Amôs 2:8 - Sră Goh 2018

⁸ Bol khai bic di gah kòp nơm cơnòng duh khoai, hơđang ală ồi ào neh ai lơh gơs phan ai bồ. Tòm hìu ală yàng bol khai dê bol khai ñô alak ală cau kup lơh glài.

Amôs 2:8 ပူးပေါင်းရင်းမြစ်များ

Lik Ejiptơ 22:25

Dilah bol mê ai dô nă cau siơ̆u siar tòm làng bol Añ jê ơm digùl bol mê càn jền, gen bañ lơh kung be cau ai càn priă, bañ sa jền cồng bơh di khai.

Esai 57:7

Bol mê neh lơh dô nơm mơnơm jơnhoa gơs cơnòng bic bol mê dê: tềng hơ̆ bol mê neh guh nàng ơn ală phan ơn.

Ejekiel 18:12

Khai rồn bơklơn cau rƀah lơòi mơ cau siơ̆u siar, mơ khai tìs glài ntung kơñau. Khai ò ai wơl phan ai bồ cau ai khai in, khai wèt sền di ală rùp ràk mơ lơh ală bơta cù kìr.

Ejekiel 18:7

Khai ò rồn bơklơn cau lơi ndai, mơya tơm wơl phan ai bồ cau kòl dồs mơ khai. Khai ò kơñau phan lơi cau dê, mơya pà phan sa khai dê cau jơgloh in mơ ai phan soh cau ơm kuh in.

Ejekiel 23:41

Ai nggui hơđang dô nơm cơnòng bic niam mơnĕ, di đap gơ gơs dô nơm cơnòng ơn phan, hơđang hơ̆ ai neh ơn kơlhô mơ mơñà la phan gơrê bal mơ Añ.

Sră Ôse 4:8

Bol khai ròng siam să bơh ală bơta tồi glài làng bol Añ jê, bol khai gơboh bơh bơta iơh bơsak làng bol Añ jê.

Sră Ôse 7:14

Bol khai ò hòi dan mơ Añ bơh nùs bol khai dê, mơya bol khai pơt wòl hơđang cơnòng bic bol khai dê. Bol khai còr să tòm bol khai nàng dan kòi mi mơ tơrnòm, bol khai pơrlơ̆ dră di Añ.

Amôs 3:14

Tòm ngai Añ lơh glài Israel bơh ală tồi glài khai dê, Añ rơp lơh glài ală cơnòng duh khoai Betel dê; ală ngke cơnòng duh khoai dê rơp gơkòl koh mơ tơndùh tòm ù.

Amôs 4:1

Iat tĕ jơnau do, Ơ ală kơnrồ me Basan dê ơm hơđang mơnơm Samari, hơ̆ la ală cau rồn bơklơn cau rƀah lơòi mơ tơnlề cau siơ̆u siar, la ală cau đơs mơ ală bau klau bol khai lah: “Cèng tĕ bol he in ală phan ñô!”

Amôs 6:4

Bol mê la ală cau bic hơđang ală cơnòng lơh mơ bla rwas, mơ bic rlô hơđang ală cơnòng jòng bol mê dê; Bol mê sa poac ală belàt kòn sac rwah bơh di mpồl mơ ală kơnrồ bơh wàng.

Amôs 6:6

Bol mê la ală cau ñô tơrnòm tòm ală jơrlŭ mơ bong ală mơñà niam rlau jơh, mơya bol mê ò kơlôi moat jrùng bơh bơta tơnroh Jôsep dê!

I Kôrintô 10:21

Ală oh mi ò rgơi hùc mơngàn Yàng dê, mơ kung hùc mơngàn ală cà dê; oh mi ò rgơi sa phan Yàng dê, mơ kung sa phan ală cà dê.

I Kôrintô 10:7

Kung bañ duh khoai rùp ràk be cau ƀà tòm bol khai neh duh khoai; be neh cih lah: “Làng bol nggui sa ñô, gen ntào mơ kơnhơl tòmya, dri tơlàr.”

I Kôrintô 8:10

Bơh dilah dô nă cau gŏ mê la cau git jak mơ nggui sa tòm bơmồng rùp ràk, gen nùs tồr lơbơn lơño khai dê ò di rơp lơh khai in khin cha mơ sa phan duh khoai rùp ràk ò ơ?

Ală Kwang Cahrña 9:27

Bol khai lik lòt tòm suơn nàng pic plai ño, pat plai ño tòm suơn ño bol khai dê, mơ lơh dô bơta ñô sa. Bol khai mut tòm hìu yàng bol khai dê, sa mơ ñô mơ bơrsèl tơnhial di Abimelek.