, bulah khai mìng git bơta ƀaptem Jang dê lơm.

Broă 19:23

Tòm tŭ hơ̆ gơlik gơs sơlồng sơlàng dờng ngan tòm Ephesô tài bơh Gùng Duh Khoai Yàng.

Broă 19:9

Mơya tài bơh gơs ală cau kơldang nùs ò dòn, đơs iơh di Gùng Duh Khoai Yàng di đap mpồl làng bol, gen khai sang lòi bol hơ̆, cèng ală cau dòn mơ bơto bơyai kòp ngai tòm klòng bơtê Tirannus.

Broă 24:14

Mơya di đap ồng añ yal song lah añ jat Gùng Duh Khoai Yàng Tom Trồ ồng pàng bol hi dê, jat gùng duh khoai hơ̆ mơ bol khai sơnđan la tìs. Mơ añ kung dòn jơh ală bơta cih tòm sră bơta boh lam Môise bal mơ ală sră cau gơnoar hwơr dê.

Broă 9:2

nàng dan ală sră pơyoa ală hìu jum tòm Damas in, tồ dilah tìp cau lơi bal mơ Gùng Duh Khoai Yàng, cau klau hala cau ùr, gen khai cap cèng brê hơ Jerusalem.

Yal Wơl 33:11

Ơ Yàng Jehôwa, dan ai lơngai hơđang jơh ală bơta chài rgơi khai dê, mơ dan niam nùs di broă tê khai lơh. Dan pòng pă but cau sò tơm di khai, ală cau gơjrañ khai tồ bol khai ò guh tai.”

Yal Wơl 9:21

Añ kung neh ai phan bơta tồi glài bol mê dê la kơnrồ kòn mơ bol mê neh lơh gơs mơ chu gơtòm ồs. Lồc behơ̆ añ neh jan bơcah gơ mơ tơnlề gơlik kơmbuh rhền kung be thul mơ tuh thul hơ̆ tòm croh dà gơhòr mù bơh di mơnơm.