UPIBAN 8:10 - KARÚK-PËRIM KAWALU Nouveau Testament

¹⁰ A uwaanju uwaajantsan futs uluur, din a upesaj uwiak, wi ka yëk wi pi untuund-bërua, pëni di batsi ayëri tsi katawar kaloole tsi itawar iwaants yun yi ibulaŋ, a u yërand tsi ngëkëpës mlik.

UPIBAN 8:10 ပူးပေါင်းရင်းမြစ်များ

UPIBAN 16:4

A uwaanju uwaajantsan koŋi karaani wul di ibulaŋ, ni di ngëkëpës, din a ibulaŋ ni ngëkëpës witsa pëñaak.

UPIBAN 9:1

A uwaanju uñanatsan futs uluur, din a n win upesaj un pëni wi batsi ee yër tsi utsia; kanigësaani baar-tsëko-unoor awëla wul.

UPIBAN 6:13

a ngëpesaj batsi yëri tsi utsia, pi bëfíigu bi ukëk siints bun a ba wati mbuk bul mwampac.

UPIBAN 14:7

A uu ja ni përim pëwiak: “Nda lënkan Nasien-batsi ndë rëmbanul, par uler kawat-pëleentsul, abaandi. Nda jintëlaan na leempi batsi, ni utsia, ni bërëk, ni ngëkëpës.”

UPIBAN 12:4

A pëtant wul raki katawar ngëpesaj batsi kaloole tsi iwaants yun, agutsar utsia. A Uncababaan umënts wun nats tsi bërun ŋaats nanduka unk ayecis kabuk, pa ubukul, u yoor napätsul.

UPIBAN 1:20

A un doots wunk mea, wi ngëpësaj paaj ngun ni ulon, ngi m win ngink tsi kariir nji, ni ipafëni ngëlamp, paaj yun ni kalon, i leempëna yi uwëru, ko umënts ci wun wi: Ngëpesaj paaj ngun ni ulon, aci ngëwaanju Ngëriisia paaj ngun ni ngëlon; a ipafëni ngëlamp, paaj yun ni kalon, aci iriisia paaj yun ni ngëlon.”

JÚDAS 1:13

Bu ci pi ngëmaroŋ bërëk ngëjuatsal, ngi ka lëtsan ngi uñutsandar ngul bërier ngul. Bu ci pi ngëpesaj ngan meets ngi tsi nguu ya tsi; karëm síic ayecisa pa ngul, pa sandëndën.

LÚKAS 10:18

Din, Yeesu ja bukul: “Man win Useetaani, uyëri wul di batsi, pi kalikajan.

MATEU 25:1

Unk, pësien batsi ka naam pi bampëli untaaja ba meets biki niints, bän jej biki ngëlamp bukul, a ba tsëp pii jëk ni nanim.

UPIBAN 8:7

A uwaanju ucak futs uluur, din a isa-ngëlaas ni bërua bofëlar ni pëñaak a nga yëri tsi utsia. A tsi itawar iwaants yun yi utsia, kaloole tëraa; a tsi itawar iwaants yun yi mko, kaloole tëraa; a pëtsats pëñuaw bëlieng tëraa.

UPIBAN 9:15

A ngëwaanju ngëbaakër ngëmënts pacaa, ngul ngan yecisa ngi pa uler umënts, ni unu umënts, ni pëli pëmënts, ni uwaanu umënts; tsi itawar iwaaants yun yi bañaan, ngë fiŋ kaloole.

UPIBAN 9:18

Ngënjuatsia ngëwaants ngëmënts ngi, bërua ni uru ni ucof, ka pëni di itum ngul; tsi itawar iwaants yun yi bañaan, ngë fiŋ kaloole.