Amôs 3:4 - Sră Goh 2018

⁴ Dô nơm klìu triă ơluh tòm brê tòm tŭ gơ ò kup geh phan sa sơl? Dô nơm klìu triă brồ dam ơhùm tòm trồm lŭ gơ dê dilah gơ ò geh kup phan lơi sơl?

Amôs 3:4 ပူးပေါင်းရင်းမြစ်များ

Đơs Crih 104:21

Ală klìu triă brồ dam ơhùm bơh sơmpài gơ dê, Jòi phan sa bơh Yàng Tom Trồ ai.

Sră Ôse 11:10

Bol khai rơp lòt jat Yàng Jehôwa, Kơnràñ rơp ơluh ơhùm be klìu triă: tòm tŭ Kơnràñ ơluh, ală kòn sau Kơnràñ dê rơp bơh đah mattơngai mut rơm să rngòt mơ tus.

Sră Ôse 5:14

Bơh Añ rơp kung be dô nơm klìu triă gơwèt hơ Epraim, dô nơm klìu triă brồ dam gơwèt hơ hìu Juda. Să tòm Añ rơp crè bol khai mơ lòt ngài; Añ rơp cèng pơrdô bol khai, mơ ò gơs dô nă cau lơi rơp dong tă.

Amôs 1:2

Khai đơs lah: “Yàng Jehôwa ơluh bơh di Siôn. Kơnràñ lơh nggồr ntas bơh Jerusalem. Ală ƀlàng ñhơt cau ê belàt dê rơp ro rañ, bồ mơnơm Karmel rơp ñòp ro.”

Amôs 3:3

Dilah bàr nă cau lòt bal, mìng tòm tŭ bol khai ò dô nùs bal ngan sơl?

Amôs 3:5

Dô nơm sềm yar dă hơđang ù, tòm tŭ ò gơs cau pơt dă gơ sơl ơ? Dô nơm dă gơ tơrglơs bơh di ù, tòm tŭ gơ ò geh kup phan lơi sơl?

Amôs 3:8

Tòm tŭ klìu triă ơluh ơhùm gen ñcau rơp ò rngòt taih? Tòm tŭ Jehôwa Yàng Tom Trồ neh đơs gen ñcau rgơi ò đơs hwơr taih?