Amôs 6:2 - Sră Goh 2018

² Lòt gan tĕ hơ Kalneh mơ sền, bơh hơ̆ lòt tus hơ ƀòn dờng Hamat, lồc behơ̆ mù tus hơ Gat tòm lơgar Philistin. Bol mê la niam rlau mơ ală lơgar bơtau do sơl? Hala ù tiah bol mê dê la dờng ơnàng rlau mơ ù tiah bol khai dê ơ?

Amôs 6:2 ပူးပေါင်းရင်းမြစ်များ

Sơnròp Gơlik Gơs 10:10

Sơnròp lơgar bơtau khai dê gơs Babel, Erek, Akat mơ Kalne tòm lơgar Sinear.

II Samuel 8:9

Tòm tŭ Thôi, bơtau Hamat, kơno lah bơtau Dabit neh tòmlơh pha mơ jơh dô mpồl ling Hadadejer dê,

I Ală Bơtau 8:65

Behơ̆, Salômôn neh bơtào bơta pơjum sa dờng tòm ngai hơ̆, bal mơ jơh mpồl jơnum dờng Israel, làng bol bơh Lebô Hamat jơl tus di croh Ejiptơ, di đap Jehôwa Yàng Tom Trồ bol he dê, tòm poh ngai.

II Ală Bơtau 17:24

Bơtau Asiri cèng làng bol bơh Babilôn, Kutha, Abba, Hamat mơ Sepharbaim, mơ ơn ală làng bol hơ̆ tòm ală ƀòn dờng Samari ala cau Israel. Bol khai tòmpìt ai lơgar Samari, mơ ơm tòm ală ƀòn dờng hơ̆.

II Ală Bơtau 17:30

Cau Babilôn bơtào rùp ràk Sukôt Benôt; cau Kus, bơtào rùp ràk Nergal; cau Hamat bơtào Asima;

II Ală Bơtau 18:34

Ntềng đah ală yàng Hamat dê, mơ yàng Arpat dê? Ntềng đah ală yàng Sepharbaim, yàng Hena dê, mơ yàng Iba dê? Ală yàng hơ̆ neh dong tă Samari klàs bơh tê añ sơl?

II Ală Bơtau 19:13

Ntềng đah bơtau Hamat, bơtau Arpat, bơtau ƀòn dờng Sepharbaim, bơtau Hena, hala bơtau Iba?”

II Yal Yau 26:6

Khai lik lòt tòmlơh tòmdră mơ cau Philistin mơ lơh tơrlah dơrñang Gat, Japne mơ Asdôt. Lồc behơ̆ khai bơt wơl ală ƀòn dờng rềp di Asdôt mơ tòm ală tiah ndai digùl cau Philistin.

Jeremi 49:23

Bơh Damas: Ƀòn Hamat mơ Arpat kong ƀàssìl ƀàsso; Bơh bol khai kơno yal bơta iơh Bol khai lề lac bơh rngòt rngơt, dơrcul be dàlềng lơnggac, Ò rgơi ơm mŏ mŏ

Nahum 3:8

Ai la niam rlau mơ Thebes ơm rềp di hiòng Nil, gơs dà gùt dar khai, ai dàlềng lơh gơs theng kơp gàr khai, dà la dơrñang ƀòn khai dê?

I Samuel 17:23

Tòm tŭ khai tòmbơhbơr mơ ală bi khai dê, gen cau Philistin jak tòmlơh bơh ƀòn Gat la Gôliat lik lòt bơh di nhàr tòmlơh khai dê mơ driau dờng ală jơnau đơs pơrlòng be lài mơ Dabit kơno ală jơnau hơ̆.

I Samuel 17:4

Dô nă cau jak tòmlơh sơnđan la Gôliat cau Gat, lik bơh di sàl cau Philistin; khai jơnhoa rlau mơ sin tal.

I Samuel 5:10

Behơ̆ bol khai sồr cèng Đài Yàng Tom Trồ dê tus hơ Ekrôn. Tòm tŭ Đài Yàng Tom Trồ dê tus hơ Ekrôn, gen làng bol Ekrôn driau dờng lah: “Ñchi bơh tài cèng Đài Yàng Tom Trồ Israel dê tus mơ bol hi nàng tơnchơt bol hi mơ làng bol hi dê taih?”

I Samuel 5:8

Behơ̆ bol khai hòi pơjum jơh ală cau kwang at bồ làng bol Philistin dê mơ lùp bol khai lah: “Ñchi bol he rơp lơh mơ Đài Yàng Tom Trồ Israel dê taih?” Làng bol Gat ho lah: “Pal cèng Đài Yàng Tom Trồ Israel dê tus hơ bol hi.” Behơ̆ bol khai cèng Đài Yàng Tom Trồ Israel dê tus hơ ƀòn cau Gat dê.