Amôs 4:13 - Sră Goh 2018

¹³ Kơnràñ la Bơtau neh lơh gơs ală mơnơm, neh crơng gơs càl mơ yal tơlik bơta kơlôi sơnơng Kơnràñ dê kòn mơnus in, la Bơtau neh lơh àng drim gơlik klam jơngo, mơ cơnđòa lòt hơđang ală tiah jòng ù dê; Jehôwa Yàng Tom Trồ Gơnap Gơnoar Dờng Làm Jơh la sơnđan Kơnràñ.

Amôs 4:13 ပူးပေါင်းရင်းမြစ်များ

Sră Jop 9:7

Kơnràñ sồr mattơngai mơ gơ ò pơnđàng sòl, Kơnràñ til wơl bơta àng ală sơmañ dê.

Đơs Crih 135:7

Kơnràñ la Bơtau sồr mhwal guh bơh di tiah lồi dut plai ù, Kơnràñ lơh puhlèp jat mìu, mơ cèng càl lik lòt bơh di ală tiah ơm gơ dê.

Đơs Crih 139:2

Yàng git tòm tŭ añ nggui mơ tòm tŭ añ ñă ntào; Yàng git loh ală bơta kơlôi sơnơng añ jê bơh tiah ngài.

Đơs Crih 147:18

Kơnràñ tơlik gơnoar sồr gen gơlề jơh, Kơnràñ sồr càl khồm, gen dà gơhòr.

Đơs Crih 65:6

Bơh bơta pràn Kơnràñ dê, Yàng bơtào kơ̆ ală mơnơm, Bơh Yàng kơt but mơ gơnoar pràn Kơnràñ dê.

Lik Ejiptơ 10:22

Behơ̆, Môise pò tê khai dê hơđang trồ, gen bơta klam jơngo jơm gòm làm jơh Ejiptơ tòm pe ngai;

Lik Ejiptơ 14:20

ơm digùl mpồl ling Ejiptơ mơ Israel. Jrong mhwal lơh jơngo đah do in, mơ cèng bơta àng đah ne in; gen tàng jơh dô mang ò gơs đah lơi rgơi tus rềp mơ gơp.

Esai 40:12

Ñcau neh ai kơndồm tê he mơ was dàlềng, mơ ai sơnđàm tê mơ sơnoa ală tap trồ taih? Ñcau neh ơn kơmbuh ù tòm dô nơm sơ̆, hala kơr mơnơm mơ ală dòr hơđang dô nơm phan kơr taih?

Esai 45:7

Añ lơh gơs bơta àng mơ mòn gơs bơta klam jơngo, Añ ai bơta lơngai lơngò mơ crơng gơs bơta rung rài; Añ, Yàng Jehôwa, lơh jơh ală bơta hơ̆.

Esai 47:4

Bơtau Dong tơwài bol he dê, Sơnđan Kơnràñ la Yàng Jehôwa Gơnap Gơnoar Dờng Làm Jơh, la Bơtau Sàng Goh Israel dê.

Esai 48:2

Bol mê la cau sơnđan să he la làng bol ƀòn dờng sàng goh, mơ sơnđìng să di Yàng Tom Trồ Israel dê; Yàng Jehôwa Gơnap Gơnoar Dờng làm Jơh la sơnđan Kơnràñ dê:

Esai 5:30

Tòm ngai hơ̆, bol khai rơp driau dờng tòmdră mơ gơ ò gơkrơi be nggồr dàlềng. Mơ dilah gơs cau sền tòm lơgar, mìng gŏ klam jơngo mơ bòl glar; bulah bơta àng kung rơp gơlik jơngo bơh ală puk mhwal.

Jeremi 10:13

Tŭ Kơnràñ tơlik sap đơs, gen dà nggồr tòm ală tap trồ; Kơnràñ lơh nhơm dà guh bơh tiah lồi plai ù, Lơh puhlèp jat mìu, cèng tơlik càl bơh tòm đam Kơnràñ dê;

Jeremi 10:16

Ò di be Yàng Jehôwa la pơnah sre brê Jakôp dê, Tài bơh Kơnràñ neh crơng gơs jơh ală phan, mơ Israel la jơi bơtiàn sre brê Kơnràñ dê. Sơnđan Kơnràñ la Yàng Jehôwa Gơnap Gơnoar.”

Jeremi 13:16

Ơn tĕ bơta gơklŏ Jehôwa Yàng Tom Trồ bol mê in, Lài mơ tŭ Kơnràñ òhềt sồr bơta klam jơngo tus, Lài mơ tŭ jơng bol mê òhềt gơtup hơđang ală mơnơm tŭ trồ mòr jơngo. Tŭ bol mê gơn bơta àng, Mơya Kơnràñ rơp tòmgơl gơ gơlik gơs mƀur bơta chơt, Gơlik gơs mƀur jơngo cik.

Jeremi 46:18

Bơtau, sơnđan Kơnràñ la Yàng Jehôwa Gơnap Gơnoar đơs lah: “Ngan kung be Añ kis sùm, Cau sò tơm rơp tus, kung be mơnơm Thabôr ơm digùl ală mơnơm, kung be Karmel mpòl di gah dàlềng.

Jeremi 51:16

Tòm tŭ Kơnràñ ai jơnau đơs, ală dà tòm ală tap trồ nggồr. Kơnràñ lơh kơnhồl dà guh bơh ală tiah lồi plai ù, Lơh puhlèp jat mìu, Bơh tòm đam Kơnràñ tơlik càl.

Jeremi 51:19

Mơya sre brê Jakôp dê gen ò di be bol khai, Bơh să tòm Kơnràñ la Bơtau neh crơng gơs ală phan, Ai Israel la jơi bơtiàn sre brê Kơnràñ dê. Sơnđan Kơnràñ la Yàng Jehôwa Mpồl Ling.”

Daniel 2:28

Mơya gơs dô nă Yàng Tom Trồ ơm hơđang trồ rgơi yal tơlik ală bơta ndơp ndơr, mơ Kơnràñ neh yal bơtau Nebukatnessar in git bơta rơp tus tòm ală ngai lồi dut. Do la bơta mpau mơ bơta gơtơnggŏ mơ bơtau neh gŏ tòm tŭ bic hơđang cơnòng bic:

Daniel 2:30

Đah pơnah añ, bơta ndơp ndơr hơ̆ neh yal tơlik añ in, hơ̆ ò di la tài bơh añ gơs bơta jak chài oă rlau mơ ală cau ndai, mơya hơ̆ la nàng geh yal tơlik jơnau gơtha bơta mpau bơtau in, mơ ai bơtau in git wă ală bơta kơlôi sơnơng tòm dơngoh bơtau dê.

Sră Ôse 12:6

Hơ̆ la Jehôwa Yàng Tom Trồ Gơnap Gơnoar Dờng, Sơnđan Kơnràñ la Yàng Jehôwa.

Jôel 2:2

Dô ngai klam jơngo, mơ ngềt ngơt, dô ngai bềng mhwal mơ jơngo cik. Be bơta jơngo jù cik gòm hơđang ală mơnơm, dô mpồl ling dờng mơ pràn kơldang lòt tus; bơta behơ̆ bơh rài yau òhềt tŭ lơi gơs, mơ kung rơp ò tŭ lơi gơs behơ̆ tòm rài tơnơ̆ rơp tus sơl.

Amôs 3:13

Yàng Jehôwa, la Yàng Tom Trồ Gơnap Gơnoar Dờng Làm Jơh đơs lah: Iat tĕ ală jơnau do mơ lơh cơng tòmdră mơ hìu Jakôp.

Amôs 5:27

Gen tàng Añ rơp tă bol mê kòl kup cèng pơrdô hơ đah ne Damas.” Yàng Jehôwa đơs behơ̆, sơnđan Kơnràñ la Yàng Tom Trồ Gơnap Gơnoar Dờng Làm Jơh.

Amôs 5:8

Jòi jat tĕ Bơtau neh crơng gơs ală sơmañ Jơgơu mơ sơmañ Ngal, tòmgơl bơta klam jơngo gơlik gơs àng drim, mơ lơh trồ ngai gơlik trồ mang, la Bơtau hòi dà tòm dàlềng mơ tuh gơ hơđang ù; Sơnđan Kơnràñ la Yàng Jehôwa.

Amôs 6:8

Jehôwa Yàng Tom Trồ neh srat să mơ să tòm Kơnràñ; Jehôwa Yàng Tom Trồ Gơnap Gơnoar Dờng làm Jơh đơs lah: “Añ cù kìr di bơta pơnhừ să Jakôp dê, mơ gơjrañ mañ di ală gơlang kơ̆ cê khai dê; Añ rơp jào phi ƀòn dờng mơ jơh ală phan tòm hơ̆.”

Amôs 8:9

Tòm ngai hơ̆ Jehôwa Yàng Tom Trồ đơs lah: “Añ rơp lơh mattơngai ñơp tòm tŭ nggùl ngai, mơ lơh plai ù in klam jơngo tòm tŭ trồ ngai.

Amôs 9:6

Kơnràñ la Bơtau neh bơt bơtào tiah ơm Kơnràñ dê hơđang ală tap trồ, mơ neh bơt dơwàng wil Kơnràñ dê hơđang plai ù, la Bơtau neh hòi ală dà tòm dàlềng, mơ tuh gơ hơđang ù; Sơnđan Kơnràñ la Yàng Jehôwa.

Mice 1:3

Sền ne! Yàng Jehôwa lòt tus bơh di tiah ơm Kơnràñ dê; Kơnràñ rơp mù mơ jă hơđang ală tiah jơnhoa plai ù dê.

Habakuk 3:19

Jehôwa, Yàng Tom Trồ la bơta pràn kơldang añ jê, Kơnràñ lơh jơng añ jê gơlik kung be jơng jùn, Kơnràñ dong añ lòt hơđang ală tiah jòng. (Cih cau at bồ mpồl lip kơñi in, ngui pĕ ală kơñi mơ che).

Sacari 12:1

Do la jơnau Yàng Jehôwa đơs bơh Israel. Yàng Jehôwa la Bơtau neh lì ală tap trồ, bơt mơnàng plai ù, mơ crơng gơs hwềng tòm kòn mơnus, neh đơs be do:

Mathiơ 9:4

Yàng Jesu git bơta kơlôi bol khai dê gen đơs lah: “Ñchi bơh tài bol mê kơlôi sơnơng iơh tòm nùs behơ̆ taih?

Jang 2:25

mơ ò càng cau lơh cơng bơh cau lơi, bơh să tòm Kơnràñ git loh jơh ală bơta tòm nùs cau.

Jang 3:8

Càl kòñ khồm tiah lơi gen khồm, mê kơno jơnau ntas gơ, mơya ò git gơ tus bơh lơi mơ gơ lòt tiah lơi. Cau lơi deh bơh Yàng Hwềng, gen kung behơ̆ sơl.”

Yal Wơl 32:13

Kơnràñ lơh khai in hào hơđang ală tiah jơnhoa ù tiah dê, mơ ròng khai bơh plai đo ală ƀlàng sre dê. Kơnràñ siam khai mơ dà lơwe bơh di pơnai lŭ, Mơ mơñà bơh di tiah dàng lŭ kră kơldang dê;

Yal Wơl 33:29

Ơ Israel, lơngai lơngò mê in! Ñcau ndròm be mê la dô nơm làng bol geh Yàng Jehôwa dong klàs, Kơnràñ la khèl đo mơ la bơta dong kòl mê dê, mơ la đào bơta pha lin mê dê. Ală cau sò tơm mê dê rơp cùn khoai di đap mê, mơ mê rơp jă hơđang ngkòi bol khai dê.”