Amôs 4:1 - Sră Goh 2018

¹ Iat tĕ jơnau do, Ơ ală kơnrồ me Basan dê ơm hơđang mơnơm Samari, hơ̆ la ală cau rồn bơklơn cau rƀah lơòi mơ tơnlề cau siơ̆u siar, la ală cau đơs mơ ală bau klau bol khai lah: “Cèng tĕ bol he in ală phan ñô!”

Amôs 4:1 ပူးပေါင်းရင်းမြစ်များ

I Ală Bơtau 16:24

Khai neh blơi mơnơm tòm Samari bơh Semer bàr talơng priă. Khai bơt bơtào kơ̆ cê mơnơm hơ̆, mơ khai sơnđan ƀòn dờng khai neh bơt la Samari, jat be sơnđan Semer, la cau tòm mơnơm hơ̆ dê.

Sră Jop 20:19

Bơh khai neh rồn bơklơn mơ sang lòi cau rƀah, Bol khai tòmpìt hìu mơ bol khai ò bơt.

Sră Jop 24:4

Bol khai tơlo cau siơ̆u siar bơh gùng lòt, mơ cau rƀah bơh tòm ù tiah bol khai pồn să.

Đơs Crih 12:5

Yàng Jehôwa đơs lah: “Tŭ do Añ rơp guh, Tài bơh cau rƀah gơkòl rồn bơklơn, mơ cau siơ̆u siar pơt wòl; Añ rơp ơn khai tòm tiah ring lơngai, la tiah khai kơp kòñ.”

Đơs Crih 140:12

Añ git lah Yàng Jehôwa dong tò cau siơ̆u siar, Mơ cahrña song ring cau rƀah in.

Đơs Crih 22:12

Gơs oă kơnrồ dam gơrwàng gùt dar añ, Ală kơnrồ dam pràn kơldang Bassan dê gòm gơrwàng añ.

Jơnau Pơnđik 22:7

Cau pas at bồ cau rƀah; cau lơi càn la dĭ gơna cau ai càn dê.

Cau Bơto 4:1

Dô dơ̆ tai, añ sền ală bơta rồn bơklơn gơlik gơs hơđơm mattơngai; Sền ne, dà mat ală cau kong rồn bơklơn, mơ ò gơs cau lơi pơndòm pơniang bol khai! Cau rồn bơklơn gơs gơnap gơnoar, mơya ò gơs cau lơi pơndòm pơniang cau kong rồn bơklơn!

Cau Bơto 5:8

Dilah mê gŏ tòm lơgar gơs cau rƀah kong rồn bơklơn, hala gŏ bơta lơh tìs di bơta song ring mơ bơta di ngan, gen bañ ai lơh krơi; bơh gơs cau kwang jơnhoa ơm kơp sền bơh tiah jơnhoa rlau, mơ hơđang bol khai gam gơs dô nă kwang jơnhoa rlau hơđang bol khai.

Esai 28:1

Bòl glar dơwàng bơkào jòng să ală cau bơñul ñô Epraim dê, bòl glar bơkào mhar ro jrùh la bơta hàng mơnĕ gơklŏ gơ dê, ơm hơđang bồ ală cau lơmă bơh phan sa bơkah, ală cau neh gơpừ tài bơh tơrnòm ño!

Esai 5:8

Bòl glar bol mê in la cau bơtơl hìu tòm hìu, bơtơl sre tòm sre, jơl tus di tŭ ò gam tiah pah tai, mơ bol mê ơm is dô nă tòm lơgar.

Esai 56:12

Bol khai đơs lah: “Tus tĕ, lòi añ ai tơrnòm! Bol he ñô bơñul tĕ mơ tơrnòm pràn! Ngai hìng kung be ngai do, mơ sơlo oă rlau tai.”

Esai 58:6

Hơ̆ la bơta mơ bol mê sơnđan la bơta ơt sa, la dô ngai geh Yàng Jehôwa niam nùs dòp rò, sơl ơ? Hơ̆ ò di la bơta ơt sa mơ Añ neh sac rwah: Nàng hồ ală che sreng ò song ring, hồ ală che kơt di yô, nàng lòi ală cau kong rồn bơklơn lòt khat gơboh, mơ dơrpă kòp nơm yô ò ơ?

Jeremi 50:11

“Ơ cau phà kơñau sre brê Añ jê, Bulah bol mê hòn chò hừh hơh Ntoat sơnđoh kung be kơnrồ me pơrjă kòi, Ngkhih kung be ơseh dam;

Jeremi 50:27

Tơnchơt tĕ ală kơnrồ dam gơ dê, Cèng bol gơ tus tòm tiah lơh poac! Bòl glar bol khai in, bơh ngai bol khai neh tus, Hơ̆ la ngai lơh glài bol khai!

Jeremi 51:34

“Nebukatnessar, bơtau Babilôn, neh loan añ, Khai neh tơnlề añ; Khai neh lơh bol hi gơlik gri soh gòi; Khai neh loan bol hi be dô nơm bơs dờng; Khai lơh hòm kơndul khai mơ phan bơkah bol hi dê; Khai bơtrơh tơlik bol hi.”

Jeremi 6:6

Bơh Yàng Jehôwa Gơnap Gơnoar đơs be do: “Kơl tĕ ală chi khai dê; mơ bơt bơtào tiah gơrwàng tòmdră mơ Jerusalem! Do la ƀòn pal kong lơh glài; Digùl gơ ò gơs bơta lơi rlau mơ ală bơta rồn bơklơn.

Jeremi 7:6

dilah bol mê ò rồn bơklơn cau nac crih, cau kòn đòi, cau ùr bơnrau, mơ ò lơh gơtuh mhàm ò gơs glài tòm tiah do; kung ò lòt jat ală yàng ndai lơh iơh is să he,

Ejekiel 18:12

Khai rồn bơklơn cau rƀah lơòi mơ cau siơ̆u siar, mơ khai tìs glài ntung kơñau. Khai ò ai wơl phan ai bồ cau ai khai in, khai wèt sền di ală rùp ràk mơ lơh ală bơta cù kìr.

Ejekiel 22:12

Digùl ai, cau dòp ală phan loă nàng lơh gơtuh mhàm; ai ai cau càn jền mơ sa cồng kơnjơ̆ ngan, mơ ai kơnòm di bơta sa kơrlơm cau ơm rềp mơ he mơ dòp cồng nha ò song ring. Mơ ai neh hŭi Añ, Jehôwa Yàng Tom Trồ đơs behơ̆.

Ejekiel 22:27

Ală kwang at bồ bol khai dê la kung be so rhao kap crè phan kup geh, bol khai lơh gơtuh mhàm mơ tơnchơt làng bol nàng dòp geh cồng nha ò song ring.

Ejekiel 22:29

Làng bol tòm lơgar òs sa kơrlơm mơ tìs glài ntung kơñau, bol khai rồn bơklơn cau rƀah lơòi mơ cau siơ̆u siar, mơ lơh ò di ò niam gơwèt mơ cau ơm tòp, ò lơh bơta song ring bol khai in.

Ejekiel 22:7

Digùl ai, cau neh sền òsơp di mè bèp, digùl ai cau neh rồn bơklơn cau lơgar ndai; digùl ai cau gơwèt ò niam mơ cau kòn đòi bal mơ cau ùr bơnrau.

Ejekiel 34:16

‘Añ rơp jòi belàt neh roh, cèng brê wơl belàt neh tìs nrah. Añ rơp pùt belàt neh kong sồt, mơ lơh pràn wơl belàt lơbơn lơño, mơya belàt lơmă mơ pràn añ rơp tơnroh. Añ rơp ròng siam bol gơ mơ bơta song ring.’

Ejekiel 39:18

Bol mê rơp sa poac ală cau pràn kơldang dê, hùc mhàm ală cau kwang bơtau tòm plai ù kung be bol khai la ală belàt dam mơ belàt kòn, be dam mơ kơnrồ dam, jơh ală la phan poan jơng lơmă Basan dê.

Jôel 3:3

mơ tă khà di làng bol Añ jê mơ neh tòmgơl ală kòn klau nàng ai ală cau ùr dri; bol khai neh tac ală kòn ùr mơ blơi alak nàng ñô.

Amôs 3:1

Ơ làng bol Israel, iat tĕ jơnau do, hơ̆ la jơnau Yàng Jehôwa neh đơs tòmdră mơ bol mê, tòmdră mơ jơh dô nơm hìu nhă mơ Añ neh cèng tơlik bơh lơgar Ejiptơ:

Amôs 3:3

Dilah bàr nă cau lòt bal, mìng tòm tŭ bol khai ò dô nùs bal ngan sơl?

Amôs 5:11

Tài bơh bol mê jă trơm hơđang cau rƀah lơòi mơ bơklơn bol khai dap dia kòi mi. Bol mê neh bơt ală hìu mơ lŭ neh koh, bol mê rơp ò ơm tòm ală hìu hơ̆; bulah bol mê neh tam ală suơn ño gơs oă plai, bol mê rơp ò geh ñô tơrnòm gơ dê.

Amôs 6:1

Bòl glar ngan cau lơi in ơm lơngai tòm Siôn, mơ cau lơi in tồnlah geh ơm ring lơngai hơđang mơnơm Samari! Bòl glar ngan bol mê in la ală cau ryŭ ryơm khà dùl tòm ală làng bol, bơh di bol khai gơlik gơs hìu Israel geh sac rwah!

Amôs 6:6

Bol mê la ală cau ñô tơrnòm tòm ală jơrlŭ mơ bong ală mơñà niam rlau jơh, mơya bol mê ò kơlôi moat jrùng bơh bơta tơnroh Jôsep dê!

Malaci 3:5

Gen, Añ rơp tus rềp mơ bol mê nàng cahrña. Añ rơp sơrbac sơrbang lơh cơng tòmdră mơ ală cau gru jơnang, ală cau rềs àr dri tơlàr mơ ală cau srat să ma blac, tòmdră mơ ală cau sa kơñau jền tơngai cau lơh broă ơpah dê, rồn bơklơn ală cau ùr bơnrau mơ cau kòn đòi, ò lơh song ring gơwèt mơ cau ơm tòp, mơ ò duh rngòt di Añ,” Yàng Jehôwa Gơnap Gơnoar Dờng Làm Jơh đơs behơ̆.

Khà Làng Bol 21:33

Gen bol khai wơlke mơ guh jat gùng lòt hơ Basan, mơ Ôk bơtau Basan dê mơ jơh mpồl ling khai dê lik lòt tòmlơh mơ bol khai di tiah Edrei.

Yal Wơl 24:14

Bañ ngui cau lơh broă ơpah la cau rƀah lơòi mơ siơ̆u siar lơh gơlik cồng nha he in, bulah khai la dô nă cau Israel hala dô nă cau làng bơdìh kis tòm dô nơm tòm ală ƀòn dờng bol mê dê.

Yal Wơl 28:33

Dô nơm làng bol mơ bol mê ò git rơp sa phan bơh tê mơ ù tiah bol mê neh lơh broă bòl glar nàng gơlik gơs, mơ bol mê ò geh bơta lơi rlau mơ bơta kong rồn bơklơn iơh rmơh tòm jơh rài kis bol mê dê.