Amôs 5:11 - Sră Goh 2018

¹¹ Tài bơh bol mê jă trơm hơđang cau rƀah lơòi mơ bơklơn bol khai dap dia kòi mi. Bol mê neh bơt ală hìu mơ lŭ neh koh, bol mê rơp ò ơm tòm ală hìu hơ̆; bulah bol mê neh tam ală suơn ño gơs oă plai, bol mê rơp ò geh ñô tơrnòm gơ dê.

Amôs 5:11 ပူးပေါင်းရင်းမြစ်များ

Sră Jop 20:19

Bơh khai neh rồn bơklơn mơ sang lòi cau rƀah, Bol khai tòmpìt hìu mơ bol khai ò bơt.

Esai 16:10

Bơta chò hòp chò hòn neh tă tơlik bơh ală suơn sa plai; mơ tòm suơn ño ò gơs cau lơi đơs chò hala driau chò; ò gơs cau lơi pơrjă plai ño tòm tiah mpal pat tơrnòm, bơh Añ neh pơndut jơnau driau chò ală cau pơrjă ño dê.

Ejekiel 26:12

Bol khai rơp tòmpìt sơmbrơt phan mơna mê dê, phà kơñau ală phan kă bro mê dê; bol khai rơp pòng tơrlah ală dơrñang mê dê mơ phà tơnroh ală hìu niam mơnĕ mê dê, mơ tuh sang ală lŭ, chi, mơ thul ơmul mê dê tòm dàlềng.

Ejekiel 34:21

Tài bơh bol mê ai wĕ ai pơnì mơ chồl, ai ngke mơ gĕ jơh ală belàt lơbơn òsô jơl tus di tŭ bol mê neh lơh gơprah gơpring jơh bol khai làm tiah ngài.

Sră Ôse 9:2

Ală làn jă kòi mơ ală yang tơrnòm rơp ò ròng siam bol khai; tơrnòm pa rơp lơh bol khai in roh bơta gơn kơnòm.

Lebi 26:16

gen Añ rơp lơh bơta do bol mê in: Añ rơp đùh hơđang bol mê bơta rngòt rngơt dô bă nisơna, bơta kòp jê bơsiă hian mơ kòp prơm tơnroh bơta àng mat bol mê dê mơ pơndut bơta kis bol mê dê. Bol mê rơp sih gar mơ gơlik ò kwơ, bơh ală cau sò tơm bol mê dê rơp sa gơ.

Amôs 2:6

Yàng Jehôwa đơs be do: “Bơh tồi glài Israel dê, oă rlau mơ pe, poan dơ̆. Añ ò jùt sang bơta lơh glài bơh gơ, tài bơh bol khai tac cau song ring nàng ai priă, tac cau rƀah nàng ai dô yô gơltau jă.

Amôs 2:7

Bol khai jă jơng hơđang bồ cau rƀah lơòi tus di thul tòm ù, mơ chồl tơlo cau gơkòl jê sồt bơh di gùng song ring. Bèp mơ kòn bic mơ mìng dô nă cau ơruh, behơ̆ gen sơnđan sàng goh Añ jê neh gơkòl đơs tràl sơrbil.

Amôs 3:15

Añ rơp lơh tơrlah hìu kơnhai noat bal mơ hìu kơnhai prang; ală hìu bơka mơ bla rwas rơp roh rui, mơ ală hìu dờng rơp kong tơnroh tơnlồi.” Yàng Jehôwa đơs behơ̆.

Amôs 3:9

Yal tơnggit tĕ tòm ală theng kơ̆ cê Asdot dê, mơ tòm ală theng kơ̆ cê Ejiptơ dê, mơ đơs lah: “Bol mê pơjum bal tĕ hơđang mơnơm Samari; mơ sền tĕ bơta sơlồng sơlàng dờng tềng hơ̆, mơ bơta rồn bơklơn digùl làng bol khai dê.”

Amôs 4:1

Iat tĕ jơnau do, Ơ ală kơnrồ me Basan dê ơm hơđang mơnơm Samari, hơ̆ la ală cau rồn bơklơn cau rƀah lơòi mơ tơnlề cau siơ̆u siar, la ală cau đơs mơ ală bau klau bol khai lah: “Cèng tĕ bol he in ală phan ñô!”

Amôs 6:11

Bơh Yàng Jehôwa neh ai jơnau sồr, mơ hìu dờng rơp kòl pòng tơrlah tơrlơm, mơ hìu dềt lề rpot rpet.

Amôs 6:12

Ală ơseh ntoat hơđang lŭ ơ? Cau rgơi troă dàlềng mơ kơnrồ sơl ơ? Mơya bol mê neh tòmgơl bơta song ngan gơlik gơs bơta bih khih, mơ tòmgơl plai song ring gơlik gơs sràt bơtang.

Amôs 8:4

Iat tĕ do: Bol mê la cau jă trơm hơđang ală cau siơ̆u siar, mơ tơnroh ală cau rƀah dồn sa tòm lơgar,

Amôs 9:14

Añ rơp cèng brê wơl làng bol Israel Añ jê neh kong kup cèng gơs dĭ; bol khai rơp bơt bơtào wơl ală ƀòn dờng neh kong tơnroh mơ ơm tòm ală ƀòn dờng hơ̆. Bol khai rơp tam ală suơn ño mơ ñô tơrnòm gơ dê; bol khai rơp lơh suơn mơ sa plai gơ dê.

Mice 1:6

Behơ̆ tàng Añ rơp lơh Samari in gơlik gơs dô gơnru tơrlah tơrlơm tòm ƀlàng sre, dô bă tiah nàng tam ală suơn ño. Añ rơp tơndùh ală pơnai lŭ khai dê tòm thòng, mơ lòi ală mơnàng gơ dê ơm kuh.

Mice 2:2

Bol khai hàm kòñ ală ƀlàng sre mơ tòmpìt gơ, hàm hà hìu đam mơ tă sơmbrơt gơ. Bol khai rồn bơklơn cau tòm hìu mơ hìu; la cau mơ sre brê bol khai dê.

Mice 6:15

Mê rơp sih gar mơya ò geh toès, mê rơp pat ôlibe mơya ò geh bong mơñà să tòm mê in, mê rơp jă plai ño mơya ò geh ñô tơrnòm.

Sôphôni 1:13

Phan mơna bol khai dê rơp kòl tòmpìt, ală hìu tum bol khai dê lòi srau gòi. Bol khai rơp bơt ală hìu mơya ò geh ơm tòm hơ̆; bol khai rơp tam ală suơn ño mơya ò geh ñô tơrnòm.”

Sră Age 1:6

Bol mê neh sih oă, mơya neh toès wơl dô êt; bol mê sa, mơya ò gơs tŭ lơi tơl; bol mê hùc, mơya ò gơs tŭ lơi bềng; bol mê soh ồi ào, mơya ò gơs tŭ lơi ram; bol mê dòp leng jền tơngai mìng prap ơn gơtòm dô nơm kơldung bluh.’

Malaci 1:4

Dilah Edôm đơs lah: “Bulah bol hi neh kong bơcah lề, bol hi rơp bơt bơtào wơl ală tiah tơrlah tơrlơm.” Mơya Yàng Jehôwa Gơnap Gơnoar Dờng Làm Jơh đơs lah: “Bol khai rgơi bơt bơtào wơl, mơya Añ rơp sòr tơrlơm, jơl tus di tŭ bol khai geh sơnđan la lơgar iơh bơsak, la dô nơm làng bol mơ Yàng Jehôwa gơjrañ sùm sùm.”

Yal Wơl 28:30

Bol mê rơp ho bau mơ dô nă cau ùr, mơya dô nă cau ndai rơp bau mơ bic mơ khai. Bol mê rơp bơt dô nơm hìu mơya bol mê rơp ò ơm tòm hìu hơ̆. Bol mê rơp tam dô nơm suơn ño mơya bol mê kung rơp ò geh sơntòm chò hòp bơh plai gơ dê.

Jakơ 2:6

Mơya oh mi lơh cau rƀah in ƀàssìl. Hơ̆ ò di la cau pas gơs rồn bơklơn oh mi, mơ hwài oh mi lòt tus di tiah cahrña ò ơ?