Amôs 7:10 - Sră Goh 2018

¹⁰ Gen Amajiah, cau gơnoar ơn phan duh khoai Betel dê, pơyoa jơnau đơs mơ Jerôbôam la bơtau Israel dê lah: “Amôs bơtào kai gơrmơ̆i tòmdră mơ bơtau tòm làm bă tiah digùl hìu Israel. Lơgar ò rgơi ơnòng jai jơh ală jơnau khai dê.

Amôs 7:10 ပူးပေါင်းရင်းမြစ်များ

Sơnròp Gơlik Gơs 37:8

Gen ală bi khai ho lah: “Mê rơp at bồ bol hi ơ? Mê rơp geh gơnoar hơđang bol hi ơ?” Bol hơ̆ sơlo gơjrañ kơuềng di khai oă tai, tài bơh ală bơta mpau mơ jơnau đơs khai dê.

I Ală Bơtau 13:33

Bulah tơnơ̆ mơ ală broă hơ̆, Jerôbôam ò pơrlac sang gùng iơh bơsak khai dê, mơya bơtào wơl ală cau gơnoar ơn phan duh khoai ală tiah jơnhoa in bơh digùl jơh làng bol; cau lơi kòñ lơh, gen khai ơn is nàng lơh gơs cau ơn phan duh khoai ală tiah jơnhoa in.

I Ală Bơtau 18:17

Tòm tŭ Ahap gŏ Eli, gen khai đơs lah: “Hơ̆ la mê, cau lơh sơlồng sơlàng Israel sơl?”

Jeremi 18:18

Gen bol khai đơs lah: “Tus tĕ, bol he bơtào tĕ kai nàng tòmdră mơ Jeremi; bơh cau gơnoar ơn phan duh khoai ò siơ̆u bơta boh lam, cau jak chài ò siơ̆u bơta cri bơyai, cau gơnoar hwơr ò siơ̆u jơnau đơs hwơr. Bol he tus tĕ, ai jơnau đơs bol he tòmdră mơ khai, bañ ơn tồr iat jơnau khai dô êt lơi.”

Jeremi 36:16

Mơya, tòm tŭ bol khai kơno jơh ală jơnau, gen rngòt sền di gơp, mơ đơs mơ Baruk lah: “Bol hi ngan pal cèng ală jơnau yal cau bơtau in.”

Jeremi 38:4

Ală kwang at bồ yal mơ bơtau lah: “Dan sồr tơnchơt tĕ cau do, bơh khai đơs ală jơnau behơ̆, lơh tê ală cau ling tòmlơh ơm wơl tòm ƀòn mơ jơh ală làng bol gơlik lơbơn lơño; bơh cau do ò jòi bơta dong kòl làng bol mơya jòi bơta roh gơprah.”

Amôs 1:1

Do la ală jơnau Amôs dê, la dô nă tòm ală cau ê belàt tòm Tekôa, bơta khai gŏ gơwèt hơ Israel, tòm tŭ Ujia la bơtau at bồ Juda, mơ Jerôbôam, kòn klau Jôas, la bơtau at bồ Israel, bàr nam lài mơ tŭ lơnggơr ù.

Amôs 3:14

Tòm ngai Añ lơh glài Israel bơh ală tồi glài khai dê, Añ rơp lơh glài ală cơnòng duh khoai Betel dê; ală ngke cơnòng duh khoai dê rơp gơkòl koh mơ tơndùh tòm ù.

Amôs 5:10

Bol mê gơjrañ kơuềng dê cau lah pơrhơng di mpồng ƀòn, mơ sền òsơp di cau đơs jơnau song.

Amôs 5:5

bañ jòi jat Betel, mơ bañ lòt mut tòm Gilgal; hala bañ lòt gan tòm Beerseba. Bơh Gilgal ngan rơp kong kup cèng pơrdô, Betel rơp gơlik gơs tiah srau gòi.”

Amôs 7:11

Bơh do la ală jơnau Amôs neh đơs: ‘Jerôbôam rơp chơt bơh đào, mơ Israel pal kong kup cèng ngài bơh di lơgar tòm bol khai dê.’”

Mathiơ 21:23

Dơ̆ Yàng Jesu mut tòm hìu duh khoai, tòm tŭ Kơnràñ bơto sồr gen gơs ală cau gơnoar lam bồ ơn phan duh khoai mơ ală cau kwang kra tòm làng bol tus lùp lah: “Bơh gơnoar lơi mơ ồng lơh ală bơta do, mơ ñcau neh ai ồng in gơnoar hơ̆ taih?”

Luka 23:2

Bol khai yă Kơnràñ lah: “Bol hi neh gŏ cau chồl bơtrut làng bol hi dê, bơkơŭ boh dia Sesa in, mơ khai sơnđan is să khai la Krist la Bơtau.”

Broă 24:5

Ngan behơ̆, bol hi neh gŏ cau do jak tơnggơs bơta iơh, neh lơh gơlik sơlồng sơlàng digùl jơh ală cau Juda tòm làm dunnia, mơ khai la cau lam bồ mpồl cau Nasaret.

Broă 5:28

“Bol hi neh bơkơ̆u nền ngan bol mê bañ ai sơnđan hơ̆ nàng bơto sồr, mơya bol mê lơh Jerusalem in bềng lìu bơta bơto sồr bol mê dê, mơ kòñ lơh bol hi in pal kong bơh bơta chơt cau hơ̆ dê.”

Broă 7:54

Ală bol hơ̆ kơno jơnau hơ̆, gen tơk òl gơhào nùs, mơ rkiat sề di Etien.