Amôs 5:22 - Sră Goh 2018

²² Bulah bol mê cèng Añ in ală phan ơn chu pơrguc mơ ală phan ơn mơ kòi mbo, Añ rơp ò dòp ală phan ơn hơ̆. Bulah bol mê cèng ală phan ơn bơta ring lơngai mơ dơngi phan poan jơng bol mê dê, Añ ò wèt mat di bol gơ ò.

Amôs 5:22 ပူးပေါင်းရင်းမြစ်များ

Đơs Crih 116:17

Añ rơp ơn Yàng in phan ơn duh khoai nàng ưnngài Kơnràñ, Mơ hòi dan di sơnđan Yàng Jehôwa.

Đơs Crih 40:6

Yàng ò kòñ phan ơn duh khoai mơ phan ơn, Mơya Kơnràñ neh pò tồr añ nàng kơno jơnau Yàng; Yàng ò sồr ơn phan ơn chu pơrguc, hala phan ơn tơwài glài.

Đơs Crih 50:23

Cau lơi ai bơta ưnngài lơh gơs phan ơn duh khoai la dòn duh Añ; Ai cau lơi lòt jat gùng song, Añ rơp sơnio khai in bơta dong klàs Yàng Tom Trồ dê.

Jơnau Pơnđik 15:8

Phan ơn duh khoai cau iơh bơsak ai lơh cù kìr Yàng Jehôwa in; Mơya jơnau hòi dan cau song ring dê geh niam nùs Kơnràñ.

Jơnau Pơnđik 21:27

Phan ơn duh khoai cau iơh dê la dô nơm phan cù kìr; tơ ài lah tŭ bol khai cèng tus bal mơ bơta kơlôi sơnơng iơh.

Esai 1:11

Yàng Jehôwa đơs: “Ñchi kwơ Añ in rbô rhiang phan ơn duh khoai bol mê dê taih? Añ neh dil bơh ală phan ơn chu pơrguc belàt dam dê, mơ dơngi ală phan poan jơng lơmă; Añ ò niam nùs di mhàm kơnrồ dam, belàt kòn mơ be dam.

Esai 66:3

Mơya cau lơi hàl dô nơm kơnrồ dam gen kung be cau tơnchơt dô nă cau, mơ cau lơi ơn pơdơng dô nơm belàt kòn, gen kung be cau dơrpă ngko dô nơm so; cau lơi ai kòi mbo lơh gơs phan ơn, gen kung be cau ơn mhàm sur, mơ cau lơi chu kơlhô nàng kah kirsơnre, gen kung be cau duh khoai rùp ràk. Bol khai neh sac rwah gùng is bol khai dê, mơ hwềng soàn bol khai dê chò hòp tòm ală bơta tồi glài iơh bơsak bol khai dê.

Jeremi 14:10

Yàng Jehôwa đơs bơh làng bol do be do: “Ngan bol khai kòñ gơboh lòt gơlềng gơlàng, Bol khai ò kơryan jơng he, Gen tàng Yàng Jehôwa ò bài dòp bol khai. Tŭ do Kơnràñ kah wơl bơta tìs glài bol khai dê Mơ lơh glài tơmàl tồi glài bol khai dê.”

Jeremi 6:20

Behơ̆, ñchi kwơ cèng kơlhô tus bơh Seba Añ in, Chi ƀô lơngồt tus bơh lơgar ngài? Phan ơn chu bol mê dê ò geh dòp, Phan ơn pơdơng bol mê ò niam nùs Añ.”

Jeremi 7:21

Yàng Jehôwa Gơnap Gơnoar, Yàng Tom Trồ Israel dê đơs be do: “Bơtơl tĕ phan ơn chu bol mê dê tòm ală phan ơn duh khoai, mơ sa poac tĕ!

Lebi 7:11

Do la ală sơnoa rnoas bơh phan ơn ring lơngai mơ dô nă cau rgơi ơn Yàng Jehôwa in:

Amôs 5:23

Sang tĕ ngài sap ală bơta đơs chò bol mê dê bơh di Añ! Añ rơp ò iat sap ală kơñi pĕ bol mê dê.

Malaci 1:9

“Tŭ do rac dan tĕ mơ Yàng Tom Trồ, bơh hơ̆ digơlan Kơnràñ rơp kòñ nđàc di bol he. Bol mê neh tìs, mơ Kơnràñ rơp yal tơlik bơta kòñ nđàc mơ dô nă cau lơi tòm bol mê sơl ơ?” Yàng Jehôwa Gơnap Gơnoar Dờng Làm Jơh đơs behơ̆.

I Samuel 15:22

Mơya Samuel đơs lah: “Yàng Jehôwa niam nùs di ală phan ơn chu pơrguc mơ ală phan ơn duh khoai kung be niam nùs di bơta lơh jat jơnau đơs Yàng Jehôwa dê sơl ơ? Bơta dòn bơr la niam rlau mơ phan ơn duh khoai, mơ bơta iat jơnau la niam rlau mơ dơngi ală belàt dam.