Amôs 3:14 - Sră Goh 2018

¹⁴ Tòm ngai Añ lơh glài Israel bơh ală tồi glài khai dê, Añ rơp lơh glài ală cơnòng duh khoai Betel dê; ală ngke cơnòng duh khoai dê rơp gơkòl koh mơ tơndùh tòm ù.

Amôs 3:14 ပူးပေါင်းရင်းမြစ်များ

II Ală Bơtau 23:15

Rlau mơ hơ̆, cơnòng duh khoai tòm Betel, tiah jơnhoa neh geh bơt bơtào bơh bơtau Jerôbôam kòn klau Nebat, la cau neh lơh Israel in tìs glài — bơtau sòr tơrlah cơnòng duh khoai hơ̆ bal mơ tiah jơnhoa. Bơtau chu jơh tiah jơnhoa, tơnlề gơ gơs bùh, khai kung chu jrong duh khoai Asera sơl.

II Yal Yau 31:1

Tòm tŭ neh sir jơh ală bơta hơ̆, ală cau Israel neh ơm tềng hơ̆ lik lòt tus hơ ală ƀòn dờng Juda dê, pòng bơcah ală pơnai lŭ mơ koh tòmpừ ală jrong duh khoai Asera dê. Bol khai sòr tơrlah ală tiah jơnhoa mơ ală cơnòng duh khoai tòm lam jơh Juda, Benjamin, Epraim mơ Manase. Tian gơs bol khai neh tơnroh jơh hir, gen jơh ală cau Israel rê wơl hơ ală ƀòn dờng tòm bol khai dê, jơh ală rê hơ sre brê tòm bol khai dê.

Lik Ejiptơ 32:34

Tŭ do, lòt tĕ, lam làng bol lòt tus di tiah Añ neh đơs, mơ cau gơnrơh Añ jê rơp lòt lài mơ mê. Bulah behơ̆, tòm tŭ tus di tŭ tơngai lơh glài gen Añ rơp lơh glài tài bơh tồi glài bol khai dê.”

Amôs 2:8

Bol khai bic di gah kòp nơm cơnòng duh khoai, hơđang ală ồi ào neh ai lơh gơs phan ai bồ. Tòm hìu ală yàng bol khai dê bol khai ñô alak ală cau kup lơh glài.

Amôs 4:4

“Lòt tus tĕ hơ Betel mơ tìs glài; lòt tus tĕ hơ Gilgal mơ bơtơl oă tai bơta tìs glài; cèng tĕ ală phan ơn pơdơng bol ai dê tòm kòp àng drim, cèng ơn tĕ ală pơnah jơt bol ai dê tòm kòp pe ngai.

Amôs 7:10

Gen Amajiah, cau gơnoar ơn phan duh khoai Betel dê, pơyoa jơnau đơs mơ Jerôbôam la bơtau Israel dê lah: “Amôs bơtào kai gơrmơ̆i tòmdră mơ bơtau tòm làm bă tiah digùl hìu Israel. Lơgar ò rgơi ơnòng jai jơh ală jơnau khai dê.

Amôs 7:13

Mơya bañ đơs hwơr tai tòm Betel; bơh do la tiah sàng goh bơtau dê, mơ la hìu duh khoai lơgar bơtau dê.”

Amôs 7:9

Ală tiah jòng jơnhoa Isak dê rơp kòl tơnroh, mơ ală tiah sàng goh Israel dê rơp kòl lòi srau gòi, mơ Añ rơp at đào guh tòmdră mơ hìu Jerôbôam.”

Amôs 9:1

Añ gŏ Yàng Jehôwa ntào rềp di gah cơnòng duh khoai, mơ Kơnràñ đơs lah: “Pòng tĕ ală bồ jrong jơl tus ală ròc bơr mpồng gơlơnggơr; pòng bơcah tĕ bol gơ hơđang bồ jơh ală làng bol, ală cau gam wơl gen Añ rơp tơnchơt mơ đào. Ò gơs dô nă cau lơi rơp geh dô, ò gơs dô nă cau lơi rơp geh klàs.