Amôs 5:16 - Sră Goh 2018

¹⁶ Gen tàng, Jehôwa, Yàng Tom Trồ Gơnap Gơnoar Dờng Làm Jơh đơs be do: “Rơp gơs jơnau ñìm rac tòm ƀlàng jơnum gùng ƀòn dờng, mơ jơnau driau moat jrùng tòm kòp nơm gùng. Bol khai rơp hòi ală cau lơh mìr sre ñìm ƀồc, mơ ală cau chài ñìm rac rơp pơt wòl.

Amôs 5:16 ပူးပေါင်းရင်းမြစ်များ

II Yal Yau 35:25

Jeremi cih ală jơnau ñìm rac Jôsia in, mơ jơl tus di ngai do, jơh ală cau klau mơ cau ùr jak đơs chò gam đơs ală jơnau ñìm rac hơ̆ nàng kah wơl Jôsia. Ală bơta hơ̆ neh gơlik gơs dô bơta òs yau tòm Israel mơ neh geh cih tòm ală jơnau Ñìm rac.

Esai 15:8

Bơh dô jơnau ñìm ngkè neh mpong gùt dar ù tiah Môap; jơnau ñìm rac bol khai kơno tus di Eglaim, jơnau pơt wòl bol khai dê kơno tus hơ Beer Elim.

Esai 22:12

Tòm ngai hơ̆ Yàng Jehôwa la Yàng Tom Trồ Gơnap Gơnoar Dờng neh hòi bol mê nàng ñìm rac mơ pơt wòl, nàng dŭi sŏ di bồ mơ soh ƀào sơnò kiat.

Jeremi 30:5

“Yàng Jehôwa đơs be do: ‘Bol he neh kơno jơnau driau nggà rngòt rngơt, ò di jơnau lơngap lơngai.

Jeremi 4:31

Bơh añ kơno jơnau rơnđơh, gơlơh be cau ùr jê deh, Sap ñìm nggà kung be sap cau ùr deh kòn dơ̆ sơnròp. Hơ̆ la sap ñìm ală kòn ùr Siôn dê, tă nhơm bòl, pò tơlik tê khai dê: “Dồn sa añ in! Añ neh chơt kơng di đap ală cau tơnchơt cau!”

Jeremi 9:10

Añ rơp ñìm rac pơt wòl bơh ală mơnơm, mơ ñìm rac ròc moat jrùng bơh ƀlàng ñhơt ƀlàng ngềt ngơt dê, Tài bơh gơ neh kong sang lòi srau gòi, tian gơs ò gơs cau lơi lòt gan, mơ ò gam kơno sap kơnrồ, Sềm trồ bal mơ phan poan jơng neh dô lik jơh.

Jeremi 9:16

Añ rơp rsìh bol khai digùl ală làng bol mơ bol khai mơ ồng pàng bol khai dê òhềt git; Añ rơp sồr đào ting jat, jơl tus di tŭ neh tơnroh jơh bol khai.”

Sră Ôse 4:3

Behơ̆ tàng, lơgar rac ròc, làng bol chơt roh, ală phan poan jơng tòm brê mơ ală sềm hơđang trồ, bal mơ ală ka tòm dàlềng kung roh rui sơl.

Jôel 1:11

Ơ cau lơh mìr lơh sre, gơdô nùs tĕ; Ơ cau tam ño, ñìm pơt wòl tĕ, moat jrùng tĕ bơh kòi mơ kòi pràng, tài bơh kơnhai toès tòm ƀlàng neh gơkòl tơnroh.

Jôel 1:14

Lơh nền tĕ dô bơta ơt sa sàng goh, hòi jà tĕ dô bơta pơjum duh khoai, pơjum wơl tĕ ală cau kwang kra bal mơ jơh làng bol tòm lơgar tòm hìu Jehôwa Yàng Tom Trồ bol mê dê mơ rac dan mơ Yàng Jehôwa!

Jôel 1:15

Ơ hơh! Bơh ngai hơ̆, bơh ngai Yàng Jehôwa dê neh tus rềp! Gơ rơp tus kung be bơta tơnroh gơprah gơpring tus bơh Bơtau Gơnar Dờng.

Jôel 1:8

Ơ làng bol, ñìm rac tĕ kung be dô nă cau ơruh soh ào bài sơnò kiat nàng ñìm ƀồc bau klau neh bau bơh tŭ gam kơnòm să.

Amôs 3:13

Yàng Jehôwa, la Yàng Tom Trồ Gơnap Gơnoar Dờng Làm Jơh đơs lah: Iat tĕ ală jơnau do mơ lơh cơng tòmdră mơ hìu Jakôp.

Amôs 5:27

Gen tàng Añ rơp tă bol mê kòl kup cèng pơrdô hơ đah ne Damas.” Yàng Jehôwa đơs behơ̆, sơnđan Kơnràñ la Yàng Tom Trồ Gơnap Gơnoar Dờng Làm Jơh.

Amôs 8:10

Añ rơp pơrlac bơta pơjum sa bol mê dê gơlik gơs bơta pơt wòl, mơ jơh ală bơta đơs chò bol mê dê gơlik gơs bơta ñìm rac. Añ rơp cèng bài sơnò kiat tơntròñ jơh tơl nă bol mê in, mơ koah bồ bol mê dê. Añ rơp lơh gơ in gơlik gơs kung be bơta ñìm ƀồc bơh roh kòn klau dô nă, mơ bơta lồi dut gơ dê kung be dô ngai sràt bơtang.”

Amôs 8:3

Tòm ngai hơ̆, ală jơnau đơs chò tòm hìu duh khoai rơp gơlik gơs ală jơnau ñìm rac,” Jehôwa Yàng Tom Trồ đơs behơ̆. “Rơp gơs oă ngan ƀồc chơt, sang làm bă tiah. Pal ơm mŏ!”

Mice 1:8

Tài bơh bơta hơ̆ añ rơp ñìm rac mơ pơt wòl; Añ rơp lòt jơng gòi mơ ơm să kuh. Añ rơp ñìm rac kung be so brê, mơ pơt wòl be sềm rgut.

Mice 2:4

Tòm ngai hơ̆, bol khai rơp ñŏ tơnhial di bol mê bơh dô jơnau đơs crih tòmdră mơ bol mê; mơ ñìm rac pơt wòl lah, Bol he kong tơnroh jơh hir; Yàng Jehôwa tòmgơl jơh sre brê làng bol añ jê, Kơnràñ tă ai gơ bơh di añ, Kơnràñ ai ù tiah he dê ală cau tòmdră in.”

Yal Tơlik 18:10

Mơ bơh rngòt di bơta jê sồt bol glar khai dê, gen bol khai rơp ơm ngài mơ đơs lah: “Nđàc sơngit ngan, pơlai soh ngan, ƀòn dờng Babilôn la ƀòn kơ̆ cê ne! Tòm dô jơ bơta lơh glài ai neh tus rau!”

Yal Tơlik 18:19

Bol khai rsìh thul hơđang bồ bol khai, ñìm rac moat jrùng mơ driau lah: “Nđàc sơngit ngan, pơlai soh ngan ƀòn dờng ne, ală cau gơs ơhò hơđang dàlềng kơnòm di bơta pas sơm khai dê mơ gơlik pas gơs, mơ do tòm dô jơ khai kong tơnroh lề lac jơh.