UPIBAN 6:9 - KARÚK-PËRIM KAWALU Nouveau Testament

⁹ Uwal wi Ubuk-unkaanel wun pënan wi unuek uñanatsan, a tsi utsia bëgij, a n win ngëwaas ban do biki fiŋaa, undo përim Nasien-batsi, ni undo ko wi ba maatir wi a ba mob tsi pëleents wul.

UPIBAN 6:9 ပူးပေါင်းရင်းမြစ်များ

KAKÚRAN-KAWAR YEESU KRISTU BI JOŊ LEENŢ BI KUL AJA 16:2

Bu ka pënan ind di ito-ijúki. Maa uwal ka bi, uja ñaan fiŋ ind, në ja ne aci tsi pëleempar Nasien-batsi.

2 KORINTU 5:8

Nja ngë cum ni uwatsar, ngë pe pëfier pëpën tsi uliaf wi, pa pii ciina tsi Ajug ci tsi.

FILIIPUS 1:23

Man mí tsi ngëjara ngëtëb ngi; ma ŋal mak pëtsëp kee ci ni Këristu, te wul pe wun pëwara mak;

FILIIPUS 2:17

Maa, ŋal ank ka ka pëwël ubiira nji u ci bëjakan ni bëtseend uleemp uwak ind, man lílan, a ndu n juc ni ulílan ni ind bëlieng.

2 TIMOTEU 1:8

Bi u ci bank, cats kawa puu leents ko wi m ciina wi tsi uleka Ajug; a te cats kawa tsi uleka nji, bi n dica bink, undoul. Maa, nooran ni nji pa Upetsan-uwar, tsi puu sëtsaraan pëyëlan Nasien-batsi,

2 TIMOTEU 4:6

Par, pëñaak nji tula pink ba, pi uncaam bëjakan. Uwal nji wi përëta n tsëp aband.

BAYEBËREU 12:23

Nda baandi tsi bëjúk ijan, bukul ban picana biki itim di batsi. Nda baandi tsi Nasien-batsi, nawat bañaan bëlieng pëleents, tsi ngëwejats bamabal, bukul ban tsua biki a ba ba pëci bawar,

UPIBAN 1:2

a Joŋ leents ko wi na win wi ba këwin, un ci wi, përim Nasien-batsi ni ko wi Yeesu Këristu maatir wi a na leents.

UPIBAN 1:9

Nji Joŋ, nan tsaari ni ind, acints ind tsi unoor, ni tsi pësien, ni tsi pëtambandar tsi Yeesu, man ci di unjiu Patëmos, undo përim Nasien-batsi ni pëleents uleka Yeesu.

UPIBAN 14:18

A uwaanju ucints kak, un ka wi pëyëlan tsi bërua, pëni tsi bëgij, a ni përim pëwiak a u ru un tsij wunk ukaawi un de wi, aja wul: “Jejan ukaawiu, wul un de wi, kë fal ingënts uwoorta mbiiñu utsia jukëlën yul, par mbuk mul ajank.”

UPIBAN 16:7

A n te bëgij jaankma, aja: “Eey-e, Ajug, wi Nasien-batsi, Kayëlan-bëlieng, m ja kë wat pëleents kë wat pul tsi ucär, ni tsi bëmabal.”

UPIBAN 19:10

A n yër tsi iyots wul pa pëjintëla wul, maa a u jain: “Teenan-e, cats ro! Man ci acintsu naleemp, a n ciind acints ban tsaar biki ni wi, ba mob biki tsi ngi Yeesu. Jintëlaan Nasien-batsi; par pëmob tsi ngi Yeesu, ci wun uwejats pëleents u meaatsa wi.”

UPIBAN 2:13

‘Ma me tsi m ciina tsi: tsul tsi pëtsoari-pësien Useetaani ci tsun. Maa, m mob tsi katim nji m liincan, a m wëtaants uwak nji, ŋal uwal wi Antipas fiŋa wi, nul nan ci namaatir-ngëmiñ, na mobi tsi ngul; afiŋa tsi pëncuaf ind, tsul tsi Useetaani ciina tsi.

UPIBAN 20:4

A n win itsoari-pësien; ban tsoar biki tsi yul bu wëla pëyëlan pëwat-pëleents. A n win buts ngëwaas ban fala biki iyeen undo bu leents ngi Yeesu ngi ba maatir ngi, ni undo përim Nasien-batsi; a n winand ban jintëlaatsa biki nin un jar, nin bënaam wul, a bu yankats umarëka, nin tsi pëjúk, nin tsi kañan. Bë kak bayësal, a ba sien ni Këristu, te ngëwaanu umiil (1.000).

UPIBAN 8:3

A uwaanju ucints bi ee nats tsi bëgij, a u tsij katsuuni ucuraay, ki uwëru. Wul, awëla ucuraay arëmbana; ka bofëlan dul ni bëñaan bayëman bëlieng, u wël ngul tsi bëgij ba leempëna bunk uwëru, a ba ci tsi bërun pëtsoari-pësien.

UPIBAN 9:13

A uwaanju upaajantsan futs uluur, din a n te përim pëni di ngëguats ngëbaakër, ngi bëgij, bul ba leempëna bi uwëru, a ba ci tsi bërun Nasien-batsi;