Amôs 5:21 - Sră Goh 2018

²¹ Añ gơjrañ, Añ sền òsơp ală ngai pơjum sa bol mê dê; Añ ò kòñ ală ngai pơjum dờng màng bol mê dê.

Amôs 5:21 ပူးပေါင်းရင်းမြစ်များ

Sơnròp Gơlik Gơs 8:21

Yàng Tom Trồ ƀô kơnhồl bơlhu mơ đơs tòm nùs Kơnràñ lah: “Añ ò srat sơntơm ù bơh kòn mơnus tai, bơh ală bơta kơlôi tòm nùs kòn mơnus la iơh bơsak bơh tòm tŭ gam kơnòm, Añ rơp ò tơnroh tai ală phan kis be Añ neh lơh.

Jơnau Pơnđik 15:8

Phan ơn duh khoai cau iơh bơsak ai lơh cù kìr Yàng Jehôwa in; Mơya jơnau hòi dan cau song ring dê geh niam nùs Kơnràñ.

Jơnau Pơnđik 21:27

Phan ơn duh khoai cau iơh dê la dô nơm phan cù kìr; tơ ài lah tŭ bol khai cèng tus bal mơ bơta kơlôi sơnơng iơh.

Jơnau Pơnđik 28:9

Cau lơi sềt tồr ò bài iat bơta sồr lam, jơnau hòi dan cau hơ̆ dê kung la dô bơta cù kìr.

Esai 66:3

Mơya cau lơi hàl dô nơm kơnrồ dam gen kung be cau tơnchơt dô nă cau, mơ cau lơi ơn pơdơng dô nơm belàt kòn, gen kung be cau dơrpă ngko dô nơm so; cau lơi ai kòi mbo lơh gơs phan ơn, gen kung be cau ơn mhàm sur, mơ cau lơi chu kơlhô nàng kah kirsơnre, gen kung be cau duh khoai rùp ràk. Bol khai neh sac rwah gùng is bol khai dê, mơ hwềng soàn bol khai dê chò hòp tòm ală bơta tồi glài iơh bơsak bol khai dê.

Jeremi 14:12

Bulah bol khai ơt sa, Añ rơp ò iat jơnau hòi dan bol khai dê; tŭ bol khai ơn phan ơn chu mơ phan ơn kòi mbo, Añ ò dòp bol khai sơl; mơya Añ rơp tơnroh bol khai mơ đào, jơgloh rung, mơ pluh plàng.”

Jeremi 6:20

Behơ̆, ñchi kwơ cèng kơlhô tus bơh Seba Añ in, Chi ƀô lơngồt tus bơh lơgar ngài? Phan ơn chu bol mê dê ò geh dòp, Phan ơn pơdơng bol mê ò niam nùs Añ.”

Ejekiel 23:18

Tòm tŭ khai lơh gơs ùr dri dô bă loh làng behơ̆ mơ ràng tơlik să kuh khai dê, añ kung pơrlac sang khai tòm bơta gơjrañ mañ kung be añ neh pơrlac sang bi ùr khai dê behơ̆ sơl.

Sră Ôse 2:11

Añ rơp pơndut jơh ală bơta pơjum chò hòp khai dê, ală ngai pơjum sa kòp nam, ală ngai Dùl lik, ală ngai Saƀat, mơ jơh ală ngai pơjum sa ndai jat be neh lơh nền.

Sră Ôse 5:6

Bol khai cèng bal ală mpồl belàt mơ ală mpồl kơnrồ bol khai dê nàng jòi jat Yàng Jehôwa; mơya bol khai rơp ò bàn Kơnràñ; Kơnràñ neh lik bơh di bol khai.

Sră Ôse 8:13

Bulah bol khai ơn phan duh khoai niam Añ in, bulah bol khai sa poac, Yàng Jehôwa kung ò dòp bol khai. Tŭ do Kơnràñ kah wơl bơta tồi glài bol khai dê, mơ lơh glài bơh tồi glài bol khai dê, bol khai rơp rê wơl hơ Ejiptơ.

Lebi 26:31

Añ rơp lơh ală ƀòn dờng bol mê dê gơlik gơs ală gơnru tơrlah tơrlơm mơ lơh ală tiah sàng goh bol mê dê gơlik gơs tiah sang lòi srau gòi, mơ Añ rơp cù kìr di ƀô bơlhu ală phan ơn bol mê dê.

Amôs 4:4

“Lòt tus tĕ hơ Betel mơ tìs glài; lòt tus tĕ hơ Gilgal mơ bơtơl oă tai bơta tìs glài; cèng tĕ ală phan ơn pơdơng bol ai dê tòm kòp àng drim, cèng ơn tĕ ală pơnah jơt bol ai dê tòm kòp pe ngai.

Amôs 4:5

Cèng tĕ piang lă ò gơs kañ, lơh gơs phan ơn bơta ưnngài, mơ yal tơlik tĕ bơh ală phan ơn jat nùs kòñ bol ai dê; yal tơnggit tĕ bơh ală bơta hơ̆, bơh hơ̆ la bơta bol mê kòñ lơh, ơ làng bol Israel!” Jehôwa Yàng Tom Trồ đơs behơ̆.

Amôs 6:8

Jehôwa Yàng Tom Trồ neh srat să mơ să tòm Kơnràñ; Jehôwa Yàng Tom Trồ Gơnap Gơnoar Dờng làm Jơh đơs lah: “Añ cù kìr di bơta pơnhừ să Jakôp dê, mơ gơjrañ mañ di ală gơlang kơ̆ cê khai dê; Añ rơp jào phi ƀòn dờng mơ jơh ală phan tòm hơ̆.”

Amôs 8:10

Añ rơp pơrlac bơta pơjum sa bol mê dê gơlik gơs bơta pơt wòl, mơ jơh ală bơta đơs chò bol mê dê gơlik gơs bơta ñìm rac. Añ rơp cèng bài sơnò kiat tơntròñ jơh tơl nă bol mê in, mơ koah bồ bol mê dê. Añ rơp lơh gơ in gơlik gơs kung be bơta ñìm ƀồc bơh roh kòn klau dô nă, mơ bơta lồi dut gơ dê kung be dô ngai sràt bơtang.”

Mathiơ 23:13

“Bòl glar bol mê in, cau bơto bơta boh lam mơ cau Pharisi, la cau ma blac! Tài bơh bol mê til mpồng lơgar đang trồ di đap cau; să tòm bol mê ò bài mut mơ cau lơi kòñ mut gen bol mê kung ò ai. [

Ephesô 5:2

Cơnđòa lòt tĕ tòm bơta kòñ gơboh, kung be Bơtau Krist neh kòñ gơboh di bol he mơ phi să tòm Kơnràñ dê bơh bol he, nàng lơh gơs phan ơn mơ phan ơn duh khoai gơs ƀô bơlhu Yàng Tom Trồ in.

Philip 4:18

Añ geh wil tơl mơ tơngkah tơngkañ; añ geh bềng lìu bơh neh dòp geh ală phan ai gòi bơh Epaphrôdik mơ oh mi pơyoa añ in, hơ̆ la dô nơm phan ơn gơs ƀô bơlhu, la dô nơm phan pơdơng geh Yàng Tom Trồ dòp mơ niam nùs Kơnràñ.