Amôs 7:7 - Sră Goh 2018

⁷ Do la bơta Kơnràñ neh sơnio añ in: Yàng Jehôwa ntào di gah dô nơm dơrñang neh bơt song mơ che rnoas mơ trà, mơ tòm tê Kơnràñ at dô dang che rnoas mơ trà.

Amôs 7:7 ပူးပေါင်းရင်းမြစ်များ

Sơnròp Gơlik Gơs 28:13

Do, Yàng Jehôwa ntào di bồ ntùng mơ đơs lah: “Añ la Jehôwa Yàng Tom Trồ Abraham ồng mê dê mơ la Yàng Tom Trồ Isak dê. Añ rơp ai mê mơ jơi bơtiàn mê in ù mê bic do.

II Samuel 8:2

Dabit kung tòmlơh pha rlau mơ cau Môap, sồr bol khai bic jơh tòm ù mơ was bol khai mơ dô dang che rnoas. Khai was bàr che rnoas ală cau hơ̆ rơp kòl sreh tơnchơt, mơ was dô che rnoas gen lòi kis ală cau hơ̆. Behơ̆ cau Môap pal kong duh broă Dabit mơ dap dia khai in.

II Ală Bơtau 21:13

Añ rơp yò hơđang Jerusalem che was Samari mơ kơr hìu Ahap. Añ rơp jùt jơh Jerusalem be cau jùt dô nơm prềng, jùt gơ mơ drup sơrklup gơ.

Esai 28:17

Añ rơp ai bơta song ngan lơh gơs che rnoas, mơ bơta song ring lơh gơs plai kơr sơnoa; mìu piar rơp tơnroh tiah kìng crŭ ală bơta đơs blac, mơ dà rơp kŏ tiah pồn să bol mê dê.”

Esai 34:11

Klàng iar mơ klàng kò rơp dòp geh tiah hơ̆; klàng bung mơ kơnđà rơp lơh rsòn ơm tềng hơ̆. Yàng Tom Trồ rơp dang che bơta sơlồng sơlàng hơđang gơ, mơ che pơnring sơlồng sơlàng bơta ryŭ ryơm gơ dê.

Ñìm Rac 2:8

Yàng Jehôwa neh lơh nền phà tơnroh dơrñang kòn ùr Siôn dê; Kơnràñ neh dang che was, ò tă tê bơh bơta lơh tơnroh; Kơnràñ neh lơh theng kơ̆ cê mơ dơrñang ñìm rac, bol khai siar roh òsô ò soàn bal mơ gơp.

Ejekiel 40:3

Kơnràñ neh cèng añ tus tềng hơ̆ mơ añ gŏ dô nă cau gơs rùp să kung be kòng. Cau hơ̆ ntào di gùng mpồng pơnggàr, at tòm tê dô dang che brài mơ dô nơm gai was mơ proh.

Amôs 7:6

Behơ̆ Yàng Jehôwa tơmù nùs bơh bơta do. Jehôwa Yàng Tom Trồ đơs lah: “Bơta hơ̆ kung rơp ò gơlik tus.”

Amôs 7:8

Mơ Yàng Jehôwa đơs mơ añ lah: “Ơ Amôs, ñchi mê gŏ taih?” Añ ho lah: “Añ gŏ dô dang che rnoas mơ trà. Gen Yàng đơs lah: Sền do, Añ dang dô nơm che rnoas mơ trà digùl làng bol Israel Añ jê; Añ rơp ò lòi rlau bol khai in tai.

Sacari 4:10

Ñcau sền òsơp di ngai ală bơta dềt rhền taih? Cau rơp chò hòp sền gŏ che rnoas bơt hìu tòm tê Jerubabel. Poh nơm ồs đèng la gar mat Yàng Jehôwa sền sơwì làm jơh plai ù.”

Yal Tơlik 11:1

Gơs cau ai añ in dô nơm gai jra gơlơh be dô nơm gai rnoas mơ đơs lah: “Ntào tĕ, mơ was hìu duh khoai Yàng Tom Trồ dê, cơnòng guh khoai, mơ ală cau duh khoai tềng hơ̆.

Yal Tơlik 21:15

Cau gơnrơh ơm đơs mơ añ, khai at dê tê dô nơm gai rnoas mơ màh nàng was ƀòn dờng, ală mpồng dờng mơ dơrñang gơ dê sơl.