Amôs 2:7 - Sră Goh 2018

⁷ Bol khai jă jơng hơđang bồ cau rƀah lơòi tus di thul tòm ù, mơ chồl tơlo cau gơkòl jê sồt bơh di gùng song ring. Bèp mơ kòn bic mơ mìng dô nă cau ơruh, behơ̆ gen sơnđan sàng goh Añ jê neh gơkòl đơs tràl sơrbil.

Amôs 2:7 ပူးပေါင်းရင်းမြစ်များ

II Samuel 12:14

Bulah behơ̆, bơta do bơtau neh lơh kai nàng ală cau sò tơm di Yàng Jehôwa đơs tràl sơrbil di Kơnràñ, gen tàng kòn klau neh deh bơtau in rơp chơt.”

I Ală Bơtau 21:4

Ahap rê hìu moat mơ gơjrañ, bơh jơnau Nabôt, cau Jejreel neh đơs mơ khai; bơh khai neh đơs lah: “Añ rơp ò ai bơtau in sre brê ồng pàng añ jê.” Ahap bic hơđang cơnòng, wèt mat đah dơrñang, mơ ò bài sa.

Jơnau Pơnđik 28:21

Sền òsơp cau do, sền dờng màng cau ne la ò niam; bulah mìng dô pet piang lă, khai kung tìs glài.

Esai 10:1

Bòl glar cau lơi in bơtào gơs ală bơta boh lam ò song ring, mơ cih ală bơta lơh nền rồn bơklơn,

Esai 10:2

tă tơlik gơnoar cau siơ̆u siar bơh bơta song ring, mơ tòmpìt bơta song ring bơh ală cau rƀah tòm làng bol Añ jê, ai ală cau ùr bơnrau lơh gơs phan ơn pơndòm, mơ cau kòn đòi lơh be phan tòmpìt geh.

Esai 3:14

Yàng Jehôwa cahrña tòmdră mơ ală cau kwang kra bal mơ ală cau kwang at bồ làng bol Kơnràñ dê lah: “Bol mê la cau neh sa loan suơn ño Añ jê; phan tòmpìt geh bơh cau rƀah gam prap lòi tòm ală hìu bol mê dê.

Esai 3:15

Bol mê ò di jă trơm làng bol Añ jê, mơ tơnlề muh mat cau rƀah rƀừp dê.” Añ, Yàng Jehôwa Gơnap Gơnoar Dờng Làm Jơh đơs behơ̆.

Ejekiel 22:11

Digùl ai, dô nă cau klau do tìs glài ƀơ̆ iơh mơ bau ùr cau gơp ƀòn khai dê, dô nă cau klau ne lơh bơta ƀàssìl ƀàsso mơ ƀan khai dê, mơ dô nă cau klau ndai tai lơh tìs mơ bi ùr khai dê, la kòn ùr bèp tòm khai dê.

Ejekiel 36:20

Mơya tòm tŭ bol khai neh tus hơ ală làng bol, bol khai neh lơh cau in sền òsơp di sơnđan sàng goh Añ jê, bơh bơta hơ̆ cau neh đơs bơh bol khai lah: ‘Do la làng bol Yàng Jehôwa dê bulah behơ̆ bol khai pal lik lòt bơh di lơgar Kơnràñ dê!’

Sră Ôse 4:14

Añ rơp ò lơh glài ală kòn ùr bol mê dê tòm tŭ bol khai lơh bơta dri tơlàr, mơ kung ò lơh glài ƀan bol mê dê tòm tŭ bol khai lơh bơta rềs àr bơrnàn; tài bơh ală cau klau bol khai lòt rê mơ ală ùr dri, mơ ơn phan ơn pơdơng bal tòm tiah duh khoai ală cau dri tơlàr dê. Dô nơm làng bol ò git wă behơ̆ rơp gơkòl roh rui.

Lebi 18:15

Bañ bic mơ ƀan bol mê dê. Cau ùr hơ̆ la bau ùr kòn klau bol mê dê; bañ bic mơ khai.

Lebi 18:21

Bañ ai dô nă kòn lơi bol mê dê lơh gơs phan ơn duh khoai Molok in, bơh bol mê ò di lơh ƀơ̆ sơnđan Yàng Tom Trồ bol mê dê. Añ la Yàng Jehôwa.

Lebi 18:8

Bañ bic mơ bau ùr bèp bol mê dê; bơta hơ̆ rơp lơh ƀàssìl bèp bol mê dê.

Lebi 20:3

Añ rơp wèt mat tòmdră mơ cau hơ̆ mơ rơp tă sang khai bơh di làng bol khai dê; bơh bơta ai kòn sau khai dê Molok in, khai neh lơh ƀơ̆ ƀơl tiah sàng goh Añ jê mơ lơh ƀơ̆ iơh di sơnđan sàng goh Añ jê.

Amôs 4:1

Iat tĕ jơnau do, Ơ ală kơnrồ me Basan dê ơm hơđang mơnơm Samari, hơ̆ la ală cau rồn bơklơn cau rƀah lơòi mơ tơnlề cau siơ̆u siar, la ală cau đơs mơ ală bau klau bol khai lah: “Cèng tĕ bol he in ală phan ñô!”

Amôs 5:11

Tài bơh bol mê jă trơm hơđang cau rƀah lơòi mơ bơklơn bol khai dap dia kòi mi. Bol mê neh bơt ală hìu mơ lŭ neh koh, bol mê rơp ò ơm tòm ală hìu hơ̆; bulah bol mê neh tam ală suơn ño gơs oă plai, bol mê rơp ò geh ñô tơrnòm gơ dê.

Amôs 5:12

Bơh Añ git ală bơta iơh bơsak bol mê dê la oă ir, mơ ală tồi glài bol mê dê la dờng ò git nđò. Bol mê rồn bơklơn cau song ring mơ dòp ală phan sa loă, mơ bol mê tơlo ală cau rƀah lik bơh dê mpồng ƀòn dờng.

Amôs 8:4

Iat tĕ do: Bol mê la cau jă trơm hơđang ală cau siơ̆u siar, mơ tơnroh ală cau rƀah dồn sa tòm lơgar,

Mice 2:2

Bol khai hàm kòñ ală ƀlàng sre mơ tòmpìt gơ, hàm hà hìu đam mơ tă sơmbrơt gơ. Bol khai rồn bơklơn cau tòm hìu mơ hìu; la cau mơ sre brê bol khai dê.

Mice 2:9

Bol mê bơtrơh ală cau ùr làng bol Añ jê lik bơh di ală hìu ơm niam nùs bol khai dê. Bol mê tă bơta gơklŏ gam sùm sùm Añ jê bơh di kòn sau bol khai dê.

Sôphôni 3:3

Ală kwang duh broă gơ dê ơluh ơhùm be klìu triă, ală kwang cahrña gơ dê kung be so rhau trồ mang, ò lòi wơl dô êt lơi tus diàng drim.

Rôma 2:24

Be jơnau Sră Goh cih lah: Tài bơh bol mê la cau Juda mơ sơnđan Yàng Tom Trồ, gơkòl đơs tràl sơrbil digùl ală làng bol bơdìh.

I Kôrintô 5:1

Neh kơno lah tòm mpồl oh mi gơs glài rềs àr bơrnàn, mơ bơta rềs àr bơrnàn hơ̆ kung ò di gơs digùl cau làng bol bơdìh, hơ̆ la dô nă cau tìs glài mơ bau ùr bèp khai dê.