Amôs 6:12 - Sră Goh 2018

¹² Ală ơseh ntoat hơđang lŭ ơ? Cau rgơi troă dàlềng mơ kơnrồ sơl ơ? Mơya bol mê neh tòmgơl bơta song ngan gơlik gơs bơta bih khih, mơ tòmgơl plai song ring gơlik gơs sràt bơtang.

Amôs 6:12 ပူးပေါင်းရင်းမြစ်များ

Esai 48:4

Bơh Añ neh git mê kơldang nùs la kàr lơi; mơ ară ngko mê dê la lòs, bìng liang mê dê la kòng.

Jeremi 5:3

Ơ Yàng Jehôwa, mat Kơnràñ ò di wèt sền bơta song ngan ơ? Kơnràñ neh pù lơh bol khai, Mơya bol khai ò gŏ jê sồt, Kơnràñ lơh tơnroh bol khai, Mơya bol khai kung ò bài dòp bơta bơto sồr. Bol khai lơh muh mat bol khai kră rlau mơ lŭ, bol khai ò bài rê wơl.

Sră Ôse 10:13

Mơya bol mê neh lơòr bơta iơh bơsak, bol mê neh toès bơta ò song ring; bol mê neh sa plai bơta blac pơrlồm. Tài bơh bol mê neh kơnòm di bơta pràn bol mê dê, mơ oă ngan mpồl ling jak tòmlơh bol mê dê.

Sră Ôse 10:4

Bol khai đơs jơnau ò kwơ, bol khai srat să gòi, mơ lơh ală bơta ho bal; gen tàng bơta yă wơn gơhòn lik be ñhơt bih khih tòm sre neh lơòr.

Amôs 2:3

Añ rơp tơnroh kwang at bồ khai dê, mơ tơnchơt jơh ală kwang gơ dê bal mơ khai,” Yàng Jehôwa đơs behơ̆.

Amôs 3:10

Yàng Jehôwa đơs lah: “Bol khai ò git mbe lơh bơta song ring, bol khai pơjum tơrgòm ală bơta jàñ bơsak mơ phan ntung kơñau tòm ală theng kơ̆ cê bol khai dê.”

Amôs 5:7

Ôih, bol mê la ală cau tòmgơl bơta song ring gơlik gơs bơta sràt bơtang, mơ sơrbì bơta song ring tòm ù!

Mice 7:3

Jơh bàr đah tê bol khai chài rgơi lơh bơta iơh. Kwang at bồ mơ kwang cahrña lùp ală phan sa loă, cau gơs gơnoar pràn sồr ai phan lơi bol khai kòñ; bơta song ring bol khai dê la bơta rkwet rkwe.

Jakơ 3:18

Ală cau sih bơta ring lơngai la ală cau bơt bơtào bơta ring lơngai, gen bol khai toès bơta song ring.