Amôs 1:5 - Sră Goh 2018

⁵ Añ rơp dơrkă kai mpồng dờng Damas dê; mơ tơnroh ală cau ơm tòm thòng Aben, bal mơ cau at gai gơnoar at bồ tòm Bet Eden. Làng bol Aram rơp kong kup cèng gơs dĭ tòm Kir.” Yàng Jehôwa đơs behơ̆.

Amôs 1:5 ပူးပေါင်းရင်းမြစ်များ

II Ală Bơtau 14:28

Ală bơta ndai Jerôbôam dê, ală broă khai, bơta pràn kơldang khai, mbe lơi khai tòmlơh mơ ai wơl Israel in Damas mơ Hamat lài neh duh broă Juda, ală bơta hơ̆ gen neh cih tòm sră yal broă kòp nam ală cau bơtau Israel dê.

II Ală Bơtau 16:9

Bơtau Asiri iat jơnau Ahas dê, lòt tus brồ lơh Damas mơ tòmpìt ai gơ, kup làng bol cèng tus hơ Kir, mơ khai tơnchơt Rejin.

Esai 22:6

Elam neh triau ding kam, bal mơ rơndeh ơseh mơ cau hào ơseh, mơ Kir neh tă ală khèl bơh tiah prap gơ.

Esai 43:14

Yàng Jehôwa, Bơtau Dong Tơwài bol mê dê, Bơtau Sàng Goh Israel dê đơs be do lah: “Tài bơh bol mê, Añ rơp sồr tus hơ Babilôn, lơh tơrlơm jơh ală mpồng ƀòn dờng dê, mơ ală jơnau driau cau Kalde dê rơp gơlik gơs jơnau ñìm rac.

Esai 8:4

lài mơ tŭ kòn dềt git đơs: ‘Ơ bèp añ jê!’ hala ‘Ơ mè añ jê!’ gen bơta pas gơs Damas dê mơ phan phà kup Samari di rơp kong tă cèng bơh cau bơtau Asiri.”

Jeremi 50:36

Dô nơm đào tòmdră mơ ală cau bơjơu, Bol khai rơp gơlik gơs cau tùl gơla! Dô nơm đào tòmdră mơ ală cau ling jak tòmlơh gơ dê, Tian gơs bol khai rơp kong tơnroh!

Jeremi 51:30

Ală cau ling jak tòmlơh Babilôn dê ơm ò tòmlơh tai, bol khai ơm wơl tòm ală theng kìng crŭ; bơta pràn bol khai dê neh roh jơh, bol khai gơlik gơs be ală cau ùr. Ală hìu ơm kong chu tòm ồs, Kai mpồng neh kong tơrpă.

Ñìm Rac 2:9

Ală mpồng ƀòn dờng gơkram tòm ù; Kơnràñ neh tơnroh mơ dơrkă ală kai kal gơ dê. Cau bơtau mơ ală kwang at bồ gơ dê ơm digùl ală lơgar ò gơs bơta sơnio lam tai! Ală cau gơnoar hwơr ò dòp bơta tơnggŏ bơh Yàng Jehôwa.

Ejekiel 27:23

Haran, Kanneh mơ Eden, bal mơ ală cau kă bro Seba dê, Asur mơ Kilmat la ală cau kă bro mơ mê.

Ejekiel 30:17

Ală klau pơnu Ôn mơ Pibeset dê rơp gơpừ bơh đào, mơ làng bol tòm ƀòn hơ̆ rơp kong kup cèng.

Sră Ôse 10:8

Ală tiah jơnhoa tòm Aben, bơta tồi glài Israel dê rơp kong tơnroh, ală lò mơ rlau lò rơp hòn dờng hơđang ală cơnòng duh khoai bol khai dê. Bol khai rơp đơs mơ ală mơnơm lah: “Jơm gòm tĕ bol hi!” mơ đơs mơ ală dòr lah: “Dùh tĕ hơđang bol hi!”

Amôs 5:5

bañ jòi jat Betel, mơ bañ lòt mut tòm Gilgal; hala bañ lòt gan tòm Beerseba. Bơh Gilgal ngan rơp kong kup cèng pơrdô, Betel rơp gơlik gơs tiah srau gòi.”

Amôs 9:7

Yàng Jehôwa neh đơs: “Ơ kòn sau Israel, gơwèt mơ Añ gen bol mê kung ò di be kòn sau Kus ò ơ? Ò di Añ neh cèng Israel lik bơh Ejiptơ, cau Philistin bơh Kaptôr, mơ cau Aramean bơh Kir ò ơ?

Nahum 3:13

Sền tĕ di mpồl ling ai dê, digùl mê bol khai mìng la ală cau ùr lơm! Ală mpồng dờng lơgar ai dê pò ơnàng ală cau sò tơm ai in; ồs neh sa pơrguc ală kai mpồng ai dê.