Amôs 4:12 - Sră Goh 2018

¹² “Ơ Israel, do la bơta Añ rơp lơh dimơ bol mê; tài bơh Añ rơp lơh bơta do di bol mê, gen tàng rcang tĕ nàng tìp Yàng Tom Trồ bol mê dê, ơ Israel!”

Amôs 4:12 ပူးပေါင်းရင်းမြစ်များ

Esai 32:11

Rơm să tĕ, bol ai la ală cau ùr ơm lơngai! Rngòt rơm să tĕ, bol ai la ală kòn ùr kơlôi geh hừh nùs! Hồ tĕ ồi ào bol ai dê mơ ơm să kuh; soh tĕ ƀào sơnò kiat gùt dar but.

Esai 47:3

Bơta ơm kuh ai dê rơp ò geh jơm gòm, bơta ƀàssìl ai dê cau rơp sền gŏ! Añ rơp lơh bơta sal tê, ò pơlai dô nă cau lơi.

Esai 64:2

Kung be tòm tŭ ồs sa ală rlau lò, mơ ồs lơh dà in khuh, nàng lơh ală cau sò tơm Kơnràñ dê git sơnđan Kơnràñ, mơ lơh ală làng bol rơm să di đap Kơnràñ!

Jeremi 5:22

Yàng Jehôwa đơs: “Bol mê ò duh rngòt Añ, Bol mê ò rơm să di đap Añ ơ? Añ neh ai bràs lơh gơs nhàr dàlềng, Bơh gơnoar sồr gam sùm sùm, ò geh sơrlèt rlau. Ryà dàlềng bulah dờng, kung ò geh pha rlau; Bulah dàlềng nggồr ur ur, kung ò rgơi lòt rlau mơ gơ;

Ejekiel 13:5

Bol mê ò lòt tus di ală tiah tơrlah dơrñang dê nàng bơt wơl dô nơm dơrñang hìu Israel in, nàng gơ rơp ntào kơ̆ tòm bơta tòmlơh tòm ngai Yàng Jehôwa dê.

Ejekiel 22:30

Añ neh jòi dô nă cau tòm gùl bol khai nàng bơt bơtào wơl dơrñang, ala mat làng bol mơ ntào di đap Añ tòm tiah pah digùl tồ Añ in ò tơnroh gơ; mơya Añ ò jòi bàn dô nă cau lơi.

Sră Ôse 13:8

Añ rơp brồ hơđang bol khai be dô nơm jơgơu neh roh kòn, Añ rơp crè lề lac ntơh jơm plai nùs bol khai dê. Tềng hơ̆, Añ rơp sa tơrging bol khai be dô nơm klìu triă, kung be dô nơm phan brê crè poac bol khai rpot rpet.

Amôs 2:14

Cau ntoat dô roh rui bơh bơta sơrbac sơrbang, cau pràn kơldang rơp ò prap bơta pràn he dê, mơ cau gơnoar pràn rơp ò dong klàs bơta kis bol khai dê.

Mathiơ 24:44

Behơ̆ gen bol mê kung pal rcang kơp tĕ, bơh Kòn mơnus tus tòm jơ bol mê ò kơlôi.”

Mathiơ 5:25

Tòm tŭ mê lòt gùng bal mơ cau yă wơn di mê, gen lơh gơtòmsòr mhar tĕ mơ khai, rngòt khai jào mê di đap cau kwang cahrña, mơ cau kwang cahrña jào mê tòm tê cau ling, mơ mê gơkòl ơm jàm mòn.

Yal Tơlik 3:3

Behơ̆ kah wơl tĕ ală jơnau mê neh dòp mơ neh iat; prap gàr tĕ ală jơnau hơ̆ mơ gơjrañ sang glài tĕ. Dilah mê ò kah rngal, Añ rơp tus be cau kơñau, mơ mê ò git jơ lơi Añ rơp lòt tus hơ mê.