Amôs 2:11 - Sră Goh 2018

¹¹ Añ kung neh tơngguh ală kòn sau bol mê dê gơlik gơs ală cau gơnoar hwơr, mơ ală cau pơnu bol mê dê gơlik gơs cau Nasire. Ò di ngan behơ̆ ò ơ, ơ làng bol Israel?” Yàng Jehôwa đơs behơ̆.

Amôs 2:11 ပူးပေါင်းရင်းမြစ်များ

I Ală Bơtau 17:1

Tŭ hơ̆, Eli cau Thisebe, tòm Galaat, đơs mơ Ahap lah: “Añ ntào di đap Jehôwa Yàng Tom Trồ Israel kis sùm mơ srat să lah: Rơp ò gơs dà tŭ hala mìu tòm ală nam tơnơ̆ do, dilah ò gơs jơnau đơs añ jê.”

I Ală Bơtau 18:4

Tòm tŭ Jesebel tơnchơt jơh ală cau gơnoar hwơr Yàng Jehôwa dê, gen Apdia neh cèng dô rhiang nă cau gơnoar hwơr pồn bol khai pram jơt nă tòm kòp nơm rgồng lŭ, rcang bol khai in ƀañ mơ dà.)

I Ală Bơtau 19:16

Mê kung bong mơñà Jehu in, kòn klau Nimsi, lơh bơtau hơđang Israel; mơ mê rơp bong mơñà Elise in, kòn klau Saphat tòm Abelmehola, lơh gơs cau gơnoar hwơr ala mê in.

I Ală Bơtau 20:13

Gen gơs dô nă cau gơnoar hwơr tus hơ Ahap, bơtau Israel, mơ đơs lah: “Yàng Jehôwa đơs be do: ‘Mê neh gŏ mpồl ling do dờng mơ gal ngan sơl? Sền tĕ, Añ rơp jào bol khai tòm tê mê, mơ mê rơp git Añ la Jehôwa.’”

I Ală Bơtau 20:35

Gơs gơnoar sồr Yàng Jehôwa dê, dô nă cau tòm mpồl ală cau gơnoar hwơr, đơs mơ dô nă cau ndai lah: “Añ dan bi lơh tĕ añ.” Mơya cau ne ò bài lơh khai.

I Ală Bơtau 20:41

Gen sơrbac sơrbang khai pò chèo pùt di mat, bơtau Israel đal git khai la dô nă cau tòm mpồl ală cau gơnoar hwơr.

I Ală Bơtau 22:8

Bơtau Israel ho mơ Jôsaphat lah: “Gam gơs dô nă cau, nàng bơh khai bol he rgơi lùp Yàng Jehôwa, hơ̆ la Mice, kòn klau Jimla dê; mơya añ gơjrañ di khai, bơh khai ò tŭ lơi đơs hwơr niam bơh añ, mơ mìng la rung rài lơm.” Jôsaphat đơs lah: “Dan bơtau bañ đơs behơ̆.”

II Ală Bơtau 17:13

Bulah Yàng Jehôwa yal tơnggit Israel mơ Juda in, bơh di ală cau gơnoar hwơr mơ ală cau git lài, lah: “Pơrlac tĕ bơh di ală gùng iơh bơsak bol mê dê, kơrmap gàr tĕ bơta sồr lam mơ bơta boh lam Añ jê, jat be jơh ală bơta boh lam Añ neh nting sồr ală ồng pàng bol mê dê, mơ Añ neh sồr bol mê bơh ală dĭ gơna Añ jê la ală cau gơnoar hwơr.”

II Ală Bơtau 6:1

Tŭ hơ̆ mpồl ală cau gơnoar hwơr đơs mơ Elise lah: “Be ồng neh gŏ, tiah bol he ơm tềng do hơđơm bơta sền gàr ồng dê hat ngan bol hi in.

II Yal Yau 36:15

Jehôwa Yàng Tom Trồ ală ồng pàng bol khai dê neh kong ơt di bol khai mơ kơnòm di ală cau kong sồr Kơnràñ dê, tài bơh Kơnràñ kòñ nđàc hơđang làng bol Kơnràñ dê, mơ hơđang tiah ơm sùm Kơnràñ dê.

Jeremi 11:21

Gen tàng do la jơnau Yàng Jehôwa đơs bơh cau Anatôt, la cau kòñ tă bơta kis mê, mơ lah: “Dilah mê ò kòñ chơt bơh tê añ, gen bañ ai sơnđan Yàng Jehôwa mơ đơs hwơr!”

Jeremi 2:31

Ơ jơi bơtiàn bol mê! Sền nền tĕ jơnau Yàng Jehôwa đơs: Añ la dô nơm ƀlàng ngềt ngơt, hala dô bă ù tiah klam jơngo cik gơwèt hơ làng bol Israel ơ? Behơ̆ gen ñchi bơh tài làng bol Añ đơs lah: ‘Bol hi geh khat gơboh, Bol hi rơp ò tus mơ Kơnràñ tai’?

Jeremi 2:5

Yàng Jehôwa đơs be do: “Ồng pàng bol mê neh gŏ bơta lơi ò song ring tòm Añ, tàng neh lòt ngài bơh di Añ; Neh lòt jat bơta roh lơm, Mơ gơlik gơs ò kwơ să tòm bol khai in?

Jeremi 26:11

Gen ală cau gơnoar ơn phan duh khoai mơ ală cau gơnoar hwơr đơs mơ ală cau kwang at bồ mơ làng bol lah: “Cau do pal chơt; bơh neh đơs hwơr tòmdră mơ ƀòn do, kung be tồr bol mê dê neh kơno.”

Jeremi 7:25

Bơh ngai ồng pàng bol mê dê lik bơh lơgar Ejiptơ jơl tus di ngai do, Añ neh kong sồr ală cau duh broă Añ jê la ală cau gơnoar hwơr, lòt tus mơ bol khai; kòp ngai Añ guh gòñ sồr bol khai tus.

Ñìm Rac 4:7

Ală cau kwang at bồ gơ goh rlau mơ piar, bò rlau mơ dà toh. Să jan bò pơrhê rlau mơ bơkào lŭ tòm dàlềng, sŏ bol khai be lŭ màng tơlir.

Mice 2:6

Bol khai bơto lah: “Bañ đơs hwơr. Bañ đơs hwơr bơh ală bơta do; bơta dơñŏ tơnhial rơp ò tus hơđang bol he ò.”

Broă 4:18

Behơ̆, bol khai hòi wơl Pier mơ Jang mơ bơkơŭ bañ ai sơnđan Yàng Jesu nàng đơs hala bơto tai.

Broă 5:28

“Bol hi neh bơkơ̆u nền ngan bol mê bañ ai sơnđan hơ̆ nàng bơto sồr, mơya bol mê lơh Jerusalem in bềng lìu bơta bơto sồr bol mê dê, mơ kòñ lơh bol hi in pal kong bơh bơta chơt cau hơ̆ dê.”

Broă 7:51

Ơ ală cau kơldang bồ, nùs mơ tồr ò siat gơltau ne! Ală ồng tòmdră sùm mơ Yàng Hwềng Goh; ồng pàng ală ồng dê be lơi gen ală ồng kung behơ̆ sơl!

Yal Wơl 18:18

Añ rơp bơtào tơngguh bol khai in dô nă cau gơnoar hwơr tòm toh kung be mê bơh digùl ală oh mi bol khai dê; Añ rơp ơn ală jơnau đơs Añ jê tòm bơr khai dê, mơ khai rơp yal bol khai in kòp jơnau Añ sồr khai.

I Samuel 19:20

Behơ̆ Sol sồr cau lòt kup Dabit; mơya tòm tŭ bol khai gŏ dô mpồl cau gơnoar hwơr ơm đơs hwơr, gơs Samuel ntào tềng hơ̆ at bồ mpồl hơ̆; gen Hwềng Yàng Tom Trồ dê mù hơđang ală cau Sol neh sồr, mơ bol khai kung đơs hwơr.

I Samuel 3:20

Mơ jơh Israel bơh Dan tus Beerseba git Samuel geh bơtào gơlik gơs dô nă cau gơnoar hwơr dờng màng Yàng Jehôwa dê.