Amôs 4:9 - Sră Goh 2018

⁹ “Añ neh pù lơh bol mê bơh bơta ro rañ, mơ but bơsềt; Añ neh lòi srau gòi ală suơn, mơ ală suơn ño bol mê dê; srah nting sa loan chi ƀal mơ chi ôlibe bol mê dê, mơya bol mê kung ò rê wơl mơ Añ.” Yàng Jehôwa đơs behơ̆.

Amôs 4:9 ပူးပေါင်းရင်းမြစ်များ

I Ală Bơtau 8:37

Dilah tòm lơgar gơlik gơs bơta jơgloh rung, pluh plàng, ro rañ, but bơsềt ồm lề, srah nting, srah, hala gơs cau sò tơm gòm gơrwàng ală tiah ơm bol khai dê, hala gơs bơta rung rài, kòp jê lơi;

II Yal Yau 6:28

Dilah gơs bơta jơgloh rung hala bơta kòp jê pluh plàng tòm lơgar, ro jrùh chi che, but bơsềt bơh dà tŭ, srah nting hala tu; dilah ală cau sò tơm gơrwàng bol khai bơh bơta lơh pơnring lơi tòm lơgar; bulah gơs bơta jê sồt, bulah gơs bơta kòp jê lơi;

Esai 1:5

Ñchi bơh tài bol mê jòi bơta pù ơlih rlau tai taih? Ñchi bơh tài bol mê kư̆ gam tòmdră sùm taih? Jơh dô nơm bồ kòp jê, jơh dô nơm nùs jê sồt.

Esai 50:11

Mơya tŭ do, jơh ală bol mê la cau sing ồs mơ rcang lài să tòm he in ală sơmpòl ồs; Ñă tĕ! Lòt tòm bơta àng ồs bol mê dê, mơ tòm bơta àng ală sơmpòl ồs mơ bol mê neh chu. Do la bơta mơ bol mê rơp dòp geh bơh tê Añ: Bol mê rơp bic tòm bơta jê sồt bòl glar.”

Esai 9:12

Cau Siri đah mattơngai lik mơ cau Philistin đah mattơngai mut neh ha bơr sa loan Israel. Bulah neh gơs jơh ală bơta hơ̆, bơta gơjrañ Kơnràñ dê kung ò pơrlac ngài; tê Kơnràñ gam pò tơlik.

Jeremi 3:10

Bulah behơ̆, oh ùr lac lèo khai dê la Juda, kung ò rê wơl mơ Añ dô bă jơh nùs, mìng lơh ma blac lơm,” Yàng Jehôwa đơs behơ̆.

Jeremi 5:3

Ơ Yàng Jehôwa, mat Kơnràñ ò di wèt sền bơta song ngan ơ? Kơnràñ neh pù lơh bol khai, Mơya bol khai ò gŏ jê sồt, Kơnràñ lơh tơnroh bol khai, Mơya bol khai kung ò bài dòp bơta bơto sồr. Bol khai lơh muh mat bol khai kră rlau mơ lŭ, bol khai ò bài rê wơl.

Sră Ôse 11:5

Ngan! Bol khai rơp rê wơl hơ lơgar Ejiptơ, mơ cau Asiri rơp lơh gơs bơtau bol khai dê, tài bơh bol khai neh sang lòi ò bài rê wơl hơ Añ.

Jôel 1:4

Phan lơi srah nting lòi wơl gen srah nting dờng sa; phan lơi srah nting dờng lòi wơl gen srah nting dềt sa; phan lơi srah nting dềt lòi wơl gen srah nting ndai sa.

Jôel 1:7

Gơ neh sa tơrging ală tòm ño Añ jê, mơ koh rpot rpet ală chi ƀal Añ jê. Gơ neh klò kơmhò ală chi hơ̆ mơ sang sơrbì jơh, ală ntê gơ gơlik bò luh.

Jôel 2:25

Añ rơp tơm wơl bol mê in bơh ală sơnam neh kong srah nting sa roh, srah nting dờng, srah nting dềt, srah nting ndai la mpồl ling dờng mơ Añ neh sồr tus digùl bol mê.

Amôs 4:6

“Añ ai bol mê in sề goh ngan tòm ală ƀòn dờng bol mê dê, mơ lơh siơ̆u piang lă tòm jơh ală tiah bol mê dê, mơya bol mê kung ò rê wơl hơ Añ,” Yàng Jehôwa đơs behơ̆.

Amôs 4:8

Behơ̆, bàr hala pe nơm ƀòn dờng làng bol lòt yơng bơh ƀòn do tus hơ ƀòn ndai nàng jòi dà, mơya jòi ò tơl dà nàng hùc; bulah behơ̆, bol mê kung ò rê wơl mơ Añ,” Yàng Jehôwa đơs behơ̆.

Habakuk 3:17

Bulah chi ƀal rơp ò cat sơmbut mơ rơp ò gơs plai hơđang ntê ño; bulah chi ôlibe ò gơlik plai mơ ƀlàng sre ò tơnggơs phan sa; bulah ò gơs belàt tòm ƀlàng mơ ò gơs kơnrồ tòm wàng,

Sră Age 2:17

‘Añ neh ngui bơta ro rañ, but bơsềt, mơ mìu piar nàng lơh glài jơh ală broă tê bol mê lơh, bulah behơ̆ bol mê ò rê wơl mơ Añ, Yàng Jehôwa đơs behơ̆.

Malaci 3:11

Añ rơp lah pơrhơng srah nting nàng gơ ò sa tơnroh ală plai đo bơh ù bol mê dê; mơ ală tòm ño tòm ală suơn bol mê dê rơp ò rung plai gơ dê lài mơ tŭ tus kơnhai pic plai,” Yàng Jehôwa Gơnap Gơnoar Dờng Làm Jơh đơs behơ̆.

Yal Wơl 28:22

Yàng Jehôwa rơp đùh bơta kòp jê chơt roh hơđang bol mê, kòp bơsiă reh jòr mơ kòp pŭ, bơta kòp prơm mơ chơt pluh, gơs bơta jơgloh rung mơ bơta prang duh trơàl, ro rañ mơ dà tŭ but bơsềt, ală bơta hơ̆ rơp ting jat bol mê jơl tus di tŭ bol mê roh rui.

Yal Wơl 28:42

Ală mpồl srah nting rơp sa roh jơh ală chi che bal mơ kòi mbo lơgar bol mê dê.