Amôs 5:18 - Sră Goh 2018

¹⁸ “Bòl glar ngan bol mê in la cau kơp gơn ngai Yàng Jehôwa dê! Ñchi bơh tài bol mê kơp gơn ngai Yàng Jehôwa dê taih? Ngai hơ̆ rơp la klam jơngo, ò gơs bơta àng;

Amôs 5:18 ပူးပေါင်းရင်းမြစ်များ

Esai 13:6

Ñìm rac tĕ, bơh ngai Yàng Jehôwa dê neh rềp; ngai hơ̆ tus kung be bơta tơnroh bơh Bơtau Gơnap Gơnoar Làm Jơh.

Esai 24:18

Cau lơi dô bơh jơnau rngòt rngơt dê gen rơp dùh tòm trồm jrô; cau lơi hào guh bơh di trồm jrô gen rơp yar dă. Bơh ală mpồng dềt trồ dê neh gơ pò, ală mơnàng plai ù gơlơnggơr.

Esai 5:19

Bol khai đơs lah: “Lòi Kơnràñ lơh mhar gơlik gơs broă Kơnràñ dê, mơ lòi Kơnràñ đơs jơnau Kơnràñ dê tồ bol he in gŏ! Lòi bơta lơh nền Bơtau Sàng Goh Israel dê gơlik di ngan tồ bol hi in git!”

Esai 5:30

Tòm ngai hơ̆, bol khai rơp driau dờng tòmdră mơ gơ ò gơkrơi be nggồr dàlềng. Mơ dilah gơs cau sền tòm lơgar, mìng gŏ klam jơngo mơ bòl glar; bulah bơta àng kung rơp gơlik jơngo bơh ală puk mhwal.

Esai 58:2

Bơh kòp ngai bol khai jòi Añ; bol khai chò hòp kòñ git ală gùng dà Añ jê; gơlơh be dô nơm làng bol lơh jat bơta song ring mơ ò sang lòi ală bơta lơh nền Yàng Tom Trồ bol khai dê. Bol khai lùp Añ bơh ală bơta cahrña song ring, mơ bol khai chò hòp tus rềp hơ Yàng Tom Trồ.

Esai 8:22

hala bol khai rơp sền di ù, mơya mìng gŏ bơta jê sồt bòl glar mơ klam jơngo mơ bơta rngòt rngơt, mơ bol khai rơp kong bơtrơh tơmut tòm bơta klam jơngo cik.

Esai 9:19

Ù tiah rơp kong chu pơrguc bơh bơta gơjrañ dờng Yàng Jehôwa Gơnap Gơnoar Dờng dê, làng bol gơlik gơs be phan sing ồs; ò gơs cau lơi rơp nđàc pơlai oh mi he,

Jeremi 13:16

Ơn tĕ bơta gơklŏ Jehôwa Yàng Tom Trồ bol mê in, Lài mơ tŭ Kơnràñ òhềt sồr bơta klam jơngo tus, Lài mơ tŭ jơng bol mê òhềt gơtup hơđang ală mơnơm tŭ trồ mòr jơngo. Tŭ bol mê gơn bơta àng, Mơya Kơnràñ rơp tòmgơl gơ gơlik gơs mƀur bơta chơt, Gơlik gơs mƀur jơngo cik.

Jeremi 17:15

Do la jơnau mơ cau neh đơs mơ añ: “Ntềng đah jơnau đơs Yàng Jehôwa dê taih? Lòi gơ gơlik gơs tĕ!”

Jeremi 30:7

Bòl glar ngan! Ngai hơ̆ cù kìr dờng ngan, Tian gơs òhềt gơs dô ngai lơi tòm toh behơ̆. Hơ̆ la tŭ bòl glar Jakôp dê! Mơya khai rơp geh dong klàs bơh bơta hơ̆.’

Ejekiel 12:22

“Ơ kòn mơnus, jơnau pơnđik mơ bol mê đơs tòm lơgar Israel lah: ‘Ală ngai kư̆ lòt rlau mơ ală bơta gơtơnggŏ ò gơlik tus’ la ñchi jơnau gơtha taih?

Ejekiel 12:27

“Ơ kòn mơnus, hìu Israel đơs lah: ‘Bơta gơtơnggŏ mơ khai neh gŏ la bơh jŏ ngai lài òr, mơ jơnau đơs hwơr khai dê la bơh tŭ tơngai gam ngài.’

Jôel 1:15

Ơ hơh! Bơh ngai hơ̆, bơh ngai Yàng Jehôwa dê neh tus rềp! Gơ rơp tus kung be bơta tơnroh gơprah gơpring tus bơh Bơtau Gơnar Dờng.

Jôel 2:10

Ù gơlơnggơr di đap bol gơ, ală tap trồ wañ lơnggơh, mattơngai mơ mat kơnhai gơlik klam jơngo, ală sơmañ ò àng tai.

Jôel 2:11

Yàng Jehôwa lơh gơlik sap Kơnràñ dê di đap mpồl ling Kơnràñ dê, mpồl ling Kơnràñ dê la gal ngan ò rgơi kòp, mơ ală cau lơh jat jơnau sồr Kơnràñ dê ò rgơi kòp. Ngan, ngai Yàng Jehôwa dê la dờng ngan mơ kìr rngòt ngan, Ñcau rgơi kong jai taih?

Jôel 2:31

Mattơngai rơp gơlik klam jơngo, mat kơnhai gơlik gơs mhàm, lài mơ tŭ tus ngai dờng mơ rngòt rngơt Yàng Jehôwa dê.

Apdia 1:15

Bơh ngai Yàng Jehôwa dê neh rềp la ngai tòmdră mơ jơh ală làng bol. Ñchi mê neh lơh gen rơp lơh wơl mê in; ală broă lơh mê dê rơp tuh wơl hơđang bồ tòm mê dê.

Malaci 4:1

“Sền tĕ, ngai hơ̆ rơp tus, gơ sa hơng kung be bơnhă ồs. Jơh ală cau pơnhừ să bal mơ cau lơh bơta iơh bơsak rơp kung be rhe, mơ ngai hơ̆ rơp tus be ồs sa pơrguc bol khai,” Yàng Jehôwa Gơnap Gơnoar Dờng Làm Jơh đơs behơ̆. “Gen tàng rơp ò gam dô nơm ryas hala dô nơm ntê lơi lòi wơl bol khai in.

Yal Wơl 32:24

Añ rơp sồr bơta jơgloh rung tơnroh bol khai, bơta duh trơàl chu pơrguc bol khai, rung rài bơh bơta pluh plàng. Añ rơp sồr sề gơnèng phan poan jơng tòm brê tòmdră mơ bol khai, bal mơ bơta bih khih ală phan wìn nsròng tòm ù lơh iơh bol khai.

II Pier 3:10

Mơya ngai Yàng dê rơp tus be dô nă cau kơñau. Tŭ hơ̆ ală tap trồ rơp gơs jơnau ntas nggồr ur mơ roh, jơh ală bơta rơp kong ồs sa lề jơh, plai ù mơ ală broă lơh hơđang gơ rơp kong chu jơh.

II Pier 3:4

mơ đơs lah: “Ntềng đah jơnau ho pơgon bơh bơta Yàng tus wơl taih? Bơh di tŭ ồng pàng bol he neh bic, gen jơh ală phan kư̆ gam sùm be tòm tŭ sơnròp crơng gơs trồ tiah.”