Amôs 4:8 - Sră Goh 2018

⁸ Behơ̆, bàr hala pe nơm ƀòn dờng làng bol lòt yơng bơh ƀòn do tus hơ ƀòn ndai nàng jòi dà, mơya jòi ò tơl dà nàng hùc; bulah behơ̆, bol mê kung ò rê wơl mơ Añ,” Yàng Jehôwa đơs behơ̆.

Amôs 4:8 ပူးပေါင်းရင်းမြစ်များ

I Ală Bơtau 18:5

Ahap đơs mơ Apdia lah: “Lòt tĕ làm jơh lơgar, tus hơ jơh ală croh mơ tiah dà cat mơ tòm ală thòng, digơlan bol he rơp jòi bàn ñhơt, nàng dong ală alàng ơseh in kis, nàng ò roh ală phan poan jơng.”

Esai 9:12

Cau Siri đah mattơngai lik mơ cau Philistin đah mattơngai mut neh ha bơr sa loan Israel. Bulah neh gơs jơh ală bơta hơ̆, bơta gơjrañ Kơnràñ dê kung ò pơrlac ngài; tê Kơnràñ gam pò tơlik.

Jeremi 23:14

Mơya, tòm mpồl cau gơnoar hwơr tòm Jerusalem, Añ gŏ dô bơta cù kìr rlau tai; Bol khai tìs glài rềs àr bơrnàn, cơnđòa jat bơta ma blac; Bol khai lơh pràn kơldang tê cau lơh iơh in, Tian gơs ò gơs cau lơi pơrlac sang bơta iơh. Añ sền jơh ală bol khai gơlik kung be Sôdôm, Mơ làng bol gơ dê kung be Gômôrơ.”

Jeremi 3:3

Behơ̆ tàng mìu nhàc neh kòl krơ̆ wơl, mơ mìu bồ sơnam kung ò tus. Mơya mê gam pò bìng liang kung be cau ùr dri tơlàr; Ò git ƀàssìl.

Jeremi 3:7

Mơ Añ neh kơlôi lah: ‘Tơnơ̆ mơ tŭ khai neh lơh jơh ală bơta hơ̆, gen khai rơp rê wơl mơ Añ.’ Mơya khai ò rê wơl. Oh ùr lac lèo khai dê la Juda neh gŏ bơta hơ̆.

Jeremi 5:3

Ơ Yàng Jehôwa, mat Kơnràñ ò di wèt sền bơta song ngan ơ? Kơnràñ neh pù lơh bol khai, Mơya bol khai ò gŏ jê sồt, Kơnràñ lơh tơnroh bol khai, Mơya bol khai kung ò bài dòp bơta bơto sồr. Bol khai lơh muh mat bol khai kră rlau mơ lŭ, bol khai ò bài rê wơl.

Sră Ôse 11:5

Ngan! Bol khai rơp rê wơl hơ lơgar Ejiptơ, mơ cau Asiri rơp lơh gơs bơtau bol khai dê, tài bơh bol khai neh sang lòi ò bài rê wơl hơ Añ.

Sră Ôse 7:10

Bơta pơnhừ să Israel dê lơh cơng tòmdră mơ khai, bulah behơ̆ khai ò rê wơl hơ Jehôwa la Yàng Tom Trồ khai dê, hala jòi jat Kơnràñ.

Amôs 4:6

“Añ ai bol mê in sề goh ngan tòm ală ƀòn dờng bol mê dê, mơ lơh siơ̆u piang lă tòm jơh ală tiah bol mê dê, mơya bol mê kung ò rê wơl hơ Añ,” Yàng Jehôwa đơs behơ̆.

Mice 6:14

Mê rơp sa mơya ò geh hòm; klung mê dê rơp gam jơgloh tòm să mê. Mê rơp prap lòi phan mơna mơya ò geh klàs, bơh phan lơi mê prap lòi gen Añ rơp jào gơ đào in.

Sră Age 1:6

Bol mê neh sih oă, mơya neh toès wơl dô êt; bol mê sa, mơya ò gơs tŭ lơi tơl; bol mê hùc, mơya ò gơs tŭ lơi bềng; bol mê soh ồi ào, mơya ò gơs tŭ lơi ram; bol mê dòp leng jền tơngai mìng prap ơn gơtòm dô nơm kơldung bluh.’

Sră Age 2:17

‘Añ neh ngui bơta ro rañ, but bơsềt, mơ mìu piar nàng lơh glài jơh ală broă tê bol mê lơh, bulah behơ̆ bol mê ò rê wơl mơ Añ, Yàng Jehôwa đơs behơ̆.