Amôs 5:6 - Sră Goh 2018

⁶ Jòi jat tĕ Yàng Jehôwa gen geh kis, dilah ò gen Kơnràñ rơp hìt be lơmpiat ồs tòmdră mơ hìu Jôsep; mơ gơ rơp sa loan Betel, mơ ò gơs dô nă cau lơi đơp chơt gơ.

Amôs 5:6 ပူးပေါင်းရင်းမြစ်များ

II Samuel 19:20

Bơh cau duh broă bơtau dê đal git lah añ neh tìs glài, gen tàng ngai do añ neh lòt tus tềng do lài mơ jơh ală cau tòm hìu nhă Jôsep dê nàng tòm mat mơ bơtau la cau tòm añ jê.”

I Ală Bơtau 11:28

Mơ tai, Jerôbôam la dô nă cau chài rgơi; mơ tòm tŭ Salômôn gŏ cau pơnu hơ̆ tơryang tơryồng ngan, gen ai khai in lơh gơs cau at bồ cau lơh broă bòl glar hìu Jôsep dê.

II Yal Yau 34:25

Tài bơh bol khai neh sang lòi Añ mơ neh chu kơlhô ală yàng ndai in mơ neh bơrcek Añ gơjrañ bơh jơh ală bơta tê bol khai neh lơh, gen bơta gơjrañ Añ jê rơp dùh hơđang tiah do mơ rơp ò rài ò.’

Đơs Crih 27:8

Yàng neh đơs lah: “Jòi jat tĕ muh mat Añ.” Nùs añ đơs mơ Kơnràñ lah: “Ơ Yàng Jehôwa, añ jòi jat muh mat Kơnràñ.”

Đơs Crih 69:33

Bơh Yàng Jehôwa kơno jơnau cau siơ̆u siar dê, Ò sền òsơp di ală cau ơm jàm Kơnràñ dê.

Lik Ejiptơ 22:6

Dilah gơs ồs sa mơ gơ sa rì tus di ală rlau lò tian gơs gơ sa tơn kòi gar hala kòi òhềt toès hala kòi neh cap rau, gen cau neh sing ồs hơ̆ pal tơm wơl jơh ală phan neh ồs sa.

Esai 1:31

Cau gơnoar pràn rơp gơlik be dô nsồm sing ồs; mơ broă lơh khai dê be gơđat rnga ồs, bol khai mơ broă lơh bol khai dê rơp kong chu bal mơ gơp, ò gơs dô nă cau lơi đơp chơt gơ.”

Esai 55:3

Ơn tồr iat mơ tus tĕ hơ Añ; iat tĕ Añ gen bol mê rơp geh kis. Añ rơp lơh dô bơta ho bal gam sùm sùm mơ bol mê, la bơta kòñ gơboh kơ̆ dơn nền cê neh ho pơgon mơ Dabit.

Esai 55:6

Jòi jat tĕ Yàng Jehôwa tòm tŭ rgơi bàn Kơnràñ; hòi dan tĕ mơ Kơnràñ tòm tŭ Kơnràñ ơm rềp.

Jeremi 38:20

Jeremi đơs lah: “Cau rơp ò jào bơtau ò. Dan bơtau dòn tĕ jơnau Yàng Jehôwa tòm bơta añ đơs, gen bơtau rơp geh lơngap lơngai mơ geh kis.

Jeremi 4:4

Ơ bol mê, la cau Juda mơ làng bol ơm tòm Jerusalem, Siat gơltau tĕ să tòm he Yàng Jehôwa in, Mơ siat gơltau nùs bol mê dê! Dilah ò behơ̆, bơta gơjrañ Añ rơp hơng kung be ồs, Chu pơrguc bol mê, mơ ò gơs cau lơi đơp chơt gơ ò, Tài bơh ală bơta iơh bol mê neh lơh.”

Jeremi 7:20

Gen tàng Jehôwa Yàng Tom Trồ đơs be do: “Bơta gơjrañ mơ bơta gơhào gơjrañ dờng Añ jê rơp tuh hơđang lơgar do, hơđang jơi kòn mơnus mơ phan poan jơng, hơđang chi che tòm ƀlàng mơ plai bơkào ù tiah dê, gơ rơp chu pơrguc mơ ò tŭ lơi đơp chơt.”

Ejekiel 21:3

mơ đơs mơ ù tiah Jerusalem lah: ‘Yàng Jehôwa đơs be do: Añ tus nàng tòmdră mơ mê. Añ rơp tă đào Añ jê bơh di sơmprồm nàng tơnroh bơh di mê ală cau song ring mơ ală cau iơh bơsak.

Ejekiel 33:11

Đơs tĕ mơ bol khai lah: ‘Jehôwa Yàng Tom Trồ đơs lah: Ngan be Añ kis sùm, Añ ò niam nùs tòm bơta chơt cau iơh bơsak dê, mơya Añ niam nùs gŏ bol khai pơrlac sang ală gùng dà bol khai dê mơ kis. Pơrlac sang tĕ! Pơrlac sang ală gùng dà iơh bơsak bol mê dê! Ñchi bơh tài bol mê kòñ chơt, ơ hìu Israel?’

Ejekiel 37:19

Đơs tĕ mơ bol khai lah: Jehôwa Yàng Tom Trồ đơs be do: ‘Añ rơp tă gai Jôsep dê bơh di tê Epraim mơ bơh di ală jơi bơtiàn Israel gơs dô bă bal mơ gơ, mơ Añ rơp ơn gai Juda hơđang gơ, mơ lơh gơlik gơs mìng dô nơm gai lơm, nàng bol khai rơp gơlik gơs dô nơm gai tòm tê Añ.’

Amôs 3:14

Tòm ngai Añ lơh glài Israel bơh ală tồi glài khai dê, Añ rơp lơh glài ală cơnòng duh khoai Betel dê; ală ngke cơnòng duh khoai dê rơp gơkòl koh mơ tơndùh tòm ù.

Amôs 5:14

Jòi jat tĕ bơta niam, bañ jòi jat bơta iơh, gen bol mê geh kis; mơ Jehôwa Yàng Tom Trồ Gơnap Gơnoar Dờng Làm Jơh, rơp ơm bal mơ bol mê; tòm toh be bol mê đơs.

Amôs 5:4

Yàng Jehôwa đơs mơ hìu Israel be do: “Jòi jat tĕ Añ mơ geh kis;

Amôs 6:6

Bol mê la ală cau ñô tơrnòm tòm ală jơrlŭ mơ bong ală mơñà niam rlau jơh, mơya bol mê ò kơlôi moat jrùng bơh bơta tơnroh Jôsep dê!

Sôphôni 2:3

Ơ ală bol mê la cau pơndêt să tòm ù, la cau lơh jat gơnoar sồr lam Kơnràñ dê; Jòi jat tĕ Yàng Jehôwa, Jòi jat tĕ bơta song ring, jòi jat bơta tơnliah să; digơlan bol mê rơp geh pồn ndơp tòm ngai gơjrañ dờng Yàng Jehôwa dê.

Sacari 10:6

“Añ rơp bơtơl pràn hìu Juda in, mơ dong tă hìu Jôsep dê. Añ rơp cèng bol khai rê wơl tài bơh Añ nđàc sơngit di bol khai. Bol khai rơp ơm kung be Añ neh ò sang lòi bol khai, bơh Añ la Jehôwa Yàng Tom Trồ bol khai dê, mơ Añ rơp ho wơl bol khai in.

Yal Wơl 32:22

Bơh dô nơm ồs neh sa hơng bơh bơta gơjrañ dờng Añ jê, mơ chu pơrguc tus di tiah jrô lơgar làng ƀồc; gơ sa loan plai ù mơ ală phan gơlik bơh gơ, mơ chu tòm ồs ală mơnàng ală mơnơm dê.

Yal Wơl 4:24

Bơh Jehôwa Yàng Tom Trồ bol mê dê la dô nơm ồs sa pơrguc, dô nă Yàng Tom Trồ ƀoah pơrñat.

Jôsue 18:5

Bol khai rơp tòmpà lơgar tòm poh pơnah. Juda rơp ơm tòm ù tiah bol khai dê tòm đah đơm, mơ hìu Jôsep rơp ơm tòm ù tiah bol khai dê tòm đah đang.