Amôs 5:3 - Sră Goh 2018

³ Bơh Jehôwa Yàng Tom Trồ đơs be do: “Ƀòn dờng gơs dô rbô nă cau lik lòt rơp gam wơl mìng dô rhiang nă; mơ ƀòn dờng gơs dô rhiang nă cau lik lòt, rơp gam wơl mìng jơt nă lơm.”

Amôs 5:3 ပူးပေါင်းရင်းမြစ်များ

Đơs Crih 144:14

Dan kơnrồ me bol hi dê tơnggơs gal ngan kòn dềt, Dan dơrñang ƀòn bol hi ò gơs tiah bluh, ò gơs cau lơi kòl kup cèng. Dan bañ gơs jơnau driau dờng jê sồt tòm ală gùng lòt bol hi dê.

Esai 1:9

Dilah Yàng Jehôwa Gơnap Gơnoar Dờng Làm Jơh ò lòi wơl bol he in dô êt nă cau gam kis, gen bol he rơp gơlik gơs be Sôdôm, mơ tòm toh be Gômôrơ.

Esai 10:22

Ơ Israel, bulah làng bol mê dê be bràs di gah dàlềng, mìng ală cau gam wơl bol khai dê rơp rê wơl. Bơta tơnroh neh lơh nền, gơtras làm jơh mơ bơta song ring.

Esai 6:13

Bulah dô pơnah jơt gam ơm tòm lơgar, gơ rơp kong chu tai. Be tòm nho hala tòm cha, tơnggu gơ gam ơm ntào, tòm tŭ cau kơl gơ. Gar sơntìl sàng goh la tơnggu gơ dê.”

Ejekiel 12:16

Mơya Añ rơp lòi wơl dô êt tòm bol khai klàs bơh di pềs tà, jơgloh rung, mơ kòp jê pluh plàng, nàng digùl ală làng bol mơ bol khai rơp tus, bol khai rơp đal git jơh ală bơta cù kìr mơ bol khai neh lơh. Gen bol khai rơp git lah Añ la Yàng Jehôwa.”

Amôs 6:9

Dilah tòm dô nơm hìu gam wơl jơt nă, gen bol khai kung rơp chơt jơh.

Rôma 9:27

Ai Esai đơs bơh làng bol Israel mơ hòi driau lah: “Bulah ntum khà kòn sau Israel be bràs tòm dàlềng, mơya mìng dô pơnah gam wơl rơp geh dong klàs;

Yal Wơl 28:62

Bol mê la làng bol gơs ntum khà cau gal ngan kung be ală sơmañ hơđang trồ, bol mê rơp gam wơl khà mìng dô êt lơm, tài bơh bol mê ò dòn bơr Jehôwa Yàng Tom Trồ bol mê dê.

Yal Wơl 28:63

Kung be Yàng Jehôwa neh niam nùs lơh bol mê in gơlik gơs rơ̆sơmpài ràipơjềng gen Kơnràñ kung rơp niam nùs lơh bol mê in roh rui mơ tơnroh bol mê. Bol mê rơp kong tă tơlik bơh lơgar mơ bol mê neh mut nàng dòp geh.

Yal Wơl 4:27

Yàng Jehôwa rơp rsìh bol mê digùl ală làng bol, mơ mìng dô pơnah dềt tòm bol mê rơp gam kis digùl ală làng bol mơ Yàng Jehôwa rơp cèng bol mê tus.