Amôs 5:26 - Sră Goh 2018

²⁶ Bol mê neh tùng Sakkut bơtau bol mê dê, mơ Kaiwan yàng sơmañ bol mê dê, mơ ală rùp ràk bol mê neh lơh să tòm he in.

Amôs 5:26 ပူးပေါင်းရင်းမြစ်များ

I Ală Bơtau 11:33

Bơta do la tài bơh khai neh sang lòi Añ, lòt duh khoai Astarte yàng ùr Sidôn dê, Kemôs yàng lơgar Môap dê, mơ Milkôm yàng làng bol Ammôn dê. Khai ò lòt tòm ală gùng dà Añ jê, ò lơh ală bơta song ngan di đap Añ, mơ kung ò prap gàr bơta sồr lam mơ bơta boh lam Añ jê, be Dabit bèp khai neh lơh.

Ejekiel 20:16

Tài bơh bol khai neh sang lòi ală bơta boh lam Añ jê, mơ ò lơh jat ală jơnau sồr Añ jê, mơ sền òsơp di ală ngai Saƀat Añ, bơh nùs bol khai wèt hơ ală rùp ràk bol khai dê.

Lebi 18:21

Bañ ai dô nă kòn lơi bol mê dê lơh gơs phan ơn duh khoai Molok in, bơh bol mê ò di lơh ƀơ̆ sơnđan Yàng Tom Trồ bol mê dê. Añ la Yàng Jehôwa.

Amôs 5:27

Gen tàng Añ rơp tă bol mê kòl kup cèng pơrdô hơ đah ne Damas.” Yàng Jehôwa đơs behơ̆, sơnđan Kơnràñ la Yàng Tom Trồ Gơnap Gơnoar Dờng Làm Jơh.

Broă 7:43

Bol mê tùng wơl sàl duh khoai Molok dê, Mơ sơmañ yàng Remphan dê, Hơ̆ la ală rùp ràk mơ bol mê neh lơh gơs nàng duh khoai. Tài behơ̆, Añ kung rơp cèng bol mê hơ đah ne lơgar Babilôn sơl.’