Amôs 8:10 - Sră Goh 2018

¹⁰ Añ rơp pơrlac bơta pơjum sa bol mê dê gơlik gơs bơta pơt wòl, mơ jơh ală bơta đơs chò bol mê dê gơlik gơs bơta ñìm rac. Añ rơp cèng bài sơnò kiat tơntròñ jơh tơl nă bol mê in, mơ koah bồ bol mê dê. Añ rơp lơh gơ in gơlik gơs kung be bơta ñìm ƀồc bơh roh kòn klau dô nă, mơ bơta lồi dut gơ dê kung be dô ngai sràt bơtang.”

Amôs 8:10 ပူးပေါင်းရင်းမြစ်များ

Sơnròp Gơlik Gơs 21:16

mơ khai lòt ngài ngài, mơ nggui pơgap dê dô bồng pañ mơ srào mơ đơs lah: “Mbe añ rgơi ơm sền kòn dềt chơt!” Khai nggui tòm toh tềng hơ̆ mơ ñìm rac.

Sră Jop 20:23

Tơmbềng kơndul bol khai nàng hòm, Yàng Tom Trồ rơp sồr bơta gơjrañ dờng hơđang bol khai, Kơnràñ mìu bơta gơjrañ Kơnràñ dê hơđang khai kung be phan sa.

Sră Jop 3:5

Lòi bơta jơngo mơ klam cik hòi gơ, Lòi puk mhwal jơm ndơp gơ, Lòi bơta klam jơngo jù cik tơn iu gơ.

Sră Jop 30:31

Kơñi pĕ añ jê gơlik gơs ntas rac ròc, Mơ tơliă añ jê gơlik sap moat jrùng.”

Esai 3:24

Rơp gơs ƀô iơh ala ƀô bơlhu; che cap ala ồi kơt but; bồ lòl ala sŏ tơrkồn; bài sơnò kiat ala ồi ào kas màng; tềl lơhò ala bơta hàng mơnĕ.

Jeremi 2:19

Bơta iơh bơsak mê dê rơp lơh glài mê, Bơta pơrlơ̆ dră mê dê rơp lah pơrhơng mê, sền mơ git tĕ lah hơ̆ la bơta iơh mơ hòi bơtang ngan bơh bol mê neh sang lòi Jehôwa Yàng Tom Trồ mê dê, tòm mê ò gơs nùs duh rngòt di Añ.” Yàng la Yàng Jehôwa Gơnap Gơnoar đơs behơ̆.

Jeremi 48:37

Kòp nơm bồ neh koah jơh, kòp sơnò tềp gen koh jơh; kòp nơm tê gen kong tềl reh, kòp nơm but soh ƀào sơnò kiat.

Jeremi 6:26

Ơ làng bol nđàc sơngit Añ jê, soh tĕ bài sơnò kiat, Mơ pơrlac să tòm bùh. Ñìm ƀồc tĕ kung be neh roh kòn dùl nă, Ñìm rac tĕ dô bă sràt bơtang; Bơh cau phà tơnroh nisơna, rơp tus hơđang bol he.

Ñìm Rac 5:15

Bơta hòn chò nùs bol hi dê neh dơh wơl; Bơta tòmya gơlik gơs bơta ñìm ƀồc.

Ejekiel 7:18

Bol khai rơp soh ƀào sơnò kiat, mơ rơp soh bơta rngòt rngơt. Muh mat bol khai dê rơp kong jơm gòm mơ bơta ƀàssìl ƀàsso, mơ bồ bol khai rơp kong koah.

Ejekiel 7:2

“Ơ kòn mơnus, Jehôwa Yàng Tom Trồ đơs mơ lơgar Israel be do: ‘Bơta lồi dut! Bơta lồi dut neh tus di poan mum lơgar!

Sră Ôse 2:11

Añ rơp pơndut jơh ală bơta pơjum chò hòp khai dê, ală ngai pơjum sa kòp nam, ală ngai Dùl lik, ală ngai Saƀat, mơ jơh ală ngai pơjum sa ndai jat be neh lơh nền.

Sră Ôse 2:13

Añ rơp lơh glài khai bơh ală ngai mơ khai neh chu kơlhô ală rùp ràk Baal in, khai bơka să mơ bơno tồr bal mơ ală lŭ màng, khai lòt jat ală cau khai tòmtir, ai Añ gen khai neh lòi hŭi.” Yàng Jehôwa đơs behơ̆.

Jôel 1:8

Ơ làng bol, ñìm rac tĕ kung be dô nă cau ơruh soh ào bài sơnò kiat nàng ñìm ƀồc bau klau neh bau bơh tŭ gam kơnòm să.

Lebi 13:40

Tòm tŭ dô nă cau gơjrùh sŏ mơ lòl bồ, khai geh goh.

Amôs 5:21

Añ gơjrañ, Añ sền òsơp ală ngai pơjum sa bol mê dê; Añ ò kòñ ală ngai pơjum dờng màng bol mê dê.

Amôs 5:23

Sang tĕ ngài sap ală bơta đơs chò bol mê dê bơh di Añ! Añ rơp ò iat sap ală kơñi pĕ bol mê dê.

Amôs 8:3

Tòm ngai hơ̆, ală jơnau đơs chò tòm hìu duh khoai rơp gơlik gơs ală jơnau ñìm rac,” Jehôwa Yàng Tom Trồ đơs behơ̆. “Rơp gơs oă ngan ƀồc chơt, sang làm bă tiah. Pal ơm mŏ!”

Nahum 1:10

Bol khai be cau gơkòl digùl lò mơ be cau bơñul ñô tơrnòm; bol khai kong chu pơrguc kung be rhe ro.

Sacari 12:10

“Mơ Añ rơp tuh tơlik Hwềng bơta nđàc mơ bơta rac dan hơđang hìu Dabit mơ hơđang làng bol Jerusalem. Bol khai rơp sền gŏ Bơtau mơ bol khai neh srơp, mơ bol khai rơp ñìm rac bơh Kơnràñ kung be cau ñìm rac bơh dô nă kòn dùl, mơ ñìm rac sràt bơtang bơh Kơnràñ, kung be cau moat jrùng jê sồt bơh dô nă kòn klau tơnhoa he dê.

Yal Wơl 16:14

Chò hòp tĕ tòm ngai pơjum sa bol mê dê, bol mê, ală kòn klau kòn ùr bol mê dê, ală cau klau cau ùr duh broă bol mê dê, ală cau Lebi, ală cau làng bơdìh, ală cau kòn đòi, mơ ală cau ùr bơnrau ơm kis tòm ală ƀòn dờng bol mê dê.