Amôs 4:5 - Sră Goh 2018

⁵ Cèng tĕ piang lă ò gơs kañ, lơh gơs phan ơn bơta ưnngài, mơ yal tơlik tĕ bơh ală phan ơn jat nùs kòñ bol ai dê; yal tơnggit tĕ bơh ală bơta hơ̆, bơh hơ̆ la bơta bol mê kòñ lơh, ơ làng bol Israel!” Jehôwa Yàng Tom Trồ đơs behơ̆.

Amôs 4:5 ပူးပေါင်းရင်းမြစ်များ

Đơs Crih 81:12

Behơ̆ Añ lòi bol khai lòt jat bơta kơldang nùs bol khai dê, Tồ bol khai lòt jat jơnau bơyai is bol khai dê.

Esai 1:1

Tòm rài at bồ ală cau bơtau Ôsia, Jôtham, Aca mơ Ejekia la ală cau bơtau lơgar Juda dê, gen Esai kòn klau Amôs gơs bơta gơtơnggŏ bơh lơgar Juda mơ ƀòn dờng Jerusalem.

Esai 1:11

Yàng Jehôwa đơs: “Ñchi kwơ Añ in rbô rhiang phan ơn duh khoai bol mê dê taih? Añ neh dil bơh ală phan ơn chu pơrguc belàt dam dê, mơ dơngi ală phan poan jơng lơmă; Añ ò niam nùs di mhàm kơnrồ dam, belàt kòn mơ be dam.

Jeremi 7:10

Lồc behơ̆ bol mê tơlik mat mơ Añ tòm hìu do, la tiah geh tơmoh bơh sơnđan Añ, mơ đơs lah: “Bol hi neh geh dong tă rau!” Tồ mìng pơnjat sùm lơh ală bơta cù kìr hơ̆ ơ?

Jeremi 7:9

Bol mê ngan ò di ntung kơñau, tơnchơt cau, tìs glài rềs àr bơrnàn, srat să blac, chu kơlhô Baal in, lòt jat yàng ndai, la yàng bol mi ò git.

Sră Ôse 9:1

Ơ Israel bañ hòn chò; bañ chò hòp be ală làng bol ndai; Bơh mê neh lơh dri tơlàr mơ sang lòi Yàng Tom Trồ mê dê. Mê kòñ gơboh jền tơngai dô nă cau ùr dri tơlàr dê tòm kòp nơm làn pơrjòt kòi.

Sră Ôse 9:10

Tòm tŭ Añ jòi bàn Israel, kung be jòi bàn tơrkum plai ño tòm ƀlàng ngềt ngơt; tòm tŭ Añ gŏ ală ồng pàng bol mê dê, gen kung be gŏ plai chi ƀal gơlik plai sơnròp tòm bồ sơnam. Mơya bol khai neh lòt tus hơ Baal Pheô, bol khai ơn să tòm bol khai rùp ràk ƀàssìl ƀàsso in, mơ gơlik gơs cù kìr kung be phan mơ bol khai neh kòñ gơboh.

Lebi 23:17

Bơh di tiah lơi bol mê ơm, cèng tĕ bàr nơm piang lă lơh gơs bơh bàr pơnah jơt epha kơmbuh phe rhền bal mơ kañ, lơh gơs phan ơn plai bồ sơnam tơyài ơn Yàng Jehôwa in.

Amôs 5:21

Añ gơjrañ, Añ sền òsơp ală ngai pơjum sa bol mê dê; Añ ò kòñ ală ngai pơjum dờng màng bol mê dê.

Amôs 5:22

Bulah bol mê cèng Añ in ală phan ơn chu pơrguc mơ ală phan ơn mơ kòi mbo, Añ rơp ò dòp ală phan ơn hơ̆. Bulah bol mê cèng ală phan ơn bơta ring lơngai mơ dơngi phan poan jơng bol mê dê, Añ ò wèt mat di bol gơ ò.

Mathiơ 15:9

Bol khai duh khoai Añ la ò kwơ, Bơh gùng duh khoai bol khai dê mìng la bơta sồr lam kòn mơnus dê lơm.’”

Mathiơ 23:23

Bòl glar bol mê in, cau bơto bơta boh lam mơ cau Pharisi, la cau ma blac! Bơh bol mê ơn pơnah jơt tòm biap trau, biap ƀô mơ biap krồng, mơ sang lòi bơta dờng màng rlau tòm bơta boh lam, la bơta song ring bơta kòñ nđàc, mơ bơta dòn. Ală bơta do bol mê pal lơh, mơ kung ò di lơh ñhòt ală bơta ne sơl.

Mathiơ 6:2

Behơ̆ tòm tŭ mê pà gòi, bañ uh kơlwòk di đap he, be ală cau ma blac lơh tòm ală hìu jum mơ tòm ală gùng me, nàng geh cau jòng ro. Di ngan Añ đơs mơ bol mê, bol khai neh geh phan ƀàn bol khai dê rau.

Rôma 1:28

Tài bơh bol khai ò bài đal git Yàng Tom Trồ, gen tàng Yàng Tom Trồ neh lòi bol khai jat bơta kơlôi roh lơm, mơ lơh ală bơta ò di pal lơh.