Amôs 5:25 - Sră Goh 2018

²⁵ Ơ hìu Israel, bol mê neh cèng Añ in ală phan ơn duh khoai mơ ală phan ơn tòm poan jơt nam tòm ƀlàng ngềt ngơt sơl ơ?

Amôs 5:25 ပူးပေါင်းရင်းမြစ်များ

Nehemi 9:18

Bulah tòm tŭ bol khai neh tŏ dô nơm kơnrồ dam mơ đơs lah: do la yàng bol mê dê neh lam bol mê lik bơh di lơgar Ejiptơ; Mơ neh đơs tràl sơrbil di Yàng kơnjơ̆ ngan;

Nehemi 9:21

Tòm poan jơt nam Kơnràñ neh ròng bol khai tòm ƀlàng ngềt ngơt, bol khai ò siơ̆u phan lơi; ồi ào ò sèt, mơ jơng bol khai ò as ur.

Ejekiel 20:16

Tài bơh bol khai neh sang lòi ală bơta boh lam Añ jê, mơ ò lơh jat ală jơnau sồr Añ jê, mơ sền òsơp di ală ngai Saƀat Añ, bơh nùs bol khai wèt hơ ală rùp ràk bol khai dê.

Ejekiel 20:24

tài bơh bol khai neh ò lơh jat ală bơta sồr lam Añ jê, mơya neh sang lòi ală jơnau sồr Añ jê, mơ neh sền òsơp ală ngai Saƀat Añ jê, mơ mat bol khai neh wèt hơ ală rùp ràk ồng pàng bol khai dê.

Ejekiel 20:8

Mơya bol khai tòmdră mơ Añ, ò bài iat jơnau Añ; kung ò sang lòi ală rùp ràk Ejiptơ dê. Behơ̆ Añ đơs lah Añ rơp tuh bơta gơjrañ dờng Añ jê hơđang bol khai, mơ lơh wil tơl bơta gơjrañ mañ Añ jê tòmdră mơ bol khai tòm lơgar Ejiptơ.

Lebi 17:7

Bol khai ò di ơn phan ơn lơi bol khai dê ală cà ràk in tai, mơ să tòm bol khai tìs glài rềs àr bơrnàn. Hơ̆ la dô bơta sồr lam gam sùm sùm bol khai in mơ ală rài rơp tus in sơl.’

Sacari 7:5

“Lùp tĕ jơh làng bol tòm lơgar bal mơ ală cau gơnoar ơn phan duh khoai lah: ‘Tòm tŭ bol mê ơt sa mơ ñìm rac tòm kơnhai pram kơnhai poh neh poh jơt sơnam do rau, ngan sơl la tài bơh Añ mơ bol mê ơt sa hơ̆ sơl ơ?

Jôsue 24:14

Behơ̆ gen tàng duh rngòt tĕ dê Yàng Jehôwa, mơ duh broă tĕ Kơnràñ dô bă jơh nùs dòn song, sang tĕ ngài bơh di bol mê ală yàng mơ ală ồng pàng bol mê neh duh broă đah ne hiòng mơ tòm lơgar Ejiptơ; duh broă tĕ Yàng Jehôwa.