Amôs 5:8 - Sră Goh 2018

⁸ Jòi jat tĕ Bơtau neh crơng gơs ală sơmañ Jơgơu mơ sơmañ Ngal, tòmgơl bơta klam jơngo gơlik gơs àng drim, mơ lơh trồ ngai gơlik trồ mang, la Bơtau hòi dà tòm dàlềng mơ tuh gơ hơđang ù; Sơnđan Kơnràñ la Yàng Jehôwa.

Amôs 5:8 ပူးပေါင်းရင်းမြစ်များ

Sră Jop 12:22

Kơnràñ pò bơta jrô ndơp lik bơh bơta klam jơngo. Mơ cèng bơta jơngo tus hơ bơta àng.

Sră Jop 37:13

Kơnràñ sồr ală mhwal lơh gơs bơta lơh glài tơmàl, hala tuh ù tiah Kơnràñ in, hala bơh bơta kòñ gơboh.

Sră Jop 38:34

Mê rgơi tơngguh jơnau mê dê tus di ală mhwal, Mơ lơh dà tih rgơi jơm gòm mê sơl?

Sră Jop 9:9

Kơnràñ la Bơtau lơh gơs mpồl sơmañ Jơgơu mơ mpồl sơmañ Ngal. Mpồl poh sơmañ mơ ală mpồl sơmañ đah đơm dê.

Đơs Crih 104:20

Kơnràñ lơh bơta klam jơngo hơ̆ la trồ mang, Tŭ hơ̆ jơh ală phan brê lik lòt.

Đơs Crih 105:28

Kơnràñ tơndùh bơta jơngo mơ lơh lơgar in klam jơngo, Mơ bol khai gam tòmdră mơ jơnau Kơnràñ dê.

Esai 42:16

Añ rơp tề ală cau jơngo lòt tòm ală gùng bol khai ò git, Añ rơp lam bol khai tòm ală gùng bol khai òhềt mòng git; Añ rơp tòmgơl bơta jơngo gơlik gơs bơta àng di đap bol khai, mơ lơh ală tiah ò ring gơlik gơs ring niam. Hơ̆ la ală bơta Añ rơp lơh; mơ Añ rơp ò sang lòi bol khai.

Esai 59:10

Bol he tơbư rò gah dơrñang kung be cau jơngo mat; jòi gùng bol he dê kung be ală cau ò gơs gar mat. Di trồ gùl ngai bol he gơtup jơng kung be tòm trồ mòr mang; digùl cau pràn kơldang mơ bol he kung be cau neh chơt.

Jeremi 16:21

“Behơ̆ gen, ngan Añ rơp ai bol khai in git, dơ̆ do, Añ rơp ai bol khai in git bơta pràn kơldang mơ gơnap gơnoar Añ jê; Mơ bol khai rơp git Sơnđan Añ la Yàng Jehôwa.”

Jeremi 33:2

“Yàng Jehôwa la Bơtau lơh gơs bơta do, Yàng Jehôwa la Bơtau bơt bơtào lơh gơ in kơ̆, Jehôwa la sơnđan Kơnràñ, đơs be do:

Amôs 4:13

Kơnràñ la Bơtau neh lơh gơs ală mơnơm, neh crơng gơs càl mơ yal tơlik bơta kơlôi sơnơng Kơnràñ dê kòn mơnus in, la Bơtau neh lơh àng drim gơlik klam jơngo, mơ cơnđòa lòt hơđang ală tiah jòng ù dê; Jehôwa Yàng Tom Trồ Gơnap Gơnoar Dờng Làm Jơh la sơnđan Kơnràñ.

Amôs 8:9

Tòm ngai hơ̆ Jehôwa Yàng Tom Trồ đơs lah: “Añ rơp lơh mattơngai ñơp tòm tŭ nggùl ngai, mơ lơh plai ù in klam jơngo tòm tŭ trồ ngai.

Amôs 9:6

Kơnràñ la Bơtau neh bơt bơtào tiah ơm Kơnràñ dê hơđang ală tap trồ, mơ neh bơt dơwàng wil Kơnràñ dê hơđang plai ù, la Bơtau neh hòi ală dà tòm dàlềng, mơ tuh gơ hơđang ù; Sơnđan Kơnràñ la Yàng Jehôwa.

Mathiơ 4:16

Làng bol nggui tòm tiah klam jơngo Neh gŏ bơta àng dờng; Mơ bơta àng neh pơnđàng hơđang ală cau nggui hơđơm mƀur bơta chơt.”

Luka 1:79

Nàng pơnđàng bơta àng hơđang ală cau nggui tòm tiah klam jơngo mơ hơđơm mƀur bơta chơt, Mơ tề lam jơng bol he mut tòm gùng lơngap lơngai.”