Amôs 4:10 - Sră Goh 2018

¹⁰ “Añ neh sồr pluh plàng tus digùl bol mê kung be Añ neh lơh tòm Ejiptơ. Añ tơnchơt ală cau klau pơnu bol mê dê mơ đào; Añ neh kup cèng ală ơseh bol mê dê. Añ neh lơh ƀô ồm bơh tòm sàl bol mê dê gơmut tòm trồm muh bol mê dê, bulah behơ̆ bol mê kung ò rê wơl mơ Añ,” Yàng Jehôwa đơs behơ̆.

Amôs 4:10 ပူးပေါင်းရင်းမြစ်များ

II Ală Bơtau 10:32

Tòm tŭ hơ̆, Yàng Jehôwa sơntòm koh pơndut pơnah kơnhwàl Israel dê, ai gơnoar Hajael brồ lơh bol khai hơđang làm lơgar Israel dê,

II Ală Bơtau 13:3

Bơta gơjrañ dờng Yàng Jehôwa dê gơhào khuh tòmdră mơ Israel, tài bơh hơ̆ Kơnràñ jào bol khai pơnjat sùm tòm tê Hajael bơtau Aram, mơ Benhadat kòn klau Hajael.

II Ală Bơtau 13:7

Behơ̆, Jôaca ơm wơl mơ mpồl ling ò rlau pram jơt nă cau hào ơseh, jơt nơm rơndeh, mơ jơt rbô nă cau ling lòt jơng lơm; bơh bơtau Aram neh tơnroh bol khai, mơ lơh di bol khai be thul tòm ƀlàng pơrjòt kòi.

II Ală Bơtau 8:12

Hajael lùp lah: “Ñchi bơh tài cau tòm añ ñìm taih?” Elise ho lah: “Tài bơh añ git bơta iơh mơ mê rơp lơh di cau Israel. Mê rơp chu ală ƀòn dờng kơ̆ cê bol khai dê, tơnchơt ală cau pơnu mơ đào, jă tơnlề kòn dềt, mơ reh kơndul cau ùr bun bol khai dê.”

Lik Ejiptơ 10:27

Mơya, Yàng Jehôwa neh lơh kơldang nùs Pharaôn dê gen tàng khai ò bài ai làng bol Israel in lik lòt.

Lik Ejiptơ 10:3

Gen Arôn mơ Môise lòt tus hơ Pharaôn mơ đơs lah: “Yàng Jehôwa la Yàng Tom Trồ làng bol Hebrơ dê neh đơs be do: ‘Mê ò tơnliah să di đap Añ jơl tus di tŭ lơi taih? Lòi tĕ làng bol Añ jê lik lòt nàng bol khai duh khoai Añ.

Lik Ejiptơ 14:4

Añ rơp lơh kơldang nùs Pharaôn dê, khai rơp ting jat cau Israel. Mơya să tòm Añ rơp geh gơklŏ bơh Pharaôn mơ jơh mpồl ling khai dê, mơ cau Ejiptơ rơp git Añ la Yàng Jehôwa.” Mơ cau Israel lơh jat behơ̆.

Lik Ejiptơ 15:26

Kơnràñ đơs lah: “Dilah bol mê iat nền nền jơnau đơs Jehôwa Yàng Tom Trồ bol mê dê, mơ lơh bơta di ngan di đap Kơnràñ, dilah bol mê ơn nùs tồr di ală jơnau sồr Kơnràñ dê mơ prap gàr jơh ală bơta sồr lam Kơnràñ dê, gen Añ rơp ò đùh hơđang bol mê dô bơta kòp jê lơi tòm ală bơta kòp jê mơ Añ neh đùh hơđang cau Ejiptơ, bơh Añ la Yàng Jehôwa, Bơtau sơmbòi kòp jê bol mê in.”

Lik Ejiptơ 8:19

Ală cau juh proh đơs mơ Pharaôn lah: “Hơ̆ la ràs tê Yàng Tom Trồ dê.” Mơya nùs Pharaôn neh kră kơldang, khai ò iat jơnau Môise mơ Arôn dê, tòm toh be jơnau Yàng Jehôwa neh đơs.

Lik Ejiptơ 9:12

Mơya Yàng Jehôwa neh lơh kơldang nùs Pharaôn gen khai ò iat jơnau Môise mơ Arôn dê, tòm toh be jơnau Yàng Jehôwa neh đơs mơ Môise.

Lik Ejiptơ 9:17

Mê gam bơtào is să tòm mê nàng tòmdră mơ Añ, ò lòi làng bol Añ in lik lòt.

Esai 34:3

Cau kong sreh tơnchơt bol khai dê rơp kòl sang sơrbì, ƀồc bol khai dê rơp ƀô ồm; ală mơnơm rơp hòr bơh mhàm bol khai dê.

Esai 50:11

Mơya tŭ do, jơh ală bol mê la cau sing ồs mơ rcang lài să tòm he in ală sơmpòl ồs; Ñă tĕ! Lòt tòm bơta àng ồs bol mê dê, mơ tòm bơta àng ală sơmpòl ồs mơ bol mê neh chu. Do la bơta mơ bol mê rơp dòp geh bơh tê Añ: Bol mê rơp bic tòm bơta jê sồt bòl glar.”

Esai 9:12

Cau Siri đah mattơngai lik mơ cau Philistin đah mattơngai mut neh ha bơr sa loan Israel. Bulah neh gơs jơh ală bơta hơ̆, bơta gơjrañ Kơnràñ dê kung ò pơrlac ngài; tê Kơnràñ gam pò tơlik.

Esai 9:13

Mơya làng bol ò rê wơl hơ Bơtau neh lơh glài bol khai, bol khai kung ò jòi Yàng Jehôwa Gơnap Gơnoar Dờng.

Esai 9:17

Behơ̆ tàng, Yàng Jehôwa ò niam nùs di ală cau pơnu, mơ Kơnràñ kung rơp ò nđàc sơngit cau kòn đòi mơ cau ùr bơnrau, bơh kòp nă bol khai la cau ò duh rngòt mơ iơh bơsak, bơr lơi kung đơs jơnau bơrngơl gơla. Bulah neh gơs jơh ală bơta hơ̆, bơta gơjrañ Kơnràñ dê kung ò pơrlac ngài, tê Kơnràñ dê gam pò tơlik.

Jeremi 11:22

Behơ̆ tàng, Yàng Jehôwa Gơnap Gơnoar đơs be do: “Do, Añ rơp lơh glài bol khai; ală cau klau pơnu rơp chơt bơh đào, ală kòn klau kòn ùr bol khai rơp chơt bơh bơta jơgloh rung;

Jeremi 15:3

Yàng Jehôwa đơs: “Añ rơp bơtào hơđang bol khai poan bơta rung rài: đào nàng tơnchơt, so nàng kap crè, sềm trồ mơ phan poan jơng hơđang ù nàng sa loan mơ tơnroh.

Jeremi 16:4

“Bol khai rơp kong pluh plàng mơ chơt; bol khai rơp ò gơs cau ñìm ƀồc mơ kung ò gơs cau tơp; ƀồc bol khai gam wơl kung be phan jă brê hơđang ù. Bol khai rơp kong tơnroh bơh pềs tà mơ jơgloh rung; ƀồc bol khai dê rơp lơh gơs phan sa sềm trồ mơ jơi phan poan jơng hơđang ù in.”

Jeremi 18:21

Behơ̆ gen, dan Kơnràñ phi tĕ ală kòn bol khai dê tòm bơta jơgloh rung, Sơrbì bol khai tòm gơnoar pềs tà dê. Lòi bau ùr bol khai dê roh kòn mơ gơlik gơs ùr bơnrau, Lòi bau klau bol khai dê kong chơt pluh, Ai ală cau klau pơnu bol khai dê kong sreh mơ đào tòm tiah tòmlơh.

Jeremi 48:15

Môap kong phà tơnroh, ală ƀòn kong tòmpìt ai; cau pơnu jak rlau jơh gơ dê kong tơnchơt,” Bơtau, sơnđan Kơnràñ la Yàng Jehôwa Gơnap Gơnoar, đơs behơ̆.

Jeremi 49:26

“Behơ̆ gen, tòm tŭ hơ̆, ală cau pơnu gơ dê rơp gơpừ tòm ală jơnum gùng, Ală ling gơ dê rơp kong tơnchơt.” Yàng Jehôwa Mpồl Ling đơs.

Jeremi 5:3

Ơ Yàng Jehôwa, mat Kơnràñ ò di wèt sền bơta song ngan ơ? Kơnràñ neh pù lơh bol khai, Mơya bol khai ò gŏ jê sồt, Kơnràñ lơh tơnroh bol khai, Mơya bol khai kung ò bài dòp bơta bơto sồr. Bol khai lơh muh mat bol khai kră rlau mơ lŭ, bol khai ò bài rê wơl.

Jeremi 6:11

Mơya Añ bềng bơta gơjrañ Yàng Jehôwa dê, Añ bòl glar bơh gơ ơm tòm Añ. “Tuh tơlik tĕ gơ hơđang ală kòn dềt tòm gùng, mơ hơđang ală cau pơnu tơrgòm bal di sơl; jơh bau klau mơ bau ùr rơp gơkòl kup cèng, cau kra mơ ală cau jòng sơnam.

Jeremi 9:22

Đơs tĕ: “Yàng Jehôwa đơs be do: ‘Ƀồc cau chơt rơp gơpừ Kung be phan pơnđồm tòm ƀlàng sre, Mơ be sơnđùng kòi neh rung bơh ngkòi cau toès; mơ ò gơs cau lơi dòñ bol gơ wơl!’”

Sră Ôse 11:5

Ngan! Bol khai rơp rê wơl hơ lơgar Ejiptơ, mơ cau Asiri rơp lơh gơs bơtau bol khai dê, tài bơh bol khai neh sang lòi ò bài rê wơl hơ Añ.

Jôel 2:20

Añ rơp lơh mpồl ling tus bơh đah đang pleh ngài bơh di bol mê, bơtrơh bol khai tus tòm tiah ro rañ ò rgơi tùc tam, bơh hơđap bol khai mut tòm dàlềng đah mattơngai lik, mơ đah ngkòi mut tòm dàlềng đah mattơngai mut. Ƀô ồm bol khai dê gơ par mơ ƀô ngir bol khai dê gơguh hơđang.” Ngan, Kơnràñ neh lơh ală broă dờng.

Lebi 26:16

gen Añ rơp lơh bơta do bol mê in: Añ rơp đùh hơđang bol mê bơta rngòt rngơt dô bă nisơna, bơta kòp jê bơsiă hian mơ kòp prơm tơnroh bơta àng mat bol mê dê mơ pơndut bơta kis bol mê dê. Bol mê rơp sih gar mơ gơlik ò kwơ, bơh ală cau sò tơm bol mê dê rơp sa gơ.

Lebi 26:25

Mơ Añ rơp cèng đào tus hơđang bol mê nàng sal tê bơh bơta bol mê gơltac bơta ho bal. Tòm tŭ bol mê ruc wơl tòm ală ƀòn dờng bol mê dê, Añ rơp đùh bơta kòp jê pluh plàng digùl bol mê, mơ bol mê rơp kong jào phi tòm tê ală cau sò tơm bol mê dê.

Amôs 4:6

“Añ ai bol mê in sề goh ngan tòm ală ƀòn dờng bol mê dê, mơ lơh siơ̆u piang lă tòm jơh ală tiah bol mê dê, mơya bol mê kung ò rê wơl hơ Añ,” Yàng Jehôwa đơs behơ̆.

Amôs 8:3

Tòm ngai hơ̆, ală jơnau đơs chò tòm hìu duh khoai rơp gơlik gơs ală jơnau ñìm rac,” Jehôwa Yàng Tom Trồ đơs behơ̆. “Rơp gơs oă ngan ƀồc chơt, sang làm bă tiah. Pal ơm mŏ!”

Sră Age 2:17

‘Añ neh ngui bơta ro rañ, but bơsềt, mơ mìu piar nàng lơh glài jơh ală broă tê bol mê lơh, bulah behơ̆ bol mê ò rê wơl mơ Añ, Yàng Jehôwa đơs behơ̆.

Yal Wơl 28:21

Yàng Jehôwa rơp đùh ală bơta kòp jê jơl tus di tŭ Kơnràñ neh tơnroh bol mê bơh di ù tiah mơ bol mê neh mut mơ dòp geh.

Yal Wơl 28:22

Yàng Jehôwa rơp đùh bơta kòp jê chơt roh hơđang bol mê, kòp bơsiă reh jòr mơ kòp pŭ, bơta kòp prơm mơ chơt pluh, gơs bơta jơgloh rung mơ bơta prang duh trơàl, ro rañ mơ dà tŭ but bơsềt, ală bơta hơ̆ rơp ting jat bol mê jơl tus di tŭ bol mê roh rui.

Yal Wơl 28:60

Kơnràñ rơp đùh hơđang bol mê jơh ală bơta kòp jê Ejiptơ dê mơ bol mê rngòt rngơt, mơ bol gơ rơp gơđềt di bol mê.

Yal Wơl 7:15

Yàng Jehôwa rơp sền gàr bol mê klàs bơh di ală bơta kòp jê. Kơnràñ rơp ò pơnjê bol mê bơh ală bơta kòp jê iơh rmơh mơ bol mê neh git làm tòm Ejiptơ, mơya Kơnràñ rơp tơndùh ală bơta kòp jê hơ̆ hơđang jơh ală cau gơjrañ kơuềng di bol mê.