Amôs 6:8 - Sră Goh 2018

⁸ Jehôwa Yàng Tom Trồ neh srat să mơ să tòm Kơnràñ; Jehôwa Yàng Tom Trồ Gơnap Gơnoar Dờng làm Jơh đơs lah: “Añ cù kìr di bơta pơnhừ să Jakôp dê, mơ gơjrañ mañ di ală gơlang kơ̆ cê khai dê; Añ rơp jào phi ƀòn dờng mơ jơh ală phan tòm hơ̆.”

Amôs 6:8 ပူးပေါင်းရင်းမြစ်များ

Sơnròp Gơlik Gơs 22:16

Yàng Jehôwa đơs lah: “Bơh mê neh lơh bơta hơ̆, ò pơlai kòn klau mê, hơ̆ la kòn dùl mê dê, gen Añ ai să tòm Añ mơ ho bal lah:

Đơs Crih 106:40

Tài bơh hơ̆ bơta gơjrañ dờng Yàng Jehôwa dê gơhào khuh mơ làng bol Kơnràñ dê, Kơnràñ cù kìr di bol khai la sre brê Kơnràñ dê.

Đơs Crih 47:4

Kơnràñ sac rwah phan jơtài bol hi in, Gơ la bơta jòng să Jakôp dê cau Kơnràñ kòñ gơboh. (Selah)

Đơs Crih 50:12

Dilah Añ jơgloh Añ ò càng yal mê in git, Bơh lơgar dunnia mơ jơh ală phan tòm gơ la gơrê bal mơ Añ.

Đơs Crih 78:59

Tòm tŭ Yàng Tom Trồ kơno bơta hơ̆ gen bềng nùs gơhào gơjrañ, Mơ sang lòi jơh Israel.

Jơnau Pơnđik 8:13

Bơta duh rngòt di Yàng Jehôwa, hơ̆ la gơjrañ di bơta iơh; Añ gơjrañ bơta pơnhừ să, tràl sơrbil, Añ gơjrañ gùng dà iơh mơ jơnau đơs lac lèo.

Esai 28:1

Bòl glar dơwàng bơkào jòng să ală cau bơñul ñô Epraim dê, bòl glar bơkào mhar ro jrùh la bơta hàng mơnĕ gơklŏ gơ dê, ơm hơđang bồ ală cau lơmă bơh phan sa bơkah, ală cau neh gơpừ tài bơh tơrnòm ño!

Jeremi 12:8

Sre brê Añ tòmdră mơ Añ Kung be dô nơm klìu triă tòm brê, Ơluh ơhùm tòmdră mơ Añ; Gen tàng Añ gơjrañ bol khai.

Jeremi 22:14

La cau đơs lah: ‘Añ rơp bơt dô nơm hìu dờng, Gơs ală ơdŭ ơnàng hơđang;’ Gơs ală mpồng dềt, Pơng dơrñang mơ mpàn chi pơnàng, Mơ pih dà pơrhê.

Jeremi 22:5

Yàng Jehôwa đơs: Mơya dilah bol mê ò bài iat jơnau do, Añ srat să mơ să tòm Añ lah, hìu do rơp gơlik tiah lòi srau.’

Jeremi 44:26

Gen tàng, ơ jơh làng bol Juda ơm tòm lơgar Ejiptơ, iat tĕ jơnau Yàng Jehôwa. Yàng Jehôwa đơs: Do Añ rơp ai sơnđan dờng Añ mơ srat să, rơp ò gơs dô nă cau Juda lơi tòm jơh lơgar Ejiptơ pò bơr đơs bơh sơnđan Añ tai mơ đơs lah: ‘Ngan kung be Yàng Jehôwa kis gam sùm sùm!’

Jeremi 49:13

Yàng Jehôwa đơs: “Bơh Añ neh sơnio să tòm Añ mơ srat să, Bôsra rơp gơlik gơs cù kìr mơ sền òsơp, kong phà tơrlah mơ srat sơntơm; ală ƀòn gơ dê rơp gơlik gơs dô gơnru lề lac jơl sùm sùm.”

Jeremi 51:14

Yàng Jehôwa Gơnap Gơnoar neh ai să he mơ srat să lah: ‘Añ ngan rơp lơh mê in bềng mpồl ling, gal be srah nting; rơp driau bơta pha lin hơđang mê.’

Ñìm Rac 2:5

Yàng neh gơlik gơs be dô nă cau sò tơm, Kơnràñ neh tơnroh Israel; Kơnràñ neh tơnroh jơh ală gơlang bơtau gơ dê, lơh tơrlah tơrling ală theng kơ̆ cê; mơ bơtơl bơta ñìm rac, pơt wòl digùl kòn ùr Juda.

Ejekiel 24:21

‘Đơs tĕ mơ hìu Israel: Jehôwa Yàng Tom Trồ đơs be do: Do, Añ rơp lơh ngkòr ngkàc tiah sàng goh Añ jê, bơta jòng să bơh gơnoar pràn mê dê, mat mê gơboh gơbài, la bơta nùs mê hàm kòñ. Ală kòn klau kòn ùr bol mê dê mơ bol mê neh lòi wơl bơh ngkòi rơp gơpừ bơh đào.

Sră Ôse 11:6

Đào rơp sreh tơnchơt bol khai tòm ală ƀòn dờng bol khai dê, rơp tơnroh ală mpồng ƀòn dờng bol khai dê, mơ sa loan jơh bol khai. Tài bơh bơta ma blac bol khai dê

Lebi 26:11

Añ rơp ơn tiah ơm Añ jê digùl bol mê, mơ Añ rơp ò cù kìr di bol mê.

Lebi 26:30

Añ rơp tơnroh ală tiah jơnhoa duh khoai bol mê dê, koh sang ală cơnòng chu kơlhô bol mê dê mơ tơƀù ală ƀồc bol mê dê hơđang ală rùp ràk ò gơs bơta kis bol mê dê, mơ Añ rơp cù kìr di bol mê.

Amôs 3:10

Yàng Jehôwa đơs lah: “Bol khai ò git mbe lơh bơta song ring, bol khai pơjum tơrgòm ală bơta jàñ bơsak mơ phan ntung kơñau tòm ală theng kơ̆ cê bol khai dê.”

Amôs 3:11

Gen tàng Jehôwa Yàng Tom Trồ đơs be do: “Dô nă cau sò tơm rơp gơrwàng gùt dar lơgar do; khai rơp tơnroh bơta cang kìng bol mê dê mơ tòmpìt kơñau ală theng kơ̆ cê bol mê dê.”

Amôs 4:2

Yàng Jehôwa Gơnap Gơnoar Dờng Làm Jơh neh ai bơta sàng goh Kơnràñ dê mơ srat să lah: “Ngan, tŭ tơngai rơp tus hơđang bol ai, tòm tŭ bol khai rơp tă cèng bol ai mơ ală kơlnĕ, tian gơs cau lồi dut bol ai dê rơp kòl kup cèng bơh ală gai kwĕ gơs plai ndàr ka.

Amôs 5:21

Añ gơjrañ, Añ sền òsơp ală ngai pơjum sa bol mê dê; Añ ò kòñ ală ngai pơjum dờng màng bol mê dê.

Amôs 8:3

Tòm ngai hơ̆, ală jơnau đơs chò tòm hìu duh khoai rơp gơlik gơs ală jơnau ñìm rac,” Jehôwa Yàng Tom Trồ đơs behơ̆. “Rơp gơs oă ngan ƀồc chơt, sang làm bă tiah. Pal ơm mŏ!”

Amôs 8:7

Yàng Jehôwa srat să bơh bơta pơnhừ să Jakôp dê lah: “Ngan Añ rơp ò tŭ lơi hŭi dô êt lơi ală bơta bol khai neh lơh.

Sacari 11:8

Tòm dô kơnhai Añ neh tơlik pe nă cau ê. Mpồl belàt cù kìr di Añ, mơ Añ sơlo ngai sơlo ò jai kong tai bơh di bol gơ.

Yal Wơl 32:19

Yàng Jehôwa neh gŏ bơta hơ̆ mơ ƀoah pơrñat, Kơnràñ sang lòi ală kòn klau mơ ală kòn ùr Kơnràñ dê.