Amôs 1:2 - Sră Goh 2018

² Khai đơs lah: “Yàng Jehôwa ơluh bơh di Siôn. Kơnràñ lơh nggồr ntas bơh Jerusalem. Ală ƀlàng ñhơt cau ê belàt dê rơp ro rañ, bồ mơnơm Karmel rơp ñòp ro.”

Amôs 1:2 ပူးပေါင်းရင်းမြစ်များ

Đơs Crih 29:4

Sap đơs Yàng Jehôwa dê gơs bềng gơnap gơnoar ngan; Sap đơs Yàng Jehôwa dê gơs bềng bơta ryŭ ryơm.

Đơs Crih 46:6

Ală làng bol lơh nggồr nggàc, ală lơgar tơrluh tơrlơm; Yàng tơlik jơnau ntas, gen ù lề jơh.

Jơnau Pơnđik 20:2

Bơta gơjrañ dờng bơtau dê tòm toh be klìu triă ơluh ơhùm; cau lơi lơh khai in gơhào gơjrañ ngan lơh iơh di bơta kis he.

Esai 33:9

Ù tiah ñìm rac mơ siar roh, Liban gơkòl lơh roh gơprah mơ ñòp ro; Sarôn gơlik kung be tiah ƀlàng bràs, Basan mơ Karmel ro jrùh jơh nha.

Esai 35:2

Gơcat bơkào lìu làc mơ hòn chò mơ chò hòp đơs chò. Bơta gơklŏ Liban dê rơp geh ai gơ in, bơta ryŭ ryơm Karmel mơ Sarôn dê; bol gơ rơp gŏ bơta gơklŏ Yàng Jehôwa dê, mơ bơta ryŭ ryơm Yàng Tom Trồ bol he dê.

Esai 42:13

Yàng Jehôwa rơp lik lòt hơđap be cau ling pràn kơldang, be dô nă cau ling jak chồl bơtrut nùs ngac ngar Kơnràñ dê, Kơnràñ driau dờng tòmlơh; mơ rơp pha lin rlau mơ ală cau sò tơm Kơnràñ dê.

Jeremi 12:4

Nđò jŏ tòm lơgar kong moat jrùng, mơ ñhơt tòm ƀlàng sre ro jrùh taih? Tài bơh làng bol iơh bơsak ơm tềng hơ̆, Gen tàng ală jơi phan poan jơng mơ jơi sềm kòl pơs jơh. Bơh bol khai đơs lah: “Yàng Tom Trồ rơp ò gŏ gùng dà bol he lơh.”

Jeremi 14:2

Juda ơm moat jrùng jê sồt, Ală mpồng ƀòn khai dê lơbơn òsô, Bol khai nggui jê sồt tòm ù; mơ sap nggà ñìm Jerusalem dê nggồr.

Jeremi 25:30

“Gen tàng mê ai tĕ ală jơnau do đơs hwơr tòmdră mơ bol khai, mơ đơs lah: ‘Yàng Jehôwa rơp rơnđơh bơh hơđang; Bơh tiah ơm sàng goh Kơnràñ tơlik sap đơs; Kơnràñ rơp rơnđơh pràn ngan tòmdră mơ mpồl belàt; Ai jơnau driau kung be ală cau pat plai ño, Tòmdră mơ jơh ală làng bol tòm plai ù.

Jeremi 28:8

Ală cau gơnoar hwơr lài mơ Añ mơ lài mơ mê, bơh lài neh đơs hwơr bơh bơta kơlìn gơtoă, rung rài, mơ pluh plàng ală ƀòn dờng mơ ală lơgar in.

Jeremi 50:19

Añ rơp cèng Israel rê wơl tòm ƀlàng ñhơt khai dê. Khai rơp sa ñhơt hơđang Karmel mơ Basan, nùs khai rơp geh hòm lai hơđang ală dòr Epraim mơ Galaat.”

Sră Ôse 11:10

Bol khai rơp lòt jat Yàng Jehôwa, Kơnràñ rơp ơluh ơhùm be klìu triă: tòm tŭ Kơnràñ ơluh, ală kòn sau Kơnràñ dê rơp bơh đah mattơngai mut rơm să rngòt mơ tus.

Sră Ôse 13:8

Añ rơp brồ hơđang bol khai be dô nơm jơgơu neh roh kòn, Añ rơp crè lề lac ntơh jơm plai nùs bol khai dê. Tềng hơ̆, Añ rơp sa tơrging bol khai be dô nơm klìu triă, kung be dô nơm phan brê crè poac bol khai rpot rpet.

Jôel 1:19

Ơ Yàng Jehôwa, añ hòi dan mơ Kơnràñ, bơh ồs neh sa jơh ală ƀlàng ñhơt tòm brê, lơmpiat ồs neh sa jơh ală chi che tòm ƀlàng.

Jôel 2:11

Yàng Jehôwa lơh gơlik sap Kơnràñ dê di đap mpồl ling Kơnràñ dê, mpồl ling Kơnràñ dê la gal ngan ò rgơi kòp, mơ ală cau lơh jat jơnau sồr Kơnràñ dê ò rgơi kòp. Ngan, ngai Yàng Jehôwa dê la dờng ngan mơ kìr rngòt ngan, Ñcau rgơi kong jai taih?

Jôel 3:16

Yàng Jehôwa rơp ơluh ơhùm bơh Siôn; mơ lơh gơlik ntas sap Kơnràñ dê bơh Jerusalem; plai ù mơ ală tap trồ gơlơnggơr. Mơya Yàng Jehôwa la tiah kìng crŭ làng bol Kơnràñ dê, la theng kơ̆ cê làng bol Israel in.

Amôs 9:3

Bulah bol khai pồn să bol khai dê hơđang bồ mơnơm Karmel, tềng hơ̆ Añ rơp jòi bàn mơ kup bol khai, mơ bulah bol khai pồn bơh di đap mat añ tòm kơnàng dàlềng, tềng hơ̆ Añ rơp sồr bơs dờng tòm dàlềng mơ gơ rơp kap bol khai.

Nahum 1:4

Kơnràñ lah pơrhơng dàlềng mơ lơh gơ in ro rañ; Kơnràñ lơh jơh ală hiòng soat dà. Basan mơ Karmel ñòp ro, mơ bơkào Liban dê ro jrùh.

I Samuel 25:2

Gơs dô nă cau tòm Maan mơ gơs sre brê tòm Karmel, la cau pas gơs ngan. Khai gơs dô rbô be mơ pe rbô belàt, mơ khai ơm siat sơnò belàt tòm Karmel.