Amôs 5:4 - Sră Goh 2018

⁴ Yàng Jehôwa đơs mơ hìu Israel be do: “Jòi jat tĕ Añ mơ geh kis;

Amôs 5:4 ပူးပေါင်းရင်းမြစ်များ

II Ală Bơtau 20:3

“Ơ Yàng Jehôwa! Tŭ do añ rac dan mơ Kơnràñ, kah tĕ lah mbe lơi añ neh jơh nùs lòt di đap Yàng tòm bơta dòn song di đap Yàng, mơ neh lơh bơta niam di đap Yàng.” Ejekia ñìm rac sràt bơtang ngan.

I Yal Yau 28:9

Mơ mê, ơ Salômôn kòn klau añ jê, git tĕ Yàng Tom Trồ bèp mê dê, jơh nùs jơh dơngoh kơlôi ơn să duh broă Kơnràñ, bơh Yàng Jehôwa sền sơwì kòp nơm nùs mơ git wă kòp bơta kòñ lơh tòm ală bơta kơlôi sơnơng. Dilah kòn jòi jat Kơnràñ gen kòn rơp bàn Kơnràñ; mơya dilah kòn sang lòi Kơnràñ, Kơnràñ rơp sang lòi kòn sùm sùm.

II Yal Yau 15:2

Khai lik lòt tòm mat mơ bơtau Asa mơ đơs lah: “Ơ bơtau Asa mơ jơh bol mê la ală cau Juda mơ Benjamin, iat tĕ añ. Yàng Jehôwa ơm bal mơ bol mê tòm tŭ bol mê ơm mơ Kơnràñ. Dilah bol mê jòi jat Kơnràñ, bol mê rơp jòi bàn Kơnràñ, mơya dilah bol mê sang lòi Kơnràñ, gen Kơnràñ rơp sang lòi bol mê.

II Yal Yau 20:3

Jehôsaphat rngòt rngơt, să tòm khai jòi jat Yàng Jehôwa, mơ khai yal tơnggit bơta ơt sa tòm làm jơh Juda.

II Yal Yau 20:4

Juda pơjum bal nàng jòi lùp bơta dong kòl bơh Yàng Jehôwa; bơh di ală ƀòn dờng tòm Juda làng bol lòt tus nàng hòi lùp Yàng Jehôwa;

II Yal Yau 34:3

Tòm nam dơ̆ phàm rài at bồ khai dê, tòm tŭ khai gam pơnu, khai sơntòm jòi jat Yàng Tom Trồ ồng pàng khai dê la Dabit. Tòm nam dơ̆ jơt bàr khai sơntòm lơh sàng goh Juda mơ Jerusalem bơh di ală tiah jơnhoa duh khoai, ală jrong duh khoai Asera, ală rùp ràk pac sềr mơ ală rùp tŏ duh khoai.

Đơs Crih 14:2

Yàng Jehôwa bơh đang trồ tơmềt sền kòn mơnus, Nàng lòng sền dilah gơs cau lơi jak chài, Mơ jòi jat Yàng Tom Trồ.

Đơs Crih 22:26

Cau rƀah rơp sa mơ geh hòm lai; Ală cau jòi Yàng Jehôwa rơp jòng ro Kơnràñ! Dan nùs ală bol mê geh kis gam sùm sùm.

Đơs Crih 27:8

Yàng neh đơs lah: “Jòi jat tĕ muh mat Añ.” Nùs añ đơs mơ Kơnràñ lah: “Ơ Yàng Jehôwa, añ jòi jat muh mat Kơnràñ.”

Đơs Crih 69:32

Ală cau kong rồn bơklơn, lòi bol khai gŏ bơta hơ̆ mơ chò hòp; Ơ ală cau jòi jat Yàng Tom Trồ, lòi nùs bol mê geh wơl bơta kis,

Đơs Crih 69:33

Bơh Yàng Jehôwa kơno jơnau cau siơ̆u siar dê, Ò sền òsơp di ală cau ơm jàm Kơnràñ dê.

Esai 31:1

Bòl glar ală cau in mù hơ Ejiptơ nàng dan dong kòl, kơnòm di ală ơseh, kơnòm di oă ngan rơndeh lòs tòmlơh mơ kơnòm di bơta pràn kơldang oă ngan ală cau ling hào ơseh dê, mơya ò sền tơnggòr di Bơtau Sàng Goh Israel dê, hala jòi lùp Yàng Jehôwa.

Esai 55:3

Ơn tồr iat mơ tus tĕ hơ Añ; iat tĕ Añ gen bol mê rơp geh kis. Añ rơp lơh dô bơta ho bal gam sùm sùm mơ bol mê, la bơta kòñ gơboh kơ̆ dơn nền cê neh ho pơgon mơ Dabit.

Jeremi 38:20

Jeremi đơs lah: “Cau rơp ò jào bơtau ò. Dan bơtau dòn tĕ jơnau Yàng Jehôwa tòm bơta añ đơs, gen bơtau rơp geh lơngap lơngai mơ geh kis.

Ejekiel 18:9

Khai lơh jat ală jơnau sồr Añ jê mơ dòn song prap gàr bơta sồr lam Añ jê. Cau hơ̆ la cau song ring; di ngan la khai rơp kis, Jehôwa Yàng Tom Trồ đơs behơ̆.

Sră Ôse 10:12

Sih tĕ să tòm bol mê in bơta song ring, toès tĕ bơta kòñ gơboh kơ̆ dơn, lơòr tĕ ù tiah pa; Bơh tŭ do la tŭ tơngai jòi jat Yàng Jehôwa, jơl tus di tŭ Kơnràñ tus, mơ tuh mìu bơta song ring hơđang bol mê.

Amôs 5:6

Jòi jat tĕ Yàng Jehôwa gen geh kis, dilah ò gen Kơnràñ rơp hìt be lơmpiat ồs tòmdră mơ hìu Jôsep; mơ gơ rơp sa loan Betel, mơ ò gơs dô nă cau lơi đơp chơt gơ.

Sôphôni 2:3

Ơ ală bol mê la cau pơndêt să tòm ù, la cau lơh jat gơnoar sồr lam Kơnràñ dê; Jòi jat tĕ Yàng Jehôwa, Jòi jat tĕ bơta song ring, jòi jat bơta tơnliah să; digơlan bol mê rơp geh pồn ndơp tòm ngai gơjrañ dờng Yàng Jehôwa dê.

Mathiơ 7:8

Bơh dilah cau lơi dan gen geh, cau lơi jòi gen bàn, mơ cau lơi teh gen geh pò khai in.

Yal Wơl 32:46

khai đơs mơ bol khai lah: “Prap gàr tĕ tòm nùs bol mê dê jơh ală jơnau mơ añ neh yal tơlik bol mê in tòm ngai do dô bă kràñ cê ngan, tồ bol mê rgơi sồr kòn sau bol mê dê kơrhia dòn bơr jơh ală jơnau tòm bơta boh lam do.

Yal Wơl 32:47

Gơ ò di mìng la ală jơnau đơs gòi bol mê in, gơ la bơta kis bol mê dê. Kơnòm di gơ bol mê rơp kis jŏ jòng tòm lơgar mơ bol mê rơp tiă Jordan nàng dòp geh.”

Yal Wơl 4:29

Mơya bơh tềng hơ̆ bol mê rơp jòi jat Jehôwa Yàng Tom Trồ bol mê dê, bol mê rơp jòi bàn Kơnràñ dilah bol mê jơh nùs jơh hwềng soàn jòi jat Kơnràñ.