Amôs 8:12 - Sră Goh 2018

¹² Bol khai rơp lòt bơh dàlềng do tus hơ dàlềng ne, mơ lòt bơh đah đang tus hơ đah mattơngai lik, bol khai ntoat mơ yơng jòi jat jơnau Yàng Jehôwa dê, mơya bol khai rơp ò bàn.

Amôs 8:12 ပူးပေါင်းရင်းမြစ်များ

Jơnau Pơnđik 1:28

Gen bol khai rơp hòi rac mơ añ, mơya añ rơp ò ho wơl; Bol khai rơp jơh nùs jòi jat añ mơya ò bàn.

Jơnau Pơnđik 14:6

Cau dơñŏ tơnhial jòi ò bàn bơta jak chài; Mơya bơta git jak ai lơh ƀuơn soh cau àng loh in.

Jơnau Pơnđik 29:18

Tiah lơi siơ̆u bơta gơtơnggŏ làng bol rơp gơlềng gơlàng; mơya cau lơi prap gàr bơta sồr lam geh lơngai lơngò ngan!

Ejekiel 20:3

“Ơ kòn mơnus, đơs tĕ mơ ală cau kwang kra Israel dê mơ yal tĕ bol khai in lah: Jehôwa Yàng Tom Trồ đơs lah: ‘Ñchi bơh tài bol mê neh lòt tus nàng hòi lùp Añ taih?’ Jehôwa Yàng Tom Trồ đơs lah: ‘Di ngan kung be Añ kis, Añ rơp ò lòi bol mê hòi lùp Añ.’

Ejekiel 20:31

Tòm tŭ bol mê ơn phan ai gòi bol mê dê, ơn ală kòn klau bol mê chu tòm ồs, bol mê pơnjat lơh ƀơ̆ ƀơl să tòm bol mê dê bơh jơh ală rùp ràk bol mê dê jơl tus di ngai do. Ơ hìu Israel, Añ rơp lòi bol mê hòi lùp Añ ơ! Be Añ kis, Jehôwa Yàng Tom Trồ đơs behơ̆.

Daniel 12:4

Ai mê, Ơ Daniel, prap gàr tĕ bơta ndơp ndơr mơ tap ƀang kì ală jơnau tòm sră do jơl tus di tŭ tơngai lồi dut. Oă cau rơp lòt tềng do tềng dă mơ bơta git wă rơp gơbơtơl tai.”

Sră Ôse 5:6

Bol khai cèng bal ală mpồl belàt mơ ală mpồl kơnrồ bol khai dê nàng jòi jat Yàng Jehôwa; mơya bol khai rơp ò bàn Kơnràñ; Kơnràñ neh lik bơh di bol khai.

Mathiơ 12:30

Cau lơi ò tòmsòr mơ Añ la tòmdră mơ Añ; cau lơi ò tơrgòm pơjum Añ in gen lơh gơprah gơpring.

I Samuel 3:1

Tŭ hơ̆, kơnòm klau Samuel duh broă Yàng Jehôwa hơđơm gơnoar Heli dê. Jơnau Yàng Jehôwa dê ò hwan gơs tòm pah tơngai hơ̆, bơta gơtơnggŏ ò òs gơlik gơs.