Amôs 6:1 - Sră Goh 2018

¹ Bòl glar ngan cau lơi in ơm lơngai tòm Siôn, mơ cau lơi in tồnlah geh ơm ring lơngai hơđang mơnơm Samari! Bòl glar ngan bol mê in la ală cau ryŭ ryơm khà dùl tòm ală làng bol, bơh di bol khai gơlik gơs hìu Israel geh sac rwah!

Amôs 6:1 ပူးပေါင်းရင်းမြစ်များ

I Ală Bơtau 16:24

Khai neh blơi mơnơm tòm Samari bơh Semer bàr talơng priă. Khai bơt bơtào kơ̆ cê mơnơm hơ̆, mơ khai sơnđan ƀòn dờng khai neh bơt la Samari, jat be sơnđan Semer, la cau tòm mơnơm hơ̆ dê.

Đơs Crih 123:4

Jŏ ir hwềng soàn bol hi kong Bơta dơñŏ tơnhial cau ơm ru să dê, la bơta sền òsơp cau pơnhừ să dê.

Jơnau Pơnđik 1:32

Bơh bơta kơldang nùs tơnchơt ală cau ƀă liă, Mơ bơta ai lơh tơl cau bơrngơl gơla dê rơp tơnchơt bol khai.

Esai 33:14

Ală cau tồi glài tòm Siôn rngòt rngơt; ală cau ò dòn duh rơm să rngòt. “Ñcau tòm bol he rgơi ơm digùl ồs sa loan taih? Ñcau tòm bol he rgơi ơm tòm ồs hơng gam sùm taih?”

Jeremi 2:3

Israel la làng bol sàng goh Yàng Jehôwa in; La plai bồ sơnam cồng nha Kơnràñ dê. Dilah cau lơi sa loan làng bol hơ̆ rơp gơkòl glài; Bơta rung rài neh tus hơđang bol khai.’” Yàng Jehôwa đơs behơ̆.

Jeremi 48:11

Môap ơm lơngai lơngò bơh tŭ gam kơnòm să, Kung be tơrnòm neh soat, Òhềt tuh bơh gri do tus hơ gri ne, Kung òhềt kong kup cèng pơrdô; Gen tànggơ gam bơkah, mơ ƀô gơ òhềt roh.”

Jeremi 49:31

Yàng Jehôwa đơs: “Ñă tĕ, lòt tòmlơh mơ làng bol kis lơngap lơngai Ơm ring lơngai. Mpồng dờng ò til, ò gơs kơrnal, Ơm is dô bă tiah.

Jeremi 5:5

Lòi Añ lòt tus mơ ală cau pas sơm Mơ đơs mơ bol khai, ngan bol khai git loh gùng dà Yàng Jehôwa dê, Bơta boh lam Yàng Tom Trồ bol khai dê.” Mơya, bol khai jơh ală gơlơh be dơrpă yô, mơ bol khai neh gơltac ală che cap.

Jeremi 7:4

Bañ dòn kơnòm di ală jơnau blac pơrlồm lah: “Do la hìu duh khoai Yàng Jehôwa dê, hìu duh khoai Yàng Jehôwa dê, hìu duh khoai Yàng Jehôwa dê.”

Ñìm Rac 1:1

Mbe ƀòn dờng ơm nggui is dô nă, hơ̆ la ƀòn bơh lài òr neh gơs bềng cau! Mbe khai gơlơh be dô nă cau ùr bơnrau, Yau òr khai la dờng digùl ală làng bol! Yau òr khai la kwang at bồ digùl ală kơnhwàl lơgar, tŭ do khai gơlik gơs dô nă cau duh broă cau ndai in!

Amôs 3:2

“Añ mìng git bol mê lơm bơh di jơh ală hìu nhă hơđang plai ù; behơ̆ tàng Añ rơp lơh glài bol mê bơh jơh ală bơta tồi glài bol mê dê.”

Amôs 3:9

Yal tơnggit tĕ tòm ală theng kơ̆ cê Asdot dê, mơ tòm ală theng kơ̆ cê Ejiptơ dê, mơ đơs lah: “Bol mê pơjum bal tĕ hơđang mơnơm Samari; mơ sền tĕ bơta sơlồng sơlàng dờng tềng hơ̆, mơ bơta rồn bơklơn digùl làng bol khai dê.”

Amôs 4:1

Iat tĕ jơnau do, Ơ ală kơnrồ me Basan dê ơm hơđang mơnơm Samari, hơ̆ la ală cau rồn bơklơn cau rƀah lơòi mơ tơnlề cau siơ̆u siar, la ală cau đơs mơ ală bau klau bol khai lah: “Cèng tĕ bol he in ală phan ñô!”

Amôs 5:27

Gen tàng Añ rơp tă bol mê kòl kup cèng pơrdô hơ đah ne Damas.” Yàng Jehôwa đơs behơ̆, sơnđan Kơnràñ la Yàng Tom Trồ Gơnap Gơnoar Dờng Làm Jơh.

Amôs 8:14

Bol khai la ală cau srat să bơh Asima cau Samari dê, mơ đơs lah: ‘Ơ Dan, di ngan be yàng bol mê dê kis,’ mơ: ‘Di ngan kung be gùng dà Beerseba dê kis’ jơh ală bol khai rơp gơpừ, ò gơs tŭ lơi guh tai.”

Amôs 9:10

Jơh ală cau tồi glài tòm làng bol Añ jê rơp chơt bơh đào, hơ̆ la jơh ală cau đơs lah: ‘Rung rài rơp ò dùh hơđang bol he, hala tus rềp di bol he.’”

Mice 3:1

Gen Añ đơs lah: “Iat tĕ, ơ ală bol mê la cau gơnoar lam bồ Jakôp dê mơ bol mê la cau gơnoar at bồ hìu Israel dê. Bol mê ò di pal git bơta song ring ò ơ?

Sôphôni 1:12

Tòm tŭ hơ̆ Añ rơp ngui ală ồs đèng nàng jòi tòm Jerusalem, mơ lơh glài ală làng bol la cau jòng să pơnhừ să hơđang iah tơrnòm mơ ală cau kơlôi òm tòm nùs lah: ‘Yàng Jehôwa rơp ò lơh bơta lơi niam hala bơta lơi iơh.’

Jakơ 1:18

Kơnràñ jat nùs kòñ Kơnràñ dê mơ tơnggơs bol he kơnòm dê jơnau song, tồ bol he in gơlik be plai bồ sơnam tòm ală phan Kơnràñ neh crơng gơs.

Jakơ 5:5

Bol mê neh pròng preh phan mơna mơ kơnhơl gơlềng gơlàng tòm plai ù do; bol mê neh ròng lơmă să he dê tòm ngai lơh poac.

I Pier 5:7

Jào phi tĕ jơh ală bơta kơlôi rcang oh mi dê Kơnràñ in, tài bơh Kơnràñ òs sền gàr oh mi sùm.

Ală Kwang Cahrña 18:7

Behơ̆ pram nă bol hơ̆ lik lòt mơ lòt tus hơ ƀòn Lais; bol khai gŏ làng bol tềng hơ̆ ơm ring lơngai kung be làng bol Sidôn, ring ngềt mơ ò kơlôi rcang. Làng bol tềng hơ̆ pas gơs ù tiah bol khai dê ò siơ̆u phan lơi; rlau mơ hơ̆ tai, bol khai kung ơm ngài bơh di làng bol Sidôn, mơ ò ring lơngai mơ dô nơm làng bol lơi.