Amôs 5:12 - Sră Goh 2018

¹² Bơh Añ git ală bơta iơh bơsak bol mê dê la oă ir, mơ ală tồi glài bol mê dê la dờng ò git nđò. Bol mê rồn bơklơn cau song ring mơ dòp ală phan sa loă, mơ bol mê tơlo ală cau rƀah lik bơh dê mpồng ƀòn dờng.

Amôs 5:12 ပူးပေါင်းရင်းမြစ်များ

Sră Jop 20:19

Bơh khai neh rồn bơklơn mơ sang lòi cau rƀah, Bol khai tòmpìt hìu mơ bol khai ò bơt.

Sră Jop 31:21

Dilah añ neh pò tê tòmdră mơ cau kòn đòi, tài bơh añ neh gŏ añ geh dòp mpồng ƀòn;

Đơs Crih 127:5

Lơngai lơngò cau lơi in gơs kam hơ̆ bềng tòm ding khai dê! Khai rơp ò ƀàssìl Tòm tŭ khai tòmlah mơ cau sò tơm tòm tiah cahrña.

Lik Ejiptơ 23:3

mơ bañ sền òsơp dô nă cau rƀah tòm bơta yă wơn khai dê.

Lik Ejiptơ 23:6

Bañ lơh rkwet rkwe bơta song ring cau rƀah lơòi bol mê dê tòm bơta yă wơn bol khai dê.

Jơnau Pơnđik 17:8

Phan sa loă tòm toh be dô nơm lŭ đèk di đap cau lơi geh gơ; Bulah gơpơrlac đah lơi, kung geh bơtoah.

Jơnau Pơnđik 22:22

Bañ tòmpìt kơñau phan cau rƀah, tài bơh bol khai rƀah, kung bañ rồn bơklơn cau dồn sa rƀah di mpồng ƀòn.

Esai 1:23

Ală cau kwang at bồ ai dê la cau pơrlơ̆ dră, lơh yô mơ cau ntung kơñau, jơh tơl nă bol khai hàm kòñ phan sa loă, mơ jòi ală phan ai gòi. Bol khai ò dong tò cau kòn đòi, ò pơnring bơta cau yă cau ùr bơnrau.

Esai 10:2

tă tơlik gơnoar cau siơ̆u siar bơh bơta song ring, mơ tòmpìt bơta song ring bơh ală cau rƀah tòm làng bol Añ jê, ai ală cau ùr bơnrau lơh gơs phan ơn pơndòm, mơ cau kòn đòi lơh be phan tòmpìt geh.

Esai 29:21

Hơ̆ la ală cau lơh dô nă cau roh jơh bơta yă wơn; la cau pơt dă cau cahrña di mpồng ƀòn; ai jơnau lơh cơng blac tơnroh bơta song ring cau ò gơs glài dê.

Esai 33:15

Hơ̆ la cau lơh lòt song ring, đơs jơnau di ngan, sền òsơp di phan sa kwì, ò bài dòp phan sa loă, sềt tồr ò bài iat bơta bơyai lơh gơtuh mhàm, ñềm mat ò bài sền gŏ bơta iơh.

Esai 47:9

Bàr bơta hơ̆ rơp gơlik tus hơđang ai tòm dô dơ̆ lĕ mơ tòm dô ngai lơm: hơ̆ la cau roh ală kòn mơ ơm bơnrau. Ală bơta hơ̆ rơp gơlik tus wil tơl hơđang ai, bulah ai gơs oă gru bơjơu, mơ jơh ală gơnoar juh proh ai dê!

Esai 5:23

la cau sa loă mơ cahrña cau gơs glài la song ring, mơ ò cahrña song ring cau ò gơs glài!

Esai 66:18

Bơh Añ git ală broă lơh bol khai dê mơ ală bơta kơlôi sơnơng bol khai dê; Añ rơp tus mơ pơjum tơrgòm jơh ală làng bol mơ ală jơnau đơs; bol khai rơp tus mơ gŏ bơta gơklŏ Añ jê.

Jeremi 29:23

Tài bơh bol khai neh lơh bơta tồi glài iơh rmơh tòm Israel, neh tìs glài rềs àr bơrnàn mơ bau ùr ală cau gơp ƀòn he, mơ neh ai sơnđan Añ đơs ală jơnau ma blac mơ Añ ò tŭ lơi sồr bol khai. Să tòm Añ la Bơtau git loh mơ lơh cơng bơh bơta hơ̆.” Yàng Jehôwa đơs behơ̆.

Ñìm Rac 3:34

Tòm tŭ ală cau ơm jàm tòm lơgar gơkòl jă trơm hơđơm jơng,

Ejekiel 13:22

Tài bơh bol ai neh ai bơta đơs blac lơh gơplơ̆ nùs cau song ring tòm tŭ Añ ò lơh bol khai in moat jrùng, mơ tài bơh bol ai chồl nùs cau iơh bơsak nàng bol khai ò rê wơl bơh di ală gùng iơh bol khai dê tồ dong klàs bơta kis bol khai dê,

Sră Ôse 5:3

Añ git Epraim, mơ Israel ò geh pồn ndơp bơh di Añ. Ơ Epraim, bơh mê neh lơh dri tơlàr, Israel neh gơlik ƀơ̆ ƀơl.

Amôs 2:16

Mơ ală cau kơ̆ nùs digùl ală cau pràn kơldang rơp ntoat dô să kuh tòm ngai hơ̆,” Yàng Jehôwa đơs behơ̆.

Amôs 2:3

Añ rơp tơnroh kwang at bồ khai dê, mơ tơnchơt jơh ală kwang gơ dê bal mơ khai,” Yàng Jehôwa đơs behơ̆.

Amôs 5:10

Bol mê gơjrañ kơuềng dê cau lah pơrhơng di mpồng ƀòn, mơ sền òsơp di cau đơs jơnau song.

Amôs 5:7

Ôih, bol mê la ală cau tòmgơl bơta song ring gơlik gơs bơta sràt bơtang, mơ sơrbì bơta song ring tòm ù!

Amôs 8:4

Iat tĕ do: Bol mê la cau jă trơm hơđang ală cau siơ̆u siar, mơ tơnroh ală cau rƀah dồn sa tòm lơgar,

Mice 3:11

Ală cau kwang lam bồ gơ dê cahrña bơh sa loă, ală cau gơnoar ơn phan duh khoai gơ dê bơto sồr bơh jền priă, mơ ală cau gơnoar hwơr gơ dê đơs hwơr bơh priă; bulah behơ̆ bol khai kơnòm di sơnđan Yàng Jehôwa mơ đơs lah: “Ngan gơs Yàng Jehôwa ơm digùl bol he, bơta rung rài rơp ò tus hơđang bol he!”

Mice 7:3

Jơh bàr đah tê bol khai chài rgơi lơh bơta iơh. Kwang at bồ mơ kwang cahrña lùp ală phan sa loă, cau gơs gơnoar pràn sồr ai phan lơi bol khai kòñ; bơta song ring bol khai dê la bơta rkwet rkwe.

Malaci 3:5

Gen, Añ rơp tus rềp mơ bol mê nàng cahrña. Añ rơp sơrbac sơrbang lơh cơng tòmdră mơ ală cau gru jơnang, ală cau rềs àr dri tơlàr mơ ală cau srat să ma blac, tòmdră mơ ală cau sa kơñau jền tơngai cau lơh broă ơpah dê, rồn bơklơn ală cau ùr bơnrau mơ cau kòn đòi, ò lơh song ring gơwèt mơ cau ơm tòp, mơ ò duh rngòt di Añ,” Yàng Jehôwa Gơnap Gơnoar Dờng Làm Jơh đơs behơ̆.

Broă 7:52

Gơs cau gơnoar hwơr lơi mơ ồng pàng ală ồng ò kup kơryan ơ? Bol khai kung neh tơnchơt ală cau yal lài bơh bơta lòt tus Bơtau Song ring dê, mơ ală ồng kung neh pơrlơ̆ dră mơ tơnchơt tơn;

Yal Wơl 16:18

Pồ bơtào tĕ ală cau kwang cahrña mơ ală cau kwang at bồ kòp jơi bơtiàn bol mê in tòm kòp nơm ƀòn dờng mơ Jehôwa Yàng Tom Trồ bol mê dê ai bol mê in, mơ bol khai rơp cahrña làng bol dô bă song ring.

Yal Wơl 31:21

Mơ tòm tŭ gơs oă bơta rung rài bòl glar gơtơntus di bol khai gen bơta đơs chò do rơp lơh cơng tòmdră mơ bol khai tài bơh ală kòn sau bol khai dê rơp ò hŭi bơta đơs chò do. Bơh Añ git lài rau ñchi bơta bol khai rơp lơh tòm tŭ Añ cèng bol khai mut tòm lơgar mơ Añ neh ho ai bol khai in.”

Jakơ 5:4

Jền tơngai ală cau lơh ơpah toès tòm sre bol mê dê, mơ bol mê neh sa kơrlơm, gen gơ hòi driau; mơ jơnau hòi driau ală cau toès dê neh guh tus dê tồr Yàng Gơnap Gơnoar Làm Jơh.

Jakơ 5:6

Bol mê neh lơh nền glài mơ neh tơnchơt cau song ring, mơya khai ò tòmdră mơ bol mê.

Rutơ 4:1

Tŭ hơ̆ mo, Bôô guh hơ mpồng ƀòn dờng mơ nggui tềng hơ̆, cau gơp bơtiàn gơs gơnoar tơwài mơ Bôô neh đơs, kung lòt gan tềng hơ̆. Behơ̆ Bôô đơs lah: “Ơ cau bơyô, tus hơ do mơ nggui.” Gen cau hơ̆ tus mơ nggui.

I Samuel 8:3

Mơya ală kòn klau khai ò jat ală gùng khai dê, mơya wèt hơ cồng nha is, dòp phan sa loă, mơ lơh rkwet rkwe bơta song ring.