Amôs 5:20 - Sră Goh 2018

²⁰ Ngai Yàng Jehôwa dê ò di la ngai klam jơngo cik ò àng, mơ bơta jơngo ò gơs bơta àng pơnđàng dô êt lơi tòm gơ ò ơ?

Amôs 5:20 ပူးပေါင်းရင်းမြစ်များ

Esai 13:10

Ală sơmañ hơđang trồ bal mơ ală mpồl gơ dê rơp ò pơnđàng bơta àng gơ tai. Mattơngai pa lik rơp klam jơngo, mơ mat kơnhai rơp ò pơnđàng sòl.

Esai 8:22

hala bol khai rơp sền di ù, mơya mìng gŏ bơta jê sồt bòl glar mơ klam jơngo mơ bơta rngòt rngơt, mơ bol khai rơp kong bơtrơh tơmut tòm bơta klam jơngo cik.

Ejekiel 34:12

Be cau ê lòt jòi mpồl belàt khai dê, tòm tŭ bol khai neh ơm digùl ală belàt nrah nring khai dê, behơ̆ Añ rơp lòt jòi mpồl belàt Añ jê. Añ rơp dong tă bol gơ bơh di jơh ală tiah bol gơ neh lòt nrah nring tòm dô ngai gơs mhwal mơ jơngo cik.

Jôel 2:2

Dô ngai klam jơngo, mơ ngềt ngơt, dô ngai bềng mhwal mơ jơngo cik. Be bơta jơngo jù cik gòm hơđang ală mơnơm, dô mpồl ling dờng mơ pràn kơldang lòt tus; bơta behơ̆ bơh rài yau òhềt tŭ lơi gơs, mơ kung rơp ò tŭ lơi gơs behơ̆ tòm rài tơnơ̆ rơp tus sơl.

Apdia 1:15

Bơh ngai Yàng Jehôwa dê neh rềp la ngai tòmdră mơ jơh ală làng bol. Ñchi mê neh lơh gen rơp lơh wơl mê in; ală broă lơh mê dê rơp tuh wơl hơđang bồ tòm mê dê.

Nahum 1:8

Tian gơs tòm dà kŏ hòr pơrdô, Kơnràñ rơp tơnlồi jơh ală cau sò tơm Kơnràñ dê, mơ Kơnràñ rơp ting jat ală cau sò tơm Kơnràñ dê tus tòm bơta klam jơngo.

Sôphôni 1:15

Ngai hơ̆ rơp la ngai gơjrañ dờng, dô ngai rung rài mơ moat jrùng, dô ngai bòl glar mơ tơnroh, dô ngai klam jơngo mơ ò àng, dô ngai gơs mhwal jù mơ klam cik,

Mathiơ 22:13

Gen cau bơtau sồr ală cau duh broă lah: ‘Cap tĕ tê jơng khai mơ sơrbì khai tòm tiah klam jơngo hơ bơdìh, la tiah rơp gơs ñìm rac mơ rkiat sề.’

Mathiơ 24:29

“Tơnơ̆ mơ ală ngai rung rài, gen tŭ hơ̆ mo mattơngai gơlik klam jơngo, kơnhai ò àng tai, ală sơmañ bơh đang trồ dùh, mơ ală gơnoar trồ gơlơnggơr.

Jude 1:13

Bol khai la ryà dàlềng lơnggac dờng ngan, kơmbuh bơta ƀàssìl ƀàsso bol khai dê; bol khai kung be ală sơmañ lòt gơlềng gơlàng, mơ bơta klam jơngo cik neh geh prap lòi sùm sùm bol khai in.

Yal Tơlik 16:10

Cau gơnrơh dơ̆ pram tuh mơngàn khai dê hơđang sơbàn phan poan jơng dê, gen lơgar gơ dê gơlik gơs klam jơngo, mơ ală cau kap lơmpiat he bơh bơta jê sồt