Amôs 3:9 - Sră Goh 2018

⁹ Yal tơnggit tĕ tòm ală theng kơ̆ cê Asdot dê, mơ tòm ală theng kơ̆ cê Ejiptơ dê, mơ đơs lah: “Bol mê pơjum bal tĕ hơđang mơnơm Samari; mơ sền tĕ bơta sơlồng sơlàng dờng tềng hơ̆, mơ bơta rồn bơklơn digùl làng bol khai dê.”

Amôs 3:9 ပူးပေါင်းရင်းမြစ်များ

II Samuel 1:20

Bañ yal jơnau do tòm Gat, bañ yal jơnau hơ̆ tòm ală gùng Askalôn dê, rngòt ală kòn ùr cau Philistin dê chò hòp, rngòt ală kòn ùr cau ò kong siat gơltau dê hòn chò.

Jơnau Pơnđik 1:13

Bol he rơp geh tơl ală phan kas màng, Prap bềng ală hìu bol he dê ală phan bol he ntung kơñau.

Jơnau Pơnđik 11:16

Cau ùr lơbơn niam geh sền dờng màng; Ai cau ùr ò kòñ bơtê jat nùs nhơm niam gơkòl ƀàssìl, Cau alah gơlik siơ̆u siar, Mơya cau tơryang tơryồng rơp geh pas sơm.

Cau Bơto 4:1

Dô dơ̆ tai, añ sền ală bơta rồn bơklơn gơlik gơs hơđơm mattơngai; Sền ne, dà mat ală cau kong rồn bơklơn, mơ ò gơs cau lơi pơndòm pơniang bol khai! Cau rồn bơklơn gơs gơnap gơnoar, mơya ò gơs cau lơi pơndòm pơniang cau kong rồn bơklơn!

Jeremi 31:5

Bol ai rơp tam suơn ño wơl; Hơđang ală mơnơm Samari dê, Ală cau tam chi rơp tam Mơ rơp hòn chò pic plai.

Jeremi 46:14

“Yal tơlik tĕ tòm Ejiptơ; yal Mikdôl in, Yal tơnggit Nôp mơ Tahpanhes in, đơs lah: ‘Mut ơm tĕ tòm toh di tiah ơm, mơ rcang kơp, Bơh đào neh loan gùt dar mê.’

Jeremi 50:2

Yal tơnggit, yal tơlik tĕ ală lơgar in, Bơtào bồng bi; yal tơnggit tĕ, Bañ pồn gơ; đơs tĕ lah: “Babilôn neh kong alah; Bel bềng bơta ƀàssìl; Merôdak kong rngòt rngơt; Rùp gơ kong ƀàssìl ƀàsso, Rùp ràk gơ kong phà tơrlah!

Ejekiel 36:8

Mơya bol mê, ơ ală mơnơm Israel dê, bol mê rơp cat ală ntê mơ gơlik plai làng bol Israel Añ in; bơh gam dô êt tai gen bol khai rơp rê hìu.

Ejekiel 37:22

Añ rơp lơh bol khai in gơlik gơs mìng dô làng bol tòm lơgar, hơđang ală mơnơm Israel dê; dô nă bơtau rơp la bơtau hơđang jơh tơl nă bol khai. Bol khai rơp ò tŭ lơi gơs bàr nơm làng bol tai hala gơkòl cah is tòm bàr nơm lơgar.

Sră Ôse 7:1

Tŭ lơi Añ kòñ sơmbòi Israel, gen ală bơta tồi glài Epraim dê mơ ală broă lơh iơh bơsak Samari dê gơkòl ràng tơlik. Bơh bol khai lơh bơta ma blac, ală cau ntung kơñau mut tòm dơlam, ală cau phà kơñau tòmpìt đah bơdìh.

Amôs 1:8

Añ rơp tơnroh ală cau ơm tòm Asdot mơ cau at gai gơnoar at bồ tòm Askalôn. Añ rơp tơrwơl tê tòmdră mơ Ekrôn, jơl tus di tŭ cau Philistin gam tơngkah wơl rơp gơkòl roh rui,” Yàng Jehôwa đơs behơ̆.

Amôs 4:1

Iat tĕ jơnau do, Ơ ală kơnrồ me Basan dê ơm hơđang mơnơm Samari, hơ̆ la ală cau rồn bơklơn cau rƀah lơòi mơ tơnlề cau siơ̆u siar, la ală cau đơs mơ ală bau klau bol khai lah: “Cèng tĕ bol he in ală phan ñô!”

Amôs 5:11

Tài bơh bol mê jă trơm hơđang cau rƀah lơòi mơ bơklơn bol khai dap dia kòi mi. Bol mê neh bơt ală hìu mơ lŭ neh koh, bol mê rơp ò ơm tòm ală hìu hơ̆; bulah bol mê neh tam ală suơn ño gơs oă plai, bol mê rơp ò geh ñô tơrnòm gơ dê.

Amôs 6:1

Bòl glar ngan cau lơi in ơm lơngai tòm Siôn, mơ cau lơi in tồnlah geh ơm ring lơngai hơđang mơnơm Samari! Bòl glar ngan bol mê in la ală cau ryŭ ryơm khà dùl tòm ală làng bol, bơh di bol khai gơlik gơs hìu Israel geh sac rwah!

Amôs 6:3

Bol mê sang ngài tĕ ngai iơh bơsak, mơ cèng tus rềp dô gơnoar at bồ jàñ bơsak.

Amôs 8:6

blơi cau rƀah mơ priă, mơ ai dô yô gơltau jă blơi cau siơ̆u siar, mơ tac kòi mi nsiap.”

Mice 6:10

Mbe Añ rgơi hŭi đam jàr iơh bơsak tòm hìu cau iơh bơsak, mơ phan kơr sơnoa ò tòm toh pal srat sơntơm sơl ơ?

I Samuel 5:1

Tòm tŭ làng bol Philistin neh tòmpìt geh Đài Yàng Tom Trồ dê, bol khai cèng gơ bơh Ebenejer tus hơ Asdot.