Amôs 7:14 - Sră Goh 2018

¹⁴ Amôs ho wơl mơ Amajiah lah: “Añ ò di la cau gơnoar hwơr, kung ò di la dô nă kòn klau cau gơnoar hwơr dê; mơya añ la dô nă cau ê belàt, mơ añ kung rcang gàr niam ală chi ƀal brê.

Amôs 7:14 ပူးပေါင်းရင်းမြစ်များ

I Ală Bơtau 19:19

Behơ̆, Eli lòt bơh hơ̆ mơ tìp Elise kòn klau Saphat dê, ơm lơòr sre, gơs jơt bàr yô kơnrồ di đap khai, să tòm khai at yô dơ̆ jơt bàr. Eli lòt gan sơrbì ào jrùh hơđang khai.

I Ală Bơtau 20:35

Gơs gơnoar sồr Yàng Jehôwa dê, dô nă cau tòm mpồl ală cau gơnoar hwơr, đơs mơ dô nă cau ndai lah: “Añ dan bi lơh tĕ añ.” Mơya cau ne ò bài lơh khai.

II Ală Bơtau 2:15

Tòm tŭ ală cau gơnoar hwơr ơm tòm Jerikô, gŏ Elise bơh ngài gen đơs lah: “Hwềng Eli dê ơm hơđang Elise.” Bol khai tus rò Elise, tơmbic să di đap khai.

II Ală Bơtau 2:3

Mpồl ală cau gơnoar hwơr ơm tòm Betel tus đơs mơ Elise lah: “Bi neh git lah ngai do Yàng Jehôwa rơp tă cau tòm bi dê ngài bơh di bi sơl?” Khai ho: “Ơi añ git; ơm tĕ mŏ mŏ!”

II Ală Bơtau 2:5

Mpồl ală cau gơnoar hwơr dê ơm tòm Jerikô tus rềp mơ Elise, đơs mơ khai lah: “Bi neh git sơl ngai do Yàng Jehôwa rơp tă cau tòm bi dê ngài bơh di bi sơl?” Khai ho lah: “Ơi añ git, ơm tĕ mŏ mŏ!”

II Ală Bơtau 2:7

Pram jơt nă tòm ală cau gơnoar hwơr kung lòt sơl, ñă ntào ngài ngài bơh di bol khai, ai bàr nă bol khai gen neh ơm ntào di gah hiòng Jordan.

II Ală Bơtau 4:38

Tòm tŭ Elise rê wơl hơ Gilgal, gơs bơta jơgloh rung tòm lơgar. Ală cau bơtê ală cau gơnoar hwơr dê nggui di đap khai. Elise đơs mơ cau dong broă lah: “Ơn tĕ glah dờng hơđang bơnhă, gơm biap ală cau bơtê ală cau gơnoar hwơr in sa.”

II Ală Bơtau 6:1

Tŭ hơ̆ mpồl ală cau gơnoar hwơr đơs mơ Elise lah: “Be ồng neh gŏ, tiah bol he ơm tềng do hơđơm bơta sền gàr ồng dê hat ngan bol hi in.

II Yal Yau 16:7

Tòm tŭ hơ̆, Hanani cau gơnoar hwơr lòt tus hơ Asa bơtau Juda mơ đơs lah: “Tài bơh bơtau neh dòn kơnòm di bơtau lơgar Aram mơ ò dòn kơnòm di Jehôwa Yàng Tom Trồ bơtau dê, gen mpồl ling bơtau lơgar Aram dê neh dô klàs bơh di tê bơtau dê.

II Yal Yau 19:2

Jehu kòn klau Hanani cau gơnoar hwơr lòt tìp bơtau mơ đơs mơ khai lah: “Bơtau pal dong kòl ală cau iơh bơsak mơ kòñ gơboh di ală cau gơjrañ di Yàng Jehôwa sơl ơ? Tài bơh ală bơta hơ̆, gen bơta gơjrañ dờng Yàng Jehôwa dê dùh hơđang bơtau.

II Yal Yau 20:34

Ală broă ndai tòm rài at bồ Jehôsaphat dê, bơh sơnròp tus di lồi dut, neh geh cih tòm sră yal broă kòp nam Jehu dê, kòn klau Hanani, kung geh cih tòm sră yal yau ală cau bơtau Israel dê.

Sră Jop 30:4

Bol khai jòi pic nha tòm ală rlau chi, lơh ram să bol khai mơ ryas chi pơrnơs.

Amôs 1:1

Do la ală jơnau Amôs dê, la dô nă tòm ală cau ê belàt tòm Tekôa, bơta khai gŏ gơwèt hơ Israel, tòm tŭ Ujia la bơtau at bồ Juda, mơ Jerôbôam, kòn klau Jôas, la bơtau at bồ Israel, bàr nam lài mơ tŭ lơnggơr ù.

Amôs 3:8

Tòm tŭ klìu triă ơluh ơhùm gen ñcau rơp ò rngòt taih? Tòm tŭ Jehôwa Yàng Tom Trồ neh đơs gen ñcau rgơi ò đơs hwơr taih?

Sacari 13:5

Khai rơp đơs lah: ‘Añ ò di la dô nă cau gơnoar hwơr. Añ la dô nă cau lơòr sre, ù tiah la phan tòm añ jê bơh tŭ añ gam kơnòm.’

I Kôrintô 1:27

Mơya Yàng Tom Trồ neh sac ală phan tùl gơla dunnia dê nàng lơh ƀàssìl ală cau jak chài in; mơ Yàng Tom Trồ neh sac ală bơta lơbơn lơño dunnia dê nàng lơh ƀàssìl ală bơta pràn kơldang,

I Samuel 10:11

Tòm tŭ jơh ală cau git khai bơh lài gŏ khai đơs hwơr bal mơ ală cau gơnoar hwơr gen bol khai đơs bal mơ gơp lah: “Ñchi bơta neh gơlik gơs di kòn klau Kis taih? Sol kung gơs bal tòm sèng ală cau gơnoar hwơr ơ?”