Amôs 4:7 - Sră Goh 2018

⁷ “Añ kung neh ò bài tơndùh mìu bol mê in, tòm tŭ gam pe kơnhai sồng tus di kơnhai toès. Añ neh đùh mìu hơđang dô nơm ƀòn do, mơya ò đùh mìu hơđang dô nơm ƀòn ndai. Dô lồ sre do neh geh mìu, dô lồ ndai ò geh mìu dô êt lơi mơ gơlik ro rañ.

Amôs 4:7 ပူးပေါင်းရင်းမြစ်များ

Lik Ejiptơ 10:22

Behơ̆, Môise pò tê khai dê hơđang trồ, gen bơta klam jơngo jơm gòm làm jơh Ejiptơ tòm pe ngai;

Lik Ejiptơ 10:23

Tòm pe ngai hơ̆ ò gơs cau lơi rgơi sền gŏ cau ndai hala rgơi ñă lòt bơh di tiah khai dê. Mơya ală cau Israel gơs bơta àng tòm tiah bol khai ơm.

Lik Ejiptơ 8:22

Mơya tòm ngai hơ̆, Añ rơp cah is lơgar Gôsen, la tiah làng bol Añ jê ơm, ò gơs dô mpồl rhài lơi tus tềng hơ̆, tồ mê in git Añ la Yàng Jehôwa, gơs mat tòm lơgar do

Lik Ejiptơ 9:26

Mìng dô bă tiah ò gơs mìu piar la Gôsen, la tiah làng bol Israel ơm.

Lik Ejiptơ 9:4

Mơya Yàng Jehôwa rơp cah is phan poan jơng cau Israel dê bơh di phan poan jơng cau Ejiptơ dê, mơ ò gơs dô nơm phan poan jơng lơi gơrê bal mơ làng bol Israel rơp chơt.’”

Esai 5:6

Añ rơp lơh gơ in gơlik gơs tiah srau gòi, gơ rơp ò kòl koh crè, hala ò pŏ lơh lơbơn ù, tòm lò mơ lò mrơt rơp hòn tềng hơ̆. Añ rơp ai jơnau sồr mhwal bañ đùh mìu hơđang gơ.”

Jeremi 14:22

Gơs rùp ràk lơi ală làng bol bơdìh dê rgơi cèng mìu sơl? Hala ală tap trồ rgơi ai mìu ơ? Ơ Jehôwa Yàng Tom Trồ bol hi dê, hơ̆ ò di la Kơnràñ ơ? Bol hi gơn kơnòm di Kơnràñ, Bơh Kơnràñ la Bơtau lơh gơs jơh ală bơta hơ̆.

Jeremi 14:3

Ală cau ryŭ ryơm khai dê sồr cau dĭ gơna lòt jòi dà; Bol khai lòt tus hơ tơrlung ơn dà. Bol khai jòi ò geh dà, Bol khai rê wơl mơ gri gòi; Bol khai ƀàssìl mơ rngòt rngơt, Mơ gòm bồ bol khai dê.

Jeremi 14:4

Tài bơh ù neh dàng jơh, Tài bơh ò gơs mìu dùh tòm lơgar, Cau troă lơòr rngòt rngơt; bol khai gòm bồ wơl.

Jeremi 3:3

Behơ̆ tàng mìu nhàc neh kòl krơ̆ wơl, mơ mìu bồ sơnam kung ò tus. Mơya mê gam pò bìng liang kung be cau ùr dri tơlàr; Ò git ƀàssìl.

Jôel 2:23

Ơ làng bol Siôn, hòn chò mơ chò hòp tĕ tòm Jehôwa Yàng Tom Trồ bol mê dê; bơh Kơnràñ neh ai bol mê in mìu gòñ bồ sơnam bol mê in, Kơnràñ tuh mìu lìu làc bol mê in, mìu bồ sơnam mơ lồi sơnam, jat bơta kơ̆ dơn Kơnràñ dê, tơndùh bol mê in be lài.

Sacari 14:17

Dilah gơs cau lơi tòm ală làng bol hơđang plai ù ò guh hơ Jerusalem nàng duh khoai Bơtau la Yàng Jehôwa Gơnap Gơnoar Dờng Làm Jơh gen bol khai rơp ò gơs mìu.

Jang 4:35

Bol mê ò di đơs lah: ‘Gam poan kơnhai tai gen tus di kơnhai toès ơ?’ Do, Añ đơs mơ bol mê: ‘Pò tĕ mat mơ tơnggòr sền ƀlàng sre neh dum, di di kơnhai toès rau.

I Kôrintô 4:7

Bơh ñcau ai mê in lin rlau mơ cau ndai taih? Ò di Yàng Tom Trồ neh ai jơh bơta hơ̆ oh mi in ò ơ? Gen ñchi bơh tài mê jòng să kung be ò dòp taih?

Yal Wơl 11:17

Gen bơta gơjrañ Yàng Jehôwa dê rơp gơhào khuh tòmdră mơ bol mê, mơ Kơnràñ rơp til ală tap trồ tồ gơ ò dùh mìu mơ ù tiah ò gơlik plai đo, mơ bol mê rơp mhar roh rui bơh di lơgar niam mơ Yàng Jehôwa ai bol mê in.

Jakơ 5:17

Eli la cau be bol he, mơ tòm tŭ khai jơh nùs hòi dan nàng ò gơs mìu, gen ò gơs mìu hơđang ù tòm pe sơnam mơ prau kơnhai.

Yal Tơlik 11:6

Bàr nă cau hơ̆ gơs gơnoar til ală tap trồ, nàng ò gơs mìu tòm ală ngai bol khai đơs hwơr; bol khai gơs gơnoar hơđang ală dà nàng lơh dà gơlik gơs mhàm, mơ ngui jơh ală bơta rung rài nàng lơh iơh di plai ù tŭ lơi jat nùs bol khai kòñ.