Amôs 3:11 - Sră Goh 2018

¹¹ Gen tàng Jehôwa Yàng Tom Trồ đơs be do: “Dô nă cau sò tơm rơp gơrwàng gùt dar lơgar do; khai rơp tơnroh bơta cang kìng bol mê dê mơ tòmpìt kơñau ală theng kơ̆ cê bol mê dê.”

Amôs 3:11 ပူးပေါင်းရင်းမြစ်များ

Sơnròp Gơlik Gơs 34:27

Bơh bol hơ̆ neh lơh tơnroh pơnro niam oh ơruh bol khai dê; behơ̆, ală kòn klau Jakôp lòt tus jă hơđang ală cau chơt mơ phà kơñau ƀòn hơ̆.

II Ală Bơtau 15:19

Pul, bơtau Asiri, tus tòmlơh mơ lơgar; Menahem ai Pul in dô rbô talơng priă, nàng dong khai bơtào kơ̆ lơgar tòm gơnoar bơtau khai dê.

II Ală Bơtau 15:29

Tòm rài Peka bơtau Israel, Tilglat Pileser bơtau Asiri, tus gơrwàng tòmpìt ai Iyôn, Abel Betmakah, Janôah, Kedes, Hajor, tiah Galaat, Galile, mơ jơh kơnhwàl Neptali; gen khai cèng làng bol ală lơgar hơ̆ rê hơ Asiri.

II Yal Yau 36:19

Bol khai ai ồs chu hìu duh khoai Yàng Tom Trồ dê mơ lơh tơrlah dơrñang ƀòn dờng Jerusalem dê; chu jơh ală gơlang bơtau mơ tơnroh jơh ală phan kas màng.

Sră Jop 20:21

Ò gơs phan lơi gam wơl tơnơ̆ mơ tŭ bol khai neh sa; gen tàng bơta pas gơs bol khai dê ò gam jŏ.

Amôs 2:5

Añ rơp sồr ồs tus hơđang Juda, gơ rơp chu pơrguc ală hìu gơlang kơ̆ cê Jerusalem dê.”

Amôs 3:10

Yàng Jehôwa đơs lah: “Bol khai ò git mbe lơh bơta song ring, bol khai pơjum tơrgòm ală bơta jàñ bơsak mơ phan ntung kơñau tòm ală theng kơ̆ cê bol khai dê.”

Amôs 3:15

Añ rơp lơh tơrlah hìu kơnhai noat bal mơ hìu kơnhai prang; ală hìu bơka mơ bla rwas rơp roh rui, mơ ală hìu dờng rơp kong tơnroh tơnlồi.” Yàng Jehôwa đơs behơ̆.

Amôs 6:14

Bơh Jehôwa Yàng Tom Trồ Gơnap Gơnoar Dờng Làm Jơh đơs lah: “Ơ hìu Israel, Añ rơp bơtào tơngguh dô nơm làng bol tòmdră mơ bol mê, gơ rơp rồn bơklơn bol mê bơh Lebo Hamat tus di croh Arabah.”

Amôs 6:8

Jehôwa Yàng Tom Trồ neh srat să mơ să tòm Kơnràñ; Jehôwa Yàng Tom Trồ Gơnap Gơnoar Dờng làm Jơh đơs lah: “Añ cù kìr di bơta pơnhừ să Jakôp dê, mơ gơjrañ mañ di ală gơlang kơ̆ cê khai dê; Añ rơp jào phi ƀòn dờng mơ jơh ală phan tòm hơ̆.”