UPIBAN 9:18 - KARÚK-PËRIM KAWALU Nouveau Testament

¹⁸ Ngënjuatsia ngëwaants ngëmënts ngi, bërua ni uru ni ucof, ka pëni di itum ngul; tsi itawar iwaants yun yi bañaan, ngë fiŋ kaloole.

UPIBAN 9:18 ပူးပေါင်းရင်းမြစ်များ

UPIBAN 9:17

Unk tsi buwinal, a n win ngëmpëlënc ni ban dija biki ngul; bë tana tsi ijinc bukul ikundi-ijinc ijankal pi bërua, ifëlal, ibetsëleel pi ucof. Iyeen ngëmpëlënc anaam unk iyeen ngëlioŋ, a bërua ni uru ni ucof kë pëni di itum ngul.

UPIBAN 9:15

A ngëwaanju ngëbaakër ngëmënts pacaa, ngul ngan yecisa ngi pa uler umënts, ni unu umënts, ni pëli pëmënts, ni uwaanu umënts; tsi itawar iwaaants yun yi bañaan, ngë fiŋ kaloole.

UPIBAN 8:7

A uwaanju ucak futs uluur, din a isa-ngëlaas ni bërua bofëlar ni pëñaak a nga yëri tsi utsia. A tsi itawar iwaants yun yi utsia, kaloole tëraa; a tsi itawar iwaants yun yi mko, kaloole tëraa; a pëtsats pëñuaw bëlieng tëraa.

UPIBAN 8:8

A uwaanju utëbantsan futs uluur, din a ko naam unk untunda uwiak mob wun bërua a u gutsaa di bërëk. A tsi itawar iwaants yun yi bërëk, kaloole ruka ci pëñaak.

UPIBAN 8:9

A tsi itawar iwaants yun yi ngëko nga leempa ngi, a nga ci di bërëk, a nguu yafënts, kaloole cats; a tsi itawar iwaants yun yi itsian, kaloole cokaa.

UPIBAN 8:10

A uwaanju uwaajantsan futs uluur, din a upesaj uwiak, wi ka yëk wi pi untuund-bërua, pëni di batsi ayëri tsi katawar kaloole tsi itawar iwaants yun yi ibulaŋ, a u yërand tsi ngëkëpës mlik.

UPIBAN 8:11

Katim upesaj umënts wun ka jaka Abusintu; a tsi itawar iwaants yun yi mlik, kaloole ruka ci abusintu, a bañaan bacumal cäts undo mlik mmënts mun, par aruka ci mpíiral.

UPIBAN 8:12

A uwaanju ubaakëndan futs uluur, din tsi itawar iwaants yun yi unu, kaloole koba, ni kaloole tsi itawar iwaants yun yi pëli, ni kaloole tsi itawar iwaants yun yi ngëpesaj, pa kaloole tsi itawar iwaants ngul yun ka ruka rëmënts. A katawar kaloole tsi iwaants yun yi pënak wamandats ufac, ni buts katawar kaloole tsi iwaants yun yi bërëm.

UPIBAN 9:19

Par, pëyëlan pi ngëmpëlënc ka pi aciina di itum ngul ni di itant ngul, itant ngul anaam unk ngëko-pëtsats, aka iyeen a yuu roona iyeen imënts yun kawaraatsa.