Amôs 2:15 - Sră Goh 2018

¹⁵ Cau pañ àtak rơp ò jai ntào, cau ntoat mhar mơ jơng rơp ò geh dong klàs să tòm bol khai dê, hala cau hào ơseh kung rơp ò rgơi dong klàs bơta kis bol khai dê;

Amôs 2:15 ပူးပေါင်းရင်းမြစ်များ

Cau Bơto 9:11

Añ gŏ tai hơđơm mattơngai gơs cau ntoat pơrlòng ò mhar, hala cau pràn kơldang ò geh pha tòm bơta tòmlơh, cau jak chài ò geh piang lă, cau pas gơs ò dòp geh jak chài, mơ cau chài rgơi ò geh nđàc; bơh tŭ tơngai mơ tŭ lơmpah gơlik tus kòp nă cau in.

Esai 31:3

Mơya cau Ejiptơ la kòn mơnus, ò di la Yàng Tom Trồ; ơseh tòmlơh bol khai dê mìng la poac să, ò di la hwềng. Tòm tŭ Yàng Jehôwa pò tê Kơnràñ dê gen cau dong kòl rơp gơpừ, cau geh dong kòl rơp gơplơ̆, jơh bàr đah rơp kong roh rui bal.

Jeremi 51:56

Tài bơh cau tơnroh neh tus tòmdră mơ khai Tòmdră mơ Babilôn. Ală cau pràn kơldang gơ dê kong kup, Àtak bol khai dê neh pă; Bơh Yàng Jehôwa la Yàng Tom Trồ sal wơl, Kơnràñ rơp tơm wơl wil tơl.

Ejekiel 39:3

Gen Añ rơp tă tơlik àtak bơh di tê kiau mê, mơ tơndùh ală kam bơh di tê ma mê dê.

Amôs 9:1

Añ gŏ Yàng Jehôwa ntào rềp di gah cơnòng duh khoai, mơ Kơnràñ đơs lah: “Pòng tĕ ală bồ jrong jơl tus ală ròc bơr mpồng gơlơnggơr; pòng bơcah tĕ bol gơ hơđang bồ jơh ală làng bol, ală cau gam wơl gen Añ rơp tơnchơt mơ đào. Ò gơs dô nă cau lơi rơp geh dô, ò gơs dô nă cau lơi rơp geh klàs.

Sră Age 2:22

Añ rơp tuh tơlup ală sơbàn bơtau mơ tơnroh gơnap gơnoar ală lơgar làng bol bơdìh dê. Añ rơp tuh tơlup ală rơndeh lòs tòmlơh bal mơ ală cau at gơ; ală ơseh bal mơ ală cau hào gơ rơp dùh, kòp nă kong sreh tơnchơt bơh đào oh mi khai dê.’”

Sacari 10:5

Bol khai rơp kung be ală cau ling jak tòm tiah tòmlơh, jă trơm cau sò tơm tòm bŏ tòm ală gùng ƀòn dờng; bol khai rơp tòmlơh, bơh Yàng Jehôwa ơm bal mơ bol khai, mơ bol khai rơp ơn bơta ƀàssìl hơđang ală cau hào ơseh.