Amôs 2:10 - Sră Goh 2018

¹⁰ Añ neh cèng bol mê lik bơh di lơgar Ejiptơ, mơ tề lam bol mê poan jơt nam tòm ƀlàng bràs nàng bol mê in ai lơgar cau Amôrit dê lơh gơs sre brê.

Amôs 2:10 ပူးပေါင်းရင်းမြစ်များ

Nehemi 9:21

Tòm poan jơt nam Kơnràñ neh ròng bol khai tòm ƀlàng ngềt ngơt, bol khai ò siơ̆u phan lơi; ồi ào ò sèt, mơ jơng bol khai ò as ur.

Đơs Crih 95:10

Tòm poan jơt nam Añ cù kìr di jơi bơtiàn hơ̆, Mơ Añ đơs lah: “Bol khai la dô nơm làng bol gơs nùs tìs nrah, Bol khai ò kơlôi wèt di ală gùng dà Añ jê.”

Lik Ejiptơ 12:51

Mơ tòm ngai hơ̆, Yàng Jehôwa tă mpồl làng bol Israel dê lik bơh Ejiptơ.

Lik Ejiptơ 20:2

“Añ la Jehôwa Yàng Tom Trồ bol mê dê, Bơtau neh cèng bol mê bơh di Ejiptơ, klàs bơh di tiah ơm dĭ.

Lik Ejiptơ 3:8

Behơ̆ Añ mù tus nàng dong tă bol khai klàs bơh di tê cau Ejiptơ, lam bol khai guh mơ lik bơh di lơgar hơ̆ tus hơ dô nơm lơgar niam mơ dờng ơnàng, lơgar gơs lìu làc dà toh mơ dà lơwe, hơ̆ la lơgar tòm cau Kanaan, cau Hetit, cau Amôr, cau Pheres, cau Hebit mơ cau Jebusit dê.

Jeremi 2:6

Bol khai ò tŭ lơi lùp: ‘Ntềng đah Yàng Jehôwa taih? La Bơtau neh cèng bol hi lik bơh lơgar Ejiptơ, Bơtau neh lam bol hi tòm ƀlàng ngềt ngơt, Tòm dô bă tiah ƀlàng bràs mơ ală trồm tơrluh, Tòm dô bă tiah ro rañ mơ klam jơngo cik, Tòm dô bă tiah ò gơs dô nă cau lơi lòt gan, tiah ò gơs dô nă cau lơi ơm?’

Ejekiel 20:10

Gen tàng Añ neh lam bol khai lik bơh di lơgar Ejiptơ, mơ cèng bol khai mut tòm ƀlàng ngềt ngơt.

Amôs 3:1

Ơ làng bol Israel, iat tĕ jơnau do, hơ̆ la jơnau Yàng Jehôwa neh đơs tòmdră mơ bol mê, tòmdră mơ jơh dô nơm hìu nhă mơ Añ neh cèng tơlik bơh lơgar Ejiptơ:

Amôs 9:7

Yàng Jehôwa neh đơs: “Ơ kòn sau Israel, gơwèt mơ Añ gen bol mê kung ò di be kòn sau Kus ò ơ? Ò di Añ neh cèng Israel lik bơh Ejiptơ, cau Philistin bơh Kaptôr, mơ cau Aramean bơh Kir ò ơ?

Mice 6:4

Añ neh cèng bol mê lik bơh lơgar Ejiptơ, mơ neh tơwài bol mê bơh di hìu ơm lơh dĭ; mơ Añ neh sồr Môise, Arôn mơ Miriam lòt di đap bol mê.

Khà Làng Bol 13:32

Mơ bol khai yal wơl jơnau ò niam digùl ală cau Israel bơh lơgar mơ bol khai neh lòt sền rwang. Bol khai đơs lah: “Lơgar mơ bol hi neh rwang sền la dô nơm lơgar sa loan làng bol ơm tòm hơ̆. Jơh làng bol mơ bol hi neh gŏ tềng hơ̆ la cau dờng jơnhoa.

Khà Làng Bol 21:25

Israel tòmpìt ai jơh ală ƀòn dờng cau Amôrit dê mơ mut ơm tòm hơ̆, tơrgòm bal Hesbôn mơ jơh ală ƀòn gùt dar gơ.

Khà Làng Bol 32:13

Bơta gơjrañ Yàng Jehôwa dê neh gơhào khuh tòmdră mơ Israel mơ Kơnràñ neh lơh bol khai in lòt nrah nring tòm ƀlàng ngềt ngơt tòm poan jơt nam, jơl tus di tŭ jơh dô rài ală cau neh lơh iơh di đap Kơnràñ neh chơt jơh.

Broă 13:18

Kơnràñ kong ơt di bol khai pơgap poan jơt nam tòm ƀlàng bràs ngềt ngơt.

Broă 7:42

Yàng Tom Trồ đìu ngkòi di bol khai mơ phi bol khai duh khoai ală mpồl ling hơđang trồ, be neh cih tòm sră ală cau gơnoar hwơr lah: ‘Ơ hìu Israel, bol mê neh ơn phan pơdơng mơ phan ơn duh khoai Añ in, Tòm poan jơt nam tòm ƀlàng bràs sơl?

Yal Wơl 1:39

Mơ ală kòn dềt mơ mê neh đơs lah rơp kong kup cèng gơs dĭ, ală kòn sau bol mê dê la ală kòn dềt òhềt git bơta niam mơ bơta iơh, bol khai rơp mut tòm lơgar hơ̆. Añ rơp ai gơ bol khai in mơ bol khai rơp dòp geh gơlơh gơs sre brê.

Yal Wơl 2:7

Jehôwa Yàng Tom Trồ bol mê dê neh ai lơngai bol mê in tòm jơh ală broă tê bol mê neh lơh. Kơnràñ neh sền gàr gùng dà bol mê dê lòt gan ƀlàng ngềt ngơt dờng ơnàng do. Tòm poan jơt nam do Jehôwa Yàng Tom Trồ bol mê dê neh ơm bal mơ bol mê, mơ bol mê ò siơ̆u phan lơi ò.’

Jôsue 13:4

đah đơm jơh lơgar làng bol Kanaan dê, mơ Mearah gơrê bal mơ làng bol Sidôn tus hơ Aphek tus hơ nhàr làng bol Amôr dê,

Jôsue 24:8

Añ neh lam bol mê tus tòm lơgar làng bol Amôrit ơm đah ne hiòng Jordan. Bol hơ̆ neh tòmlơh mơ bol mê, mơya Añ neh jào bol khai tòm tê bol mê dê. Añ neh tơnroh bol khai bơh di đap bol mê, mơ bol mê neh ai lơgar bol khai dê lơh gơs sre brê bol mê in.