Amôs 4:11 - Sră Goh 2018

¹¹ “Añ neh tuh tơlup cau ƀà tòm bol mê, kung be Añ neh tuh tơlup Sôdôm mơ Gômôrơ. Bol mê kung be dô nơm ntê chi neh cau sơmbat tơlik bơh di ồs, bulah behơ̆ bol mê kung ò rê wơl mơ Añ.” Yàng Jehôwa đơs behơ̆.

Amôs 4:11 ပူးပေါင်းရင်းမြစ်များ

Esai 13:19

Babilôn la bơta gơklŏ ală lơgar dê, bơta hòn să mơ jòng să ală cau Kalde dê, rơp tòm toh be Sôdôm mơ Gômôrơ, Tòm tŭ Yàng Tom Trồ sang tơlik bol khai.

Esai 7:4

mơ đơs mơ khai lah: ‘Kơrhia tĕ, ơm mŏ mŏ mơ bañ rngòt. Bañ lòi nùs mê bòl glar tài bơh bàr gơl lòng ồs sa, tài bơh bơta gơhào gơjrañ Rejin mơ Aram dê, mơ kòn klau Remalia dê.

Esai 9:12

Cau Siri đah mattơngai lik mơ cau Philistin đah mattơngai mut neh ha bơr sa loan Israel. Bulah neh gơs jơh ală bơta hơ̆, bơta gơjrañ Kơnràñ dê kung ò pơrlac ngài; tê Kơnràñ gam pò tơlik.

Jeremi 23:14

Mơya, tòm mpồl cau gơnoar hwơr tòm Jerusalem, Añ gŏ dô bơta cù kìr rlau tai; Bol khai tìs glài rềs àr bơrnàn, cơnđòa jat bơta ma blac; Bol khai lơh pràn kơldang tê cau lơh iơh in, Tian gơs ò gơs cau lơi pơrlac sang bơta iơh. Añ sền jơh ală bol khai gơlik kung be Sôdôm, Mơ làng bol gơ dê kung be Gômôrơ.”

Jeremi 49:18

Gơ rơp tòm toh be bơta roh rui Sôdôm mơ Gômôrơ, mơ ală ƀòn ơm rềp mơ gơ, Yàng Jehôwa đơs behơ̆. Edôm rơp ò gơs cau ơm tai, rơp ò gơs dô nă cau ơm tềng hơ̆.

Jeremi 5:3

Ơ Yàng Jehôwa, mat Kơnràñ ò di wèt sền bơta song ngan ơ? Kơnràñ neh pù lơh bol khai, Mơya bol khai ò gŏ jê sồt, Kơnràñ lơh tơnroh bol khai, Mơya bol khai kung ò bài dòp bơta bơto sồr. Bol khai lơh muh mat bol khai kră rlau mơ lŭ, bol khai ò bài rê wơl.

Jeremi 50:40

Yàng Jehôwa đơs: “Be tòm tŭ Yàng Tom Trồ sơrbì Sôdôm mơ Gômôrơ mơ ală ƀòn cau ơm rềp mơ bol khai, behơ̆ rơp ò gơs dô nă cau rơp ơm tềng hơ̆, hala ò gơs dô nă kòn mơnus lơi tus ơm tềng hơ̆.

Ejekiel 24:13

Tòm tŭ Añ neh kòñ rào ai bơh bơta tồi glài rềs àr dri tơlàr ai dê, mơya ai ò gơs goh bơh di ală bơta ƀơ̆ ƀơl ai dê, ai rơp ò tai geh lơh goh jơl tus di tŭ lơi Añ neh rài bơta gơjrañ dờng Añ jê gơwèt mơ ai.

Sră Ôse 11:5

Ngan! Bol khai rơp rê wơl hơ lơgar Ejiptơ, mơ cau Asiri rơp lơh gơs bơtau bol khai dê, tài bơh bol khai neh sang lòi ò bài rê wơl hơ Añ.

Sră Ôse 11:8

Ơ Epraim, mbe Añ rgơi sang lòi mê taih? Ơ Israel, mbe Añ rgơi jào mê tòm tê cau sò tơm taih? Mbe Añ rgơi gơwèt mơ mê kung be Atma, hala lơh mê in kung be Jebôim taih? Nùs Añ wañ lơnggơh! Nùs nđàc sơngit Añ jê kung be chu be pơrguc.

Amôs 4:6

“Añ ai bol mê in sề goh ngan tòm ală ƀòn dờng bol mê dê, mơ lơh siơ̆u piang lă tòm jơh ală tiah bol mê dê, mơya bol mê kung ò rê wơl hơ Añ,” Yàng Jehôwa đơs behơ̆.

Sră Age 2:17

‘Añ neh ngui bơta ro rañ, but bơsềt, mơ mìu piar nàng lơh glài jơh ală broă tê bol mê lơh, bulah behơ̆ bol mê ò rê wơl mơ Añ, Yàng Jehôwa đơs behơ̆.

Sacari 3:2

Cau gơnrơh Yàng Jehôwa đơs mơ Satan lah: “Ơ Satan, dan Yàng Jehôwa lah pơrhơng mê! Dan Yàng Jehôwa la Bơtau neh sac rwah Jerusalem lah pơrhơng mê! Cau do ò di kung be dô gơl lòng ồs sa neh tă tơlik bơh di ồs ò ơ?”

Rôma 9:29

Mơ tai, kung be Esai neh đơs lài lah: “Dilah Yàng Gơnap Gơnoar Làm Jơh dê ò lòi cau tơrbŏ jơi bơtiàn bol he in, Gen bol he neh gơlik gơs be Sôdôm mơ tòm toh be Gômôrơ sơl.”

I Kôrintô 3:15

Dilah broă cau lơi gơkòl chu pơrguc jơh, gen cau hơ̆ rơp roh phan ƀàn, mơ să tòm cau hơ̆ rơp geh dong klàs, mơya kung be cau lik klàs bơh di ồs.

Yal Wơl 28:24

Yàng Jehôwa rơp lơh mìu hơđang lơgar bol mê gơlik gơs kung be thul mơ kơmbuh ù; gơ rơp dùh bơh đang trồ jơl tus di tŭ bol mê neh kong tơnroh jơh.

Yal Wơl 29:23

Jơh dô nơm lơgar rơp gơlik kung be dô bă tiah sang lòi gòi bơh neh ồs sa, gơs mìng boh mơ siau, ò tùc tam, ò phan lơi hòn lik, ò chi che biap nha lơi hòn tềng hơ̆. Gơ rơp gơlik gơs kung be bơta tơnroh Sôdôm mơ Gômôrơ, Atma mơ Sebôim mơ Yàng Jehôwa neh tơnroh tòm bơta gơjrañ dờng Kơnràñ dê.

II Pier 2:6

Dilah Kơnràñ neh lơh nền glài ƀòn dờng Sôdôm mơ Gômôrơ gơlik gơs bùh, nàng lòi krơh ală cau in ò duh rngòt tòm rài tơnơ̆.

Jude 1:23

dong klàs tĕ ală cau ndai, tă bol khai lik klàs bơh di ồs; ai ală cau ndai tai gen oh mi ai tĕ nùs kòñ nđàc bal mơ nùs rngòt, gơjrañ kơuềng tơn di ào kòl poac să lơh ƀơ̆ ƀơl.

Jude 1:7

Be Sôdôm, Gômôrơ mơ ală ƀòn dờng gùt dar kung neh jat behơ̆ mơ lơh bơta rềs àr bơrnàn mơ ting jat bơta hàm kòñ poac să dê la bơta cau ò òs lơh, gen neh kong lơh glài jàm tòm ồs gam sùm sùm, mơ lòi krơh di đap bol he.

Yal Tơlik 9:20

Ai ală cau gam wơl, la cau òhềt chơt bơh ală bơta rung rài hơ̆, bol khai ò gơjrañ sang glài bơh ală broă tê bol khai lơh, mơ kung ò sang lòi bơta duh khoai ală cà mơ ală rùp ràk mơ màh, priă, kòng, lŭ mơ chi, la ală phan ò rgơi gŏ, ò rgơi kơno, mơ ò rgơi lòt.