Amôs 7:17 - Sră Goh 2018

¹⁷ Gen tàng Yàng Jehôwa đơs be do: ‘Bau ùr mê dê rơp gơlik gơs dô nă ùr dri tòm ƀòn dờng; ală kòn klau mơ ală kòn ùr mê dê rơp gơpừ bơh đào; lơgar mê rơp kong was mơ tòmpà gơs oă pơnah, ai să tòm mê rơp chơt tòm dô nơm lơgar ò goh, mơ Israel ngan rơp kong kup cèng pơrdô bơh di lơgar tòm bol khai dê.’”

Amôs 7:17 ပူးပေါင်းရင်းမြစ်များ

II Ală Bơtau 17:6

Tòm nam dơ̆ sin rài Ôse, bơtau Asiri tòmpìt ai jơh Samari, cèng làng bol Israel tus hơ Asiri, ơn bol khai ơm tòm Hala hơđang Habor, di gah hiòng Gôjan dê, tòm ală ƀòn dờng lơgar Medi dê.

Đơs Crih 78:55

Kơnràñ bơtrơh tơlik ală làng bol di đap bol khai; Kơnràñ tòmpà lơgar lơh gơs sre brê bol khai in, Mơ ai ală jơi bơtiàn cau Israel in ơm tòm sàl ală làng bol hơ̆ dê.

Esai 13:16

Kòn dềt bol khai dê rơp kong tơnlề rpot rpet di đap mat bol khai, hìu bol khai dê rơp kong cau phà tòmpìt mơ bau ùr bol khai dê rơp kong cau bic bơklơn.

Esai 22:18

Kơnràñ rơp pồt mê kơ̆ ngan kung be pồt dô nơm plai coh, mơ sang sơrbì hơ dô nơm lơgar ơnàng. Tềng hơ̆ mê rơp chơt, tềng hơ̆ ală rơndeh lòs tòmlơh hàng mơnĕ mê dê rơp ơm bic tềng hơ̆, mê neh lơh ƀàssìl di cau tòm at bồ hìu mê dê!

Jeremi 14:16

Ală cau mơ bol khai yal jơnau đơs hwơr hơ̆ in, bal mơ bau ùr, kòn klau, kòn ùr bol khai rơp gơkòl sơrbì tòm gùng ƀòn dờng Jerusalem dê kong đào tà mơ jơgloh rung. Tềng hơ̆ ò gơs cau lơi tơp bol khai, să tòm bol khai, ală bau ùr bol khai dê, ală kòn klau mơ ală kòn ùr bol khai dê. Añ rơp tuh bơta iơh bol khai dê hơđang bol khai!

Jeremi 20:6

Ai mê, ơ Pasur, să tòm mê bal mơ ală cau ơm tòm hìu mê, rơp cèng lơh dĭ hơ Babilôn, mơ mê rơp chơt mơ tơp tềng hơ̆, bal mơ jơh ală cau bơyô mê dê, hơ̆ la ală cau mơ mê neh đơs hwơr ma blac bol khai in.’”

Jeremi 28:12

Tơnơ̆ mơ tŭ cau gơnoar hwơr Hanania neh dơrpă yô bơh di ngko Jeremi dê, gen gơs jơnau Yàng Jehôwa đơs mơ Jeremi be do:

Jeremi 28:16

Behơ̆ tàng, Yàng Jehôwa đơs be do: ‘Añ rơp tă sang mê klàs bơh plai ù; nam do mê rơp chơt; tài bơh neh đơs tòmdră mơ Yàng Jehôwa.’”

Jeremi 29:21

“Yàng Jehôwa Gơnap Gơnoar, Yàng Tom Trồ Israel dê, đơs be do bơh Ahap, kòn klau Kôlayah, mơ Jedekia, kòn klau Maaseyah, la ală cau ai sơnđan Añ đơs hwơr ma blac: ‘Añ rơp phi bol khai tòm tê Nebukatnessar, bơtau Babilôn, khai rơp tơnchơt bol khai di đap mat bol mê.’

Jeremi 29:25

Yàng Jehôwa Gơnap Gơnoar, Yàng Tom Trồ Israel dê, đơs be do: ‘Mê neh ai sơnđan să he pơyoa sră jơh làng bol Jerusalem in, ai Sôphôni, kòn klau Maaseyah, cau gơnoar ơn phan duh khoai, mơ jơh ală cau gơnoar ơn phan duh khoai in lah:

Ñìm Rac 5:11

Ală cau ùr kòl rồn bơklơn tòm Siôn, Mơ rồn bơklơn ală cau ơruh dềt tòm ală ƀòn Juda.

Ejekiel 4:13

Yàng Jehôwa đơs lah: “Kung behơ̆, làng bol Israel rơp sa phan sa ƀơ̆ ƀơl digùl ală lơgar mơ Añ rơp bơtrơh bol khai lòt tus.”

Sră Ôse 9:3

Bol khai rơp ò gam ơm wơl tòm lơgar Yàng Jehôwa dê; mơ Epraim rơp rê wơl hơ Ejiptơ, mơ tòm Asiri bol khai rơp sa phan sa ƀơ̆ ƀơl.

Amôs 6:7

Gen tàng bol mê rơp la ală cau sơnròp kong kup cèng gơs dĭ, mơ bơta pơjum kơnhơl chò hòp bơh bơta lòt yơng rơp jơh.

Amôs 7:11

Bơh do la ală jơnau Amôs neh đơs: ‘Jerôbôam rơp chơt bơh đào, mơ Israel pal kong kup cèng ngài bơh di lơgar tòm bol khai dê.’”

Amôs 8:1

Do la bơta mơ Jehôwa Yàng Tom Trồ neh sơnio añ in sền gŏ: dô nơm bài ơn plai chi kơnhai prang duh.

Amôs 9:1

Añ gŏ Yàng Jehôwa ntào rềp di gah cơnòng duh khoai, mơ Kơnràñ đơs lah: “Pòng tĕ ală bồ jrong jơl tus ală ròc bơr mpồng gơlơnggơr; pòng bơcah tĕ bol gơ hơđang bồ jơh ală làng bol, ală cau gam wơl gen Añ rơp tơnchơt mơ đào. Ò gơs dô nă cau lơi rơp geh dô, ò gơs dô nă cau lơi rơp geh klàs.

Amôs 9:8

Mat Yàng Jehôwa dê ơn hơđang lơgar bềng tồi glài do. Añ rơp tơnroh gơ bơh di plai ù; mơya Añ rơp ò tơnroh jơh hir hìu Jakôp dê,” Yàng Jehôwa đơs behơ̆.

Mice 1:16

Koah bồ tĕ mơ ñìm rac ròc, bơh ală kòn sau mơ bol mê kòñ gơboh; lơh tĕ bồ bol mê lòl kung be grơt, bol khai rơp lik lòt bơh bol mê, mơ kong kup cèng pơrdô hơ tiah ngài!

Sacari 14:2

Añ rơp pơjum tơrgòm jơh ală lơgar tòm Jerusalem nàng tòmlơh mơ gơ, ƀòn dờng rơp kong tòmpìt, ală hìu rơp kong phà kơñau, cau ùr rơp kong cau bic bơklơn. Nggùl ƀòn dờng rơp kong kup cèng gơs dĭ; mơya làng bol gam wơl rơp ò kòl tă tơlik bơh di ƀòn dờng.