Amôs 5:14 - Sră Goh 2018

¹⁴ Jòi jat tĕ bơta niam, bañ jòi jat bơta iơh, gen bol mê geh kis; mơ Jehôwa Yàng Tom Trồ Gơnap Gơnoar Dờng Làm Jơh, rơp ơm bal mơ bol mê; tòm toh be bol mê đơs.

Amôs 5:14 ပူးပေါင်းရင်းမြစ်များ

Sơnròp Gơlik Gơs 39:23

Cau gơnoar at bồ hìu jàm ò sền sơwì tai ală broă lơh neh jào tòm tê Jôsep, tài bơh Yàng Jehôwa ơm bal mơ khai, mơ ai broă lơi khai in lơh gen gơlik gơs cồng nha.

I Yal Yau 28:20

Dabit kung đơs mơ Salômôn kòn klau khai dê lah: “Lơh tĕ pràn kơldang mơ khin cha, mơ lơh broă. Bañ rngòt mơ gơplơ̆ nùs bơh Jehôwa Yàng Tom Trồ la Yàng Tom Trồ añ jê, ơm bal mơ kòn. Kơnràñ rơp ò sang, ò lòi kòn jơl tus di tŭ jơh ală broă bơt bơtào hìu duh khoai Yàng Jehôwa dê neh sir.

II Yal Yau 15:2

Khai lik lòt tòm mat mơ bơtau Asa mơ đơs lah: “Ơ bơtau Asa mơ jơh bol mê la ală cau Juda mơ Benjamin, iat tĕ añ. Yàng Jehôwa ơm bal mơ bol mê tòm tŭ bol mê ơm mơ Kơnràñ. Dilah bol mê jòi jat Kơnràñ, bol mê rơp jòi bàn Kơnràñ, mơya dilah bol mê sang lòi Kơnràñ, gen Kơnràñ rơp sang lòi bol mê.

Đơs Crih 46:11

Yàng Jehôwa Mpồl Ling dê ơm bal mơ bol he, Yàng Tom Trồ Jakôp dê la tiah kìng crŭ bol he dê. (Selah)

Đơs Crih 97:10

Yàng Jehôwa kòñ gơboh ală cau gơjrañ kơuềng di bơta iơh bơsak; Kơnràñ sền gàr bơta kis ală cau sàng goh Kơnràñ dê, Mơ dong tă bol khai klàs bơh di tê cau iơh bơsak dê.

Lik Ejiptơ 3:12

Yàng Tom Trồ đơs lah: “Añ rơp ơm bal mơ mê. Do rơp la tềl ai mê in nàng git lah Añ la Bơtau neh sồr mê lòt: Tòm tŭ mê neh lam làng bol lik klàs bơh di lơgar Ejiptơ rau, bol mê rơp duh khoai Yàng Tom Trồ hơđang mơnơm do”.

Jơnau Pơnđik 11:27

Cau lơi jòi jat bơta niam, jòi jat bơta nđàc; Mơya cau lơi jòi bơta iơh, gen bơta iơh rơp tus mơ khai.

Esai 55:2

Ñchi bơh tài bol mê tơm jền nàng blơi phan ò di la piang lă, mơ kong bòl glar lơh broă nàng geh phan ò lơh hòm klung taih? Kơrhia tĕ, Iat tĕ Añ! Mơ sa tĕ phan niam, mơ lơh să tòm bol mê hòn chò bơh phan bơkah rlau jơh.

Esai 8:10

Tòmbơyai tĕ bal mơ gơp, mơya gơ rơp gơlik roh lơm; Đơs tĕ dô jơnau, mơya gơ rơp ò ntào jai; bơh Yàng Tom Trồ ơm bal mơ bol he.

Amôs 3:3

Dilah bàr nă cau lòt bal, mìng tòm tŭ bol khai ò dô nùs bal ngan sơl?

Amôs 5:6

Jòi jat tĕ Yàng Jehôwa gen geh kis, dilah ò gen Kơnràñ rơp hìt be lơmpiat ồs tòmdră mơ hìu Jôsep; mơ gơ rơp sa loan Betel, mơ ò gơs dô nă cau lơi đơp chơt gơ.

Mice 3:11

Ală cau kwang lam bồ gơ dê cahrña bơh sa loă, ală cau gơnoar ơn phan duh khoai gơ dê bơto sồr bơh jền priă, mơ ală cau gơnoar hwơr gơ dê đơs hwơr bơh priă; bulah behơ̆ bol khai kơnòm di sơnđan Yàng Jehôwa mơ đơs lah: “Ngan gơs Yàng Jehôwa ơm digùl bol he, bơta rung rài rơp ò tus hơđang bol he!”

Mice 6:8

Ơ kòn mơnus, Kơnràñ neh yal mê in bơta lơi la niam; Bơta mơ Yàng Jehôwa jòi lùp mê. Hơ̆ ò di la lơh bơta song ring, gơboh bơta lơbơn niam, mơ cơnđoà lòt dô bă pơndêt să mơ Yàng Tom Trồ ò ơ?

Sôphôni 2:3

Ơ ală bol mê la cau pơndêt să tòm ù, la cau lơh jat gơnoar sồr lam Kơnràñ dê; Jòi jat tĕ Yàng Jehôwa, Jòi jat tĕ bơta song ring, jòi jat bơta tơnliah să; digơlan bol mê rơp geh pồn ndơp tòm ngai gơjrañ dờng Yàng Jehôwa dê.

Khà Làng Bol 16:3

Bol khai pơjum bal gơs dô mpồl tòmdră mơ Môise mơ Arôn mơ đơs mơ bol khai lah: “Ală ồng neh lòt sơrlèt ngài rlau ir mơ gơnoar at bồ ală ồng dê! Kòp nă cau tòm mpồl jơnum làng bol dê la sàng goh, mơ Yàng Jehôwa ơm bal mơ bol khai. Gen ñchi bơh tài ală ồng bơtào is să tòm hơđang mpồl jơnum Yàng Jehôwa dê taih?”

Mathiơ 1:23

“Ne, dô nă cau ơruh rơp bun mơ deh dô nă kòn klau, Mơ cau rơp tơmoh sơnđan Kơnràñ la Emmanuel,” Gơtha la: “Yàng Tom Trồ ơm bal mơ bol he.”

Mathiơ 28:20

Mơ bơto bol khai lơh jat jơh ală bơta Añ neh sồr bol mê. Mơ do, Añ ơm sùm mơ bol mê jơl tus di lồi dut rài.”

Mathiơ 6:33

Mơya lài ngan, jòi jat tĕ lơgar Yàng Tom Trồ mơ bơta song ring Kơnràñ dê, gen Kơnràñ rơp ai bơtơl jơh ală bơta hơ̆ bol mê in.

II Timôthe 4:22

Dan Yàng ơm bal mơ hwềng nùs mê dê. Dan bơta nđàc ơm bal mơ ală oh mi.

Jôsue 1:9

Añ do neh ai jơnau gơnoar sồr mê in: Lơh tĕ pràn kơldang mơ khin cha. Bañ rơm să rngòt; bañ rngòt rngơt, bơh Jehôwa Yàng Tom Trồ mê dê rơp ơm bal mơ mê tiah lơi mê lòt.”