Amôs 7:4 - Sră Goh 2018

⁴ Do la bơta Jehôwa Yàng Tom Trồ sơnio añ in: Jehôwa Yàng Tom Trồ neh hòi mìu ồs nàng lơh glài; gơ sa jơh thòng dờng jrô mơ sa jơh lơgar.

Amôs 7:4 ပူးပေါင်းရင်းမြစ်များ

Esai 27:4

Añ ò gơjrañ; dilah gơ cèng Añ in tòm lò mrơt! Añ rơp lòt tòmlơh mơ bol gơ; Añ rơp chu pơrguc gơ.

Jeremi 21:12

Ơ hìu Dabit! Yàng Jehôwa đơs be do: Tŭ àng drim lơh tĕ bơta song ring. Dong tă cau kòl kup bơklơn lik klàs bơh tê cau rồn bơklơn, Rngòt bơh bol mê lơh bơta iơh bơsak, Mơ bơta gơjrañ dờng Añ jê hìt be ồs, ò gơs cau lơi rgơi đơp chơt gơ.’

Jeremi 4:4

Ơ bol mê, la cau Juda mơ làng bol ơm tòm Jerusalem, Siat gơltau tĕ să tòm he Yàng Jehôwa in, Mơ siat gơltau nùs bol mê dê! Dilah ò behơ̆, bơta gơjrañ Añ rơp hơng kung be ồs, Chu pơrguc bol mê, mơ ò gơs cau lơi đơp chơt gơ ò, Tài bơh ală bơta iơh bol mê neh lơh.”

Ejekiel 21:3

mơ đơs mơ ù tiah Jerusalem lah: ‘Yàng Jehôwa đơs be do: Añ tus nàng tòmdră mơ mê. Añ rơp tă đào Añ jê bơh di sơmprồm nàng tơnroh bơh di mê ală cau song ring mơ ală cau iơh bơsak.

Jôel 1:19

Ơ Yàng Jehôwa, añ hòi dan mơ Kơnràñ, bơh ồs neh sa jơh ală ƀlàng ñhơt tòm brê, lơmpiat ồs neh sa jơh ală chi che tòm ƀlàng.

Jôel 2:30

Añ rơp lơh tềl sơnio ală bơta crih crài hơđang ală tap trồ mơ hơđang plai ù, hơ̆ la mhàm, ồs, mơ ală jrong ñhŭ.

Lebi 10:2

Behơ̆ gơs ồs gơlik bơh di đap mat Yàng Jehôwa mơ sa pơrguc bol khai, mơ bol khai chơt di đap Yàng Jehôwa.

Amôs 1:4

Behơ̆ Añ rơp sồr ồs tus hơđang hìu Hajael, mơ gơ rơp sa loan ală ƀòn dờng kơ̆ cê Benhadat dê.

Amôs 1:7

Añ rơp sồr ồs tus hơđang ală dơrñang ƀòn Gaja dê, gơ rơp sa loan jơh ală gơlang kơ̆ cê gơ dê.

Amôs 2:5

Añ rơp sồr ồs tus hơđang Juda, gơ rơp chu pơrguc ală hìu gơlang kơ̆ cê Jerusalem dê.”

Amôs 4:11

“Añ neh tuh tơlup cau ƀà tòm bol mê, kung be Añ neh tuh tơlup Sôdôm mơ Gômôrơ. Bol mê kung be dô nơm ntê chi neh cau sơmbat tơlik bơh di ồs, bulah behơ̆ bol mê kung ò rê wơl mơ Añ.” Yàng Jehôwa đơs behơ̆.

Amôs 5:6

Jòi jat tĕ Yàng Jehôwa gen geh kis, dilah ò gen Kơnràñ rơp hìt be lơmpiat ồs tòmdră mơ hìu Jôsep; mơ gơ rơp sa loan Betel, mơ ò gơs dô nă cau lơi đơp chơt gơ.

Amôs 7:1

Do la bơta mơ Jehôwa Yàng Tom Trồ neh sơnio añ in: Kơnràñ lơh gơs srah nting di di tŭ ñhơt sơntòm hòn wơl, hơ̆ la ñhơt hòn wơl tơnơ̆ mơ tŭ koh ñhơt bơtau dê.

Amôs 7:7

Do la bơta Kơnràñ neh sơnio añ in: Yàng Jehôwa ntào di gah dô nơm dơrñang neh bơt song mơ che rnoas mơ trà, mơ tòm tê Kơnràñ at dô dang che rnoas mơ trà.

Mice 1:4

Gen jơh ală mơnơm lề lac hơđơm Kơnràñ, mơ ală thòng rơp bơcah lề, be jrềng ơm rềp ồs, be dà hòr mù bơh kơh mơnơm.

Nahum 1:6

Ñcau rgơi ntào jai di đap bơta gơhào gơjrañ Kơnràñ dê taih? Ñcau rgơi kong jai bơta gơhào khuh gơjrañ Kơnràñ dê taih? Bơta gơjrañ dờng Kơnràñ dê gơhòr lik be ồs; ală pơnai lŭ bơcah lề di đap Kơnràñ.

Khà Làng Bol 16:35

Mơ ồs gơlik bơh di Yàng Jehôwa sa roh bàr rhiang pram jơt nă cau klau neh ơn kơlhô.

Yal Wơl 32:22

Bơh dô nơm ồs neh sa hơng bơh bơta gơjrañ dờng Añ jê, mơ chu pơrguc tus di tiah jrô lơgar làng ƀồc; gơ sa loan plai ù mơ ală phan gơlik bơh gơ, mơ chu tòm ồs ală mơnàng ală mơnơm dê.

Hebrơ 1:7

Tòm tŭ đơs bơh ală cau gơnrơh gen Kơnràñ đơs lah: “Yàng Tom Trồ lơh ală cau gơnrơh Kơnràñ dê be càl, Mơ ală cau duh broă Kơnràñ dê be lơmpiat ồs.”

Yal Tơlik 4:1

Tơnơ̆ mơ hơ̆ añ sền gŏ, ne, dô nơm mpồng pò hơđang trồ, mơ jơnau añ neh kơno bơh sơnròp đơs mơ añ be ntas kơlwòk, jơnau hơ̆ đơs mơ añ lah: “Guh tĕ hơ do, Añ rơp sơnio mê in ală bơta pal gơlik tus tơnơ̆.”